بين قروى واشهب الذيب

[نايف ابن حديد]

اعضاء وزوار منتديات الهيلا الكرام

يشرفني مروركم على هذه المتواضعه

وين انت ياسلوة الخاطر ويا سيـد الرعابيـب =يا قبلة الحسن كلّه مـن صبـاه ليـا غروبـه
لك وحشة ٍ علقت رجلي على روس المراقيـب= ولك صورة ٍ عن فنار الشوف ما هيب محجوبه
غربتني يا نظر عيني كفانـي منـك تغريـب= عايش مع الناس واللي في ضميري ما دروبه
اسلى عن الناس بالهوجاس لا ودي ولا جيب= اهز راسي لهم والا الحكـي مانيـب صوبـه
انااشهد انك ملكت الـروح لا شـكٍ ولا ريـب= لكنك ارفق على روح ٍ مـن الحـب مغلوبـه
من كثر ما شفت منك من العزاير والعواقيـب= اخـاف لا يبتليـك الله تـرا للجـور حوبـه
انا من الوقت شايب لا تقلطني علـى الشيـب =لبسّني الشيب ثوبـه ليـت ماثوبـي بثوبـه
يالوعة الحال اثر ساس العذاب وفرية الجيـب= لاضاعت ايام عمرك هدر ما هيـب محسوبـه
والآدمي يطلب الخيره ولايدري عـن الغيـب= لو يعلم الغيب مـا يحـزن ولا يرتـاح نوبـه
امساني الليل هايم بين قروى واشهب الذيـب= والعين فيها سحاب ٍ ما بعـد ثقلـت نصوبـه
ياعين دوبـك عليّـه لا تجيبيـن المحاضيـب =تجـودي بالرجـا لا هبّـك الوجـد بهبوبـه
يمكن يراجـع ملفـات الرسايـل والمكاتيـب =ويهز ّه الشوق لأحبابه وترجـع بـه دروبـه
يمكن ..ويمكن يطيب القلب لو ماضنّه يطيـب=القلب ينـزف صوابـه والمعاليـق معطوبـه

[ابن صنهوت]

الله يابن حديد مبدع صح لسانك وعلا شانك

[علي الثبيتي]

انا اشهد انك مبدع وجزل يانايف وصح لساااااااااااااانك مليون

التوقيع

ماني بلا روقي ولا برقاوي = انا ثبيتي جد روق وبرقا

[بسام السيوفي]

الله الله صح لسانك ولا هنت

[فهد الشبير]

][®][^][®][صح لسانك ][®][^][®][
آبــدآآآآع شـــعـــري يانايف ابن حديد
ننتظر جديدك بكل شغف
تحياتي

[نايف ابن حديد]

المشاركة الأصلية كتبت بواسطة ابن صنهوت

الله يابن حديد مبدع صح لسانك وعلا شانك

صح بدنك يابن صنهوت شرفتني بمرورك

[علي فلاح العضياني]

صح لسانك يا نايف




شاعر غني عن التعريف




لا تحرمنا من إبداعك

التوقيع

(( رأس الحكمه مخافة الله ))

[بندر المرشدي]

صح لسااااااااااانك يانايف



قصيدة جزلة واكثر من رائعة

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[سلطان الجـذع]

..
.
.

الله الله يانايف صح لسانك .. ورايي تعرفه منذو مبطي
وفي انتظار جديدك

.
.

[نايف ابن حديد]

المشاركة الأصلية كتبت بواسطة النشمي

انا اشهد انك مبدع وجزل يانايف وصح لساااااااااااااانك مليون

ماعليك زود يالنشمي والله لايهينك على مرورك الغالي

صح بدنك يالسنافي