غيّرت مشروعٍ سلكته عقب كان = التكسي اللي جالبٍ لي خساره

[زياد المزرمي]

غيّرت مشروعٍ سلكته عقب كان = التكسي اللي جالبٍ لي خساره
طببته وبعته ولاني بندمان = علّه مهف مقيط تالي نهاره
ابسبته عافرت شايب وورعان = وبسبته ثارت علي المراره
ولازلت في منافس هل المال طمعان = واحلم ببرجٍ مثل برج التجاره
فكّرت ثم شاورت لي ربع واعوان = قلت الصداره !! كيف نصل الصداره ؟
قالو تريّح وابك تتموت فقران = هاذي هوامير الذكاء والشطاره
عوّدت يم البيت ماني بقنعان = وافكار راسي بين تاره وتاره
امرار احرر بيت الاقصى ولبنان = وامرار اطيح من القهر والحراره
فزيت من بكره ولسوق عجلان = امصبحٍ سوق الخضار وخضاره
امحصّل التفكير ابا حط دكان = وابيع واشري واستفيد بمهاره
واثر الدعاوي دونها سيف وعنان = ولكل مكتب وزعته فالاداره
ادهن سيور فلان وفلان وفلان = وخلك كريم وفاهمٍ فالحضاره
سويت ماقالو وكل الامر زان = يالله بحظٍ ينكشف لي ستاره
ومليت دكاني بضاعه وغرضان = ما ناقصٍ وضعي ياكود الزياره
و أول سبوعي مالفى غير ذبان = ياخذ على قشٍ جمعته مداره
وحطيت لي لوحه على الباب واعلان = وين الزبون اللي يبا شب ناره ؟
كل الغرض للبيت توصيل مجان = هاذي بشاره عند راع البشاره
وشريت لي سيكل وكله على شان = الهندي اللي وازيٍ كل حاره
ياخذ زبوني يوم اشوفه بالاعيان = ويخش بيته ثمّ يطلع لجاره
وانا على وضعي كذا !! صرت خسران = سوات من تصفق يمينه يساره
صفقة فلس ماهو بتصفيق كسبان = وعزّمت اسوي مثله وفي مساره
يالله دخيلك وين ما سيكلي بان = جتني من القشران رمي الحجاره
لو اني آقف من ورا قفل بيبان = ياصلني التهديد صادر قراره
ولا خبيث الطبع له كل عرفان = يدخل ويطلع مع جنوب العماره
كن الهنيدي ما يجي فيه شيطان = وإن الردى مكتوب فينا شعاره
شيٍ غريب ومنه تحتار الاذهان = ومن ما حصلّي صغت نص العباره

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[أسير القوافي]

هههههههههه .. الله يرزقك على قد نيَتك أستاذي : زياد الشطيطي ..





صح لسانك على هالأبيات المؤثرَه ..





وإن تسان تبى مشروع ناجح .. علاك بالقصايد الناجحه اللي مثل هذي .. ونجاحه مضمون مير تراها بدون فلوس .. اللي تبى تكسبه الذكر الطيب وكل علمن غانم ..




وأنت كاسبه من زمان يالذيب ..





لاهنت لاهنت لاهنت








أسمى التحايا المعطرَه بالعود الأصيل





من جمهورك < !

[علي الثبيتي]

لله درك يازياد اشهدلله انك مبدع
والله يكون في عون ؟؟؟؟؟؟؟؟؟؟؟؟

التوقيع

ماني بلا روقي ولا برقاوي = انا ثبيتي جد روق وبرقا

[حسن إبراهيم الدجيماء]

قــالــو تــريّــح وابـــــك تـتــمــوت فــقـــران ** هـــــاذي هـوامــيــر الــذكـــاء والــشــطــاره

عــــوّدت يــــم الـبـيــت مــانــي بـقـنـعــان ** وافــكـــار راســـــي بـــيـــن تــــــاره وتــــــاره

------------------------------------------------------------------

ههههه .. لو إنك سامعٍ شورهم مايمديك خسرت دكانك وهنديك ..

زياد .. قسم بالله من المعجبين في دررك .. ومتاابع لك ..

تبى النصيحة .؟؟

خذ نصيحة اسير القوافي .. واترك التجارة ..

لاهنت .. ولاتحرمنا جديدكـ .. الله لايحرمناااكـ .!!!.!

[أبو فيصل الدلبحي]

ههههههههههه


يبا الله يزينها يازياد

صح لسانك يازياد

ابيات جزله

وحبكة شاعر

[زياد المزرمي]

اسير القوافي

صح الله بدنك يا سنايدي

واشادتك وشهادة اللي مثلك وشرواك هذا اللي نطمح اليه

ومدام انك من المتابعين لي عز الله حملتني حملٍ ثقيل

لكن يبا الله يعين ويجمل

تحياتي وتقديري

[ابورازن فالمريخ]

صح لسانك ملايين الله يرزقك ويرزقنا معك

[راجح المطيري]

هههههههههههههههههه
صح صح صح صح لسسـآنك ..
وبيض الله وجهك ..
قصيدة تحتاج المرور مراراً وتكرار
ياسلآم عليك يازياد الله يسهل أمورك ..
فـآلك التوفيق ياكحيلان
<_ سجلني من جمهورك ..
دمت بحمى الرحمن ورعايته

[زياد المزرمي]

النشمي

هلا وغلا

والابداع يكمن في مرورك يا سنايدي

تقبل كل تقديري

[زياد المزرمي]

الدجيماء

صح بدنك يالغالي

الابداع والله مرورك واطرائك الاكثر من رائع

وماعليك من اسير القوافي مايباني انافسه هوه تاجر ههههههه

تقبل خالص تقديري