يالربع قولوا ..!! تم ..!!

[راجح المطيري]

.

بسم الله بذكر الولي أبدا به=قافي والى مني ذكرت أولى به
وأبدا بذكره خالقي سبحانه=حقاً(ن) نعبده يوم حق نهابه
ربٍ(ن) حليمٍ(ن) غافرٍ(ن) هو أرحم=من أم ورعٍ(ن) صوبت بصوابه
وأشد بآسٍ(ن) للعصي واللاهي=والكافرين وشرهم وأحزابه
يالربع أبا أشرح بالقصيد أوضاعي=أبا أدسمه وأمتعه بزهابه
أبا أذكر أوضاع السنين الحمرا=يومن قلبي وآزين بجرابه
عشرين عامن عشتها وزياده=ومن فوقها أربع والولي أدرى به
ماهو كبير !! إلا صغير وتوي=لكن وضعي يالربع ما أرضى به
قضيت بالدنيا لهين عاصي=مدري جهل مدري هبال ذيابه
لعب بي الشيطان لعب الكوره=خلاني أركب مع خسيس اركابه
وقمت أتسعطر بالخطآ وأشيله=وأزهمله اويزهم علي أصحابه
وأجنح جنوح اللي نوى في جنحه=وأجحفل ذنوبي على مصوابه
يومين أجآر ويوم فيه إنحكم=وأسبوع بيع بغترته مع كابه
مابين جلسات الطرب وآعزي=لأرواحنا يومنها طرّابه
وسمي طرب يالعنبو من سمى=إلا عذاب الروح يا منصابه
وإلا الطرب ياللي بغيته عانه=في سجدتن بصياحها طنّابه
سجدة سجودن خاشعه منذله=تآل الليال ودمعها كبّابه
دمعة رجآ ترجي الإله بدعوه=وتشيل حمل ذنوبها وتعابه
هنا ..الطرب هنا ..الذهب وأحصونه=هنآ.. غنى صدر الفقر غنى به
هنا.. نسمي هالحياه بعيشه=عيشت فخر ما هيب عيش كلابه
يالربع .. ياللي تسمعون لقافي=أشكر لكم بإنصاتكم لركابه
لآ يالنشاما خوذو أقصى علمي=علمن يفيض بخاطري لآ ذابه
أنا أحمد الله تبت عن ما يغضب=وجه الكريم وعن دروب إغضابه
واليوم نفسي ذي فداوة ديني=والله لا أبيع الروح لأجل أسلى به
يالربع قولوا (تم) في مطلوبي=نبي نرجع عزنا لأرقابه
لعب بنا كفر اليهود وغله=وجنا مع القوه !! نصد ونابه
يا إسلامنا ذا اعراقنا وصلوا له=يوم جمعوا قواتهم تزهى به
نهار عيد وكل مسلم جهّز=ضحيته مع خوصته وإزهابه
وأخوٍ(ن) لنا يشنق صباحي عيده=وعدونا كتافه اوصلابه
وحنا !! نعايد بعضنا بالفرحه=ما كننا بإسلآمنا نتشابه؟
أقروا تواريخ الزمن وعلومه=إسلآمنا! وش من رجاله صابه؟
بفعول مفدينه عزيزاً(ن) عزّه=من هيبة رجاله عدوه هابه
أمثال: طآرق بن زياد النايف=وابن الوليد إسلامنا يزهى به
ويآ كثر أبا أذكر لو أبا أذكر قوماً=ساروا على نهج النبي وأصحابه
لكن! وين أمثالهم ياربعي؟=مدام حنّا عرقهم وإنجابه!!
يالربع.. ما ودي بطول القصه=أخاف من ظناً(ن) يجي نبلى به
ومدام والينا علينا يآمر=حنا على عز الزمان أسبابه
يالله يارب السماء يالوالي=يامجيب دعوة بالخفا طلابه
يا عالماً(ن) جهر الخفا مع سرّه=يا مصريفن كونك بما تبغى به
يا راحمن رحمآن عفون عافي=مافيه غيرك نعبد ونلجى به
يالله تغفر ذنبنا وتحته=ويالله تجملنا بما نسعى به
في ديننا وبكل فعلاً(ن) يرضي=وجهك ترانا يالولي نفدابه
ويالله تعتق أرقابنا من نارك=في عفوك اللي ماتصك أبوابه
وأختامها صلوا صلاةٍ(ن) تاصل=اعداد حرفاً(ن) ينذكر بكتابه
واعداد قطرات المطر في حله=في ليلةٍ(ن) بحقوقها رعابه
واعداد دقات القلوب الحيه=وعدّ النفس بصدورها تحيى به
واعداد ساعات الزمن واعلومه=إلا عدد ثوانيٍ(ن) ترقى به
على الرسول الهاشمي محمد=اللي أمرنا نلتحق بركابه

.

[عبدالرحمن العقيلي]

تم

تم تم

صح لسانك ياراااااجح ولافيك حيله وبيض الله وجهك

وتقبل تحيتي

[العــــــــابر]

بيض الله وجهك

صح لسانك

جزاك الله خير

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[محمد عويض الثبيتي]

نص شعري جميل


واستدراك أجمل

يالربع.. مـا ودي بطـول القصـه أخاف من ظناً(ن) يجي نبلـى بـه
ومـدام والينـا عليـنـا يـآمـر حنا علـى عـز الزمـان أسبابـه



تقبل مروري

[راجح المطيري]

الأخوان /
عبدالرحمن العقيلي
العابر
محمد عويض الثبيتي

ألف الشكر لكم
وصحت أبدانكم وبيض الله وجيهكم
سعدت بقراءة ردودكم على هذه المشاركة المتواضعه
فهنيئاً لي بهذا المرور
كل الشرف بهذه الصفحه
دمتم بأفضل حال

[حسن إبراهيم الدجيماء]

دمــعــة رجــــآ تــرجــي الإلــــه بــدعـــوه ** وتــشــيــل حـــمـــل ذنــوبــهــا وتــعــابــه
هنا ..الطرب هنا ..الذهب وأحصونه ** هـنـآ.. غـنـى صــدر الفـقـر غـنـى بــه
هــنـــا.. نـســمــي هـالـحـيــاه بـعـيـشــه ** عيشـت فخـر مـا هيـب عيـش كـلابـه

-------------------------------------------------------------

لله دركـ يابن راجح .. لازلت أكرر .. شهادتي فيك مجروحه ..

ماشاء الله عليك .. الله لايضركـ ..

شاعر متمكن .. جزالة .. وسبكـ وحبكـ ..

وذلكـ .. لأنك راجح المطيري ..!!!

لاهنت ولاتحرمنا جديدك .. لاعدمنااكـ ...!!!!

[راجح المطيري]

المشاركة الأصلية كتبت بواسطة الدجيماء

دمــعــة رجــــآ تــرجــي الإلــــه بــدعـــوه ** وتــشــيــل حـــمـــل ذنــوبــهــا وتــعــابــه
هنا ..الطرب هنا ..الذهب وأحصونه ** هـنـآ.. غـنـى صــدر الفـقـر غـنـى بــه
هــنـــا.. نـســمــي هـالـحـيــاه بـعـيـشــه ** عيشـت فخـر مـا هيـب عيـش كـلابـه

-------------------------------------------------------------

لله دركـ يابن راجح .. لازلت أكرر .. شهادتي فيك مجروحه ..

ماشاء الله عليك .. الله لايضركـ ..

شاعر متمكن .. جزالة .. وسبكـ وحبكـ ..

وذلكـ .. لأنك راجح المطيري ..!!!

لاهنت ولاتحرمنا جديدك .. لاعدمنااكـ ...!!!!

ياهلا ومسهلا أخوي الدجيما
أكتفي بمرورك طال عمرك
شهادة أعتز بها ..
كل الشرف .. هنا
دمت بالقرب من هنا