بسم الله الرحمن الرحيم
السلام عليكم و رحمة الله و بركاته
صباح / مساء
الخير
هدية متواضعة بـ مناسبة فو ز الشاعر د . حمد العصيمي بـ لقب شاعر الملك
و هذا اللقلب غالي على قبيلة عتيبة الهيلا
ياللي تمنى الفوز حنا هل الفوز=من ماضي الدنيا بالامجاد فزنا
حنا عتيبة نكسب الطيب و نحوز=على العلوم الغانمة ما عجزنا
لنا مكانٍ فأول الطيب محجوز=نرقى سنود و بالله اعتنزنا
حقايقٍ ما هي دعايات و رموز=و لولا الفعول الكايدة ما برزنا
قولوا لراع الهرج عن هرجه يجوز=حنا عن أمثاله بالانظار جزنا
لا شك ما فينا حزابات و فروز=لو حاول المبغض عجز ما فرزنا
من خيبته يرقص على صوت فيروز=و حنا لصعبات الامور ارتكزنا
جميع ما نملك من أموال و كنوز=دون الوجيه نسوقها ما كنزنا
يا راعي الحيلات أخذها على البوز= عليك مردود البراء ما عوزنا
يوم العصيمي فاز يستاهل الفوز= شعره على معنى مسيس و وزنا
شاعر ملك ماهوب بالصوت مدزوز=اجازه الناقد بنقده و اجزنا