الفارس/ خزام بن صامل العازمي رحمه الله

[الروقي]

خزام بن صامل العازمي



الذي شارك مع المغفور له الملك عبدالعزيز في غزواته في توحيد المملكة


وله مواقف كثيرة ومن ضمنها

:

شارك في فتح جدة و موقعة الرغامة

~

وارسله الملك عبدالعزيز الى شمال تبوك لفك النزاعات القبليه

~

وايضا موقفة في قصة ثعيل بن رابح السماري الذي سجن في عهد الشريف في مكة الذي اطلقه

خزام بن صامل العازمي

بعد سماع القصيدة

:

تكفون يالروقه ورا ذكركم مات = وانتم ثمان الحام غير العطاوي
قعدت في حوش البقر للمهونات = مكتوب ولا ماعليا دعاوي

وراح آسرد لكم قصة هذيه الابيات التي قيلت وقت حكم الشريف

مناسبة القصيدة

كان الشريف في مكة المكرمة وكان حدود حمايته العدل في مكة وكان عنده مجموعة من الاخويا على راسهم ثعيل بن رابح السماري وزايد الذيابي الملقب بابو سته

وكان في نفس هذه هذه الفترة حكم أبن سعود بدأ في الانتشار حتى وصل للطائف

وبعد ذلك قال ثعيل بن رابح السماري ماني بقاعد تحت أمر الشريف ودي اروح مع ابن سعود

وايده في الامر ابو ستة الذيابي ولكن فيه جواسيس بين الاخويا وصلوا الخبر للشريف وامر بحبسهم في سجن المحروق

ونقل زايد الذيابي الملقب بابوسته الى القنفذة لابعاده عن ثعيل بن رابح وبعد ذلك قال القصيدة ثعيل بن رابح السماري ينخى الروقة والقصيدة طويلة مطلعها

:

يالله يامعطي العطايا الجزيلات = عطني على قد النحى والهقاوي
وفرج لعبدن يسهر الليل مابات = مسجون مخذول غريب ن جلاوي

إلى ان قال

تكفون ياروقه ورى (حيكم) مات = وانتم ثمان الحام غير العطاوي
قعدت في حوش البقر للموهنات = مـــكتوب ولا ما عليــــا دعاوي

وصلت القصيدة لامراء الروقة ان الشريف سجن ثعيل بن رابح

وركب عباس بن زيد رحمة الله امير السمرة وراح للشريف في مكة يطلبه في فك ابن رابح ورفض الشريف طلبه


بعد ركب الشيخ فاجر بن شليويح رحمة الله عليه

ولازال الشريف مصر على عدم اطلاق سراحه


ولما سمع خزام بن صامل العازمي القصيده عزم على ان يطلق سراح ثعيل ابن رابح وكان يرافقه ابن عمه رجاء بن صهدان

وترادف مطيتهم يبون مكة ولما وصلوا الى سجن المحروق لقوا حارس السجن على باب السجن متقلد بندقيته

وضربوا العبد واخذوا البندق ومفاتيح السجن

ونادوا على ثعيل بن رابح وطلعوه من السجن ومن معه من المساجين

وبعد ذلك اخذوا ثعيل بن رابح


وبعد ثلاث ايام وصلوا الى عباس ابن زيد شيخ السمره من الروقة

قال لهم عباس بن زيد ونعم يالاد عاصي انا الشريف طلبته اكثر من مره واخرتها هددني بالسجن

وبعد ذلك رحلوا ( ذوي صامل وذوي صويمل وذوي صغير ) وهاجروا الى ساجر ديرة ابن محيا خوفا من الشريف


وقال الشاعر / وخيضر بن صغير هذه القصيده

:

بـشروا عبــاس وكبــار الجمـاعـة = جابو المسجون جذعان العوازم
ماقعد في السجن لو هو ربع ساعه = اطلقــوا اثعيل قطمان المحازم
قفـلة الـي فية كسـر بالسـراعـــه = يارجـا هــذه مـن اكبــر اللوازم
والحــديـد مجودينه في كــراعة = والـشريف من الزعل ياخزام كازم

[أبو مرحبا]

رحم الله الفارس خزام بن صامل العازمي العتيبي

وأموات المسلمين



الروقي
بيض الله وجهك على ذكر هذا الفارس وبطولته

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[البريماني]

الله أكبر

قصه بطوليه للأد روق


ونعم فيهم

بيض الله وجهك على القصه والله يرحمهم جميع

[خلف الروقي]

هذي هي افعال الابطال


عندنا للضد ضد





رحمة الله عليك يافارسنا




تحية طيبة منــــــــــــي

[كحيلان الهيلا]

اسمي اللي يعرفه من فالعرب داني وقاصي


يوم زرق بالرماح ويوم ضرب بالرصاصي


ايه انا جدي حبيب وجد الجد عاصي



وان بغيت الصدق مايبني البيوت الاعمدها




مشكور


مشكور


يالروقي والله يرحم فارسنا

[حافي صدوق]

--------------------------------------------------------------------------------

رحم الله الفارس خزام بن صامل العازمي العتيبي

وأموات المسلمين

[الامير حريبيش]

الرجال اللي هذي فعوله والله مليون كفو الله يرحمه ويرحم اموات المسلمين ولاهنت صاحب الموضوع علي الموضوع الجزل بيض الله وجهك

[(مہودع دنہيأهہ)]

الله يرحمه ويغفرله ويسكنه جنت الفردوس هو وجميع المسلمين.مات ولاكن علومه الطيبه حيه في صدور الريجيل

والله يعطيك العافيه يالروقي على الطرح القيم ولاهنت.


تقبل مروري:وننتضر جديدك


أخوووووك