مجوهرات الذهب

[محمد مذكر المغيبي]

الحمد لك يا عظيم الشأن والمنه = يا حامي البيت والكعبة مشرفها
عفوك ورحمتك يا رحمن والجنه = ونفسي بعسر ومكاره لا تكلفها
وفرق هواجيس قلب يوم يشعن = كني من النار والبنزين أعلفها
لا مرت القلب يبطي ما تعدنه = تصدر جموع وجموع تخالفها
أما تصبح بها ولا يماسنه = من شين حظه تقول انه محالفها
ولالي جدا فالهموم ونبرة الونه = ألا أني أصد وأبعد لين أصرفها
وارقا بفكري على ما طال لين أنه = يزول هم برا حالي وناحفها
وأسرج مهار جزيل القول يزهنه = تصعب على من فقدها لا يزيفها
بنات فكر اليا داجن وحافنه = قطيع ذودٍ سموم القيض لايفها
أعرف مداهله وأعر ف جررهنه = نوادرٍ جل صاخرها وعاسفها
أشكال مثل الذهب وأعمارها سنه = يحتار فيها الخبير اللي يصنفها
تمشي بطوعي وصاف العد يردنه = وأنا بخيص بها وأعرف وصايفها
قمة جبال الشرف والعز يرقنه = ولا تظهر إلا منقيها وحايفها
وأبعد بها عن مجال الشك والضنه = وأصدها عن كلام ما يشرفها
وأنهج بها منهج ما يختلف فنه = ومطية الشعر جزل الشعر رادفها
اليا سمع نهجها العاقل يشوشنه = والا هل النمنمه تخرس مسولفها
حطاب ليل عيونه ما يقدنه = وسوالفه قبل لا يجلس مراصفها
ويقال له ناقد بيطار لونه = المفرده لو نشدته ما يعرفها
ومجوهرات الذهب في غيره أهلهنه = لو أني احتاجها ماني بصارفها

آخر تعديل محمد مذكر المغيبي يوم 19-Jan-2010 في 07:43 PM.

[علي الشهراني]

الله الله


صح لسانك يا بو مذكر

[ابن صنهوت]

صح لسانك يابو خالد مبدع كعادتك لاعدمناك

[فهيد مقعد الرويس]

الشاعر الرائع

محمد بن مذكر

دايم والابداع حليفك

صح والله لسانك

تحيتي وتقديري

[عيد بن مرضي]

الله الله



صح لسانك يا محمد بن مذكر



قصيده رائعه من شاعر رائع

[أسير القوافي]

صح لسانك وعلا شانك



وفـــرق هـواجـيـس قـلــب يـــوم يـشـعـنه
كـنــي مـــن الـنــار والـبـنـزيـن أعـلـفـهـا


الله الله .. تصوير في قمة الجمال ..



لاهنت

[محمد مذكر المغيبي]

الراي السديد

صح بدنك وجمل الله حالك

تقبل تحياتي

[حسن إبراهيم الدجيماء]

الله ..

ابداااع وقمة الامتاع صراحة ..

صح لسانك وبيض الله وجهك ...!!!

مودتي واحترامي لك...!!

أخوكـ : الدجيماااء ..!!!

[محمد مذكر المغيبي]

الشهراني

صح بدنك وشاكر مرورك الجميل

الله لايهينك

[سيف ال راشد]

صح الله لسانك


وتسلم يمينك على النص الجميل


تقبل مروري