نبذه عن الهيلا

[تالي الليل]

الهيلا..
يا سلام الله سلام فيه عز وجابه**للرجال اللي تنومس مثل اسود الغابة

الرجال اللي لها في نجد كم من صولة** يوم كان الغزو لا مدفع ولا دبابة

شاعر ومدح بني عمي ومدح بقوة** ولا ابد ما جبت فيهم كلمة كذابة

اكتبي يا صفحة التاريخ ما بدع عنهم** ويا عسى التاريخ ما يتعب لنا كتابة

والشعر عاند وحسه داخلي متوهج **لأني اكتب عن شهامة ربعنا الغلابة

ربعنا اللي ما تحسب للقوي والمشكل **ولو دخل ثعبان أول ما طلع نابه

عزوتي هم عزوتي والروق سعد البرقا ** ويوم أوصفهم كما الإبهام والسبابة

وانشدني واحد في الخط قلت اعتيبي **قال ونعم ثم لد مفتل في الشنابة

كم نطحنا في صحاري نجد من عباسة** والعزيمة ما توانت والقبس شبابه

ولو يجينا واحد خلفه سباع مغيرة **وأن دخل في حدنا ما جاه زقل ونابة

من نبي الله شعيب اخذوا رعنا عاده **يوم جاء فرعون متحرك معه نوابه

قال يا موسى نجيت اليوم من ما همك** وخذ حسابك اجر ما أسقيت للعظابة

وكان أكثر ما يزعلهم نهار ألهيه** العدو أليا تنكر مع هله وأصحابه

كيف أوصفهم وأنا ما ني بعرف أوصف **وهم قرار العز وهم وصف وهم مشهابة

قوم تمشى لو يجيها واحد بالطيب **لو يعاندها يجية الموت في سردابة

يا للذي ودك تعاندنا نصيحة روق **روح عاند واحد ما ينتسب للابه

والله و الله يا محبتها في صب الدله **والغنم والذود والبر عاويات ذيابة

والله أنه كل ما يلفي عليها طرقي** تكرمه ثم تكرمه حتى تروق أعصابة

ولو تقول البحر الأزرق فيه خير وخيره** قال أبدا ما نكب البر والحلابة

ولا تغيرنا العوايد لو نسافر برى** مشلح وغتره وقبعه ضافيات اثيابة

ولا تعلمنا ولا نلبس هذا الإفرنجي** ولا لها في سوقنا سومه ولا جلابة

والولد فينا يقدر من كبر عن سنه **وقبل تقدير أللذي شيب قدر مشعابة

والقوافي كل ما غنيتها في عتيبة** صارت بيوت القصيدة كلها جذابة

ابك حنا ما نفكر في الليالي ابد **ونحمد الله كل من جانا ننول اعجابة

اسمحوا ما جبت عنا شي إلا نبذه** والقبيلة تدخل التاريخ بأسم أعتابه,

وختم الأبيات ومحمد عليه أصلى** النبي اللي مكرمه الولي في أنسابة

الشاعر :ـ فارس الثبيتي

[مرزوق حمدان العتيبي]

...
.
تالي الليل من خلال متابعتي لك
ارى فيك مقومات الشاعر الموهوب ولاينقصك
الا سؤال الشعراء المتمكنين في كيفية ضبط الوزن
وفالك طيّب ..
.. كل الملاحظات التي كتبت باللون الاحمر تحتاج الى مراجعة الوزن
... ويمكن فيه غيرها انا راجعتها على عجل...
.. وهذه العيوب هي سبب نقلها الى المحاولات الشعريه ..
... والله يوفقك والقصيده مضمونها اكثر من رائع ..
... ولكن لابد من تنقيحهااا ومراجعتها مراجعه سليمه والله يحييها في قسم
الاعضاء
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD