الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

 
 
أدوات الموضوع انواع عرض الموضوع
غير مقروء 16-Jul-2008, 09:45 PM رقم المشاركة : 1
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
Exclamation عمير بن زبن بن عمير (ديوان كتابي )

بسم الله الرحمن الرحيم

أسم تردد كثيرا على مسامعنا منذ سنين طويله .. ومن عائله تسلسلت
بالابداع في مجال الشعر ..

.. فقد ابدع في جميع مجالات الشعر
وبانواعها ..

إنه الشاعر / عمير بن زبن بن عمير البراق الثبيتي العتيبي ..


قصيدة الشاعر الكبير عمير بن زبن البراق التي ارسلها للشاعر عبدالله بن عبدالرحمن السلوم التميمي من الطائف عام 1399هـ ..



نويت ثـم ارسلـت مـن غيـر فتلـي=كلام من حبر علـى الطـرس مكتـوب
يحكي بصدق ٍ قصتة ٍ قـد جـرت لـي=حبيت انا ابعثهـا لشاعـر وموهـوب
عبـدالله السلـوم أديـب زهـت لـي=علومه مع افعاله على الجـود منتـوب
نعم الصديق اللي صحيح ظهـرت لـي=خصال جوده مابـه شكـوك وعيـوب
يا سعود قل بعد السـلام ارسلـت لـي=قصة يابن سلوم لـك وسـط مكتـوب
وليا سأل قل مـا بعـد ترجمـت لـي=خذها عساك من الصوداديف محجـوب
وقل له يقول عمير عـذرا ً بـدت لـي=ثم اختفت عجله وانا اصبحت منيـوب
من يوم خاطفة القلـوب خطفـت لـي=عقلي جلس بالجد يالشهـم مصيـوب
بعين ٍ بها السحر الصحيح نظرت لـي=واصبحت كل الجوف بالفعـل ملهـوب
في برحة القزاز غصـب خطـرت لـي=وراحت وانا ضليت والقلـب منهـوب
وش جابني للسوق حتى عرضـت لـي=الا أن هذا يـا فتـى الجـود مكتـوب
مكتوب اشوف السحر يوم ضحكت لـي=فيها ويجعلنـي مـن العقـل مسلـوب
مكتوب اطب السوق حتى اصدفت لـي=والا فنا ماني على السـوق مغصـوب
من شد ما حسيـت يـوم سلبـت لـي=قلبي وعقلي زاغ وامسيـت مرعـوب
ما جيتها يالشهـم لاشـك جـت لـي=صادت وراحت واصبح الدمع مسكـوب
من نون عيني يوم هـي روحـت لـي=قلبي هي الكاسب وانا اصبحت مكسوب
أول خطر يالشهـم يـوم ندهـت لـي=هو صوتها السحري له العقل مجـذوب
وثاني خطر يالشهم ساعة خطـت لـي=لحظة نظرت اللي على الصدر منصوب
وهن درتين شفـت يـوم قربـت لـي=مع قدرة التعبيـر باخـلاق واسلـوب
وثالث خطر هي بالصحيح نصبت لـي=بعين ٍ وجسم ووجه ما فيـه عـذروب
واليوم يـا مشكـاي وان حـل قتلـي=منها خذوا ثاري ترى الشرع منصـوب





رد عبدالله السلوم علي عميرالبراق






حي الكتاب اللي رجـع بالبخـت لـي=ترحيبة المنـدب الـى عـاد منـدوب
كـزه رفيـقٍ مانـوى بالعنـت لـي=لوظاهر القيفـان بالكـود مصحـوب
أحيا ربيع القلب يـوم ازهـرت لـي=فيه العلـوم ونلـت غايـة ومطلـوب
الغايه اللي من زمـان اسنحـت لـي=مع شاعر ٍ شعـره مقـدر ومحسـوب
واقفى وذكـراه العزيـزة بقـت لـي=وطاريه في قلبـي مقـدر ومحبـوب
واليوم رايـات الغـرام خفقـت لـي=واصبحت كني بالمحبيـن مصحـوب
يا عمير مكتوبك علومـه طـوت لـي=شي ٍ دفين ويخفـي اسـرار منكـوب
مـن تـل قلبـك تلتـيـن ٍ بنتـلـي=ما خاف من فعلـه عواقيـب وذنـوب
اطغاه وقتـه واصبـح الزيـن يتلـي=من شاف في قلبه من الحب منسـوب
يا عمير ابخبرك بطواري طـرت لـي=علـوم اغنيهـا هجينـي ومسحـوب
اخطارك اللي صابتك قد مضـت لـي=وعالجتها بالصبر والصبـر مرغـوب
صادفت بابها وحـدة ٍ وهتفـت لـي=ومن عقبها ما طـاب زاد ٍ ومشـروب
من حـور ربـي كنهـا نزلـت لـي=راحت وخلت لاهب القلـب مشبـوب
ولا غمضني غير يـوم اشـرت لـي=بالكف والا الوجه باد ٍ بـه أشحـوب
وحاولت اقاضيها ولكـن قضـت لـي=وصارت تدهوك بي على كل ملعـوب
يا ليتها يـوم الـوداع حجـزت لـي=أغديـه ينقلنـا مـع الجـو مركـوب
عله يبين علـوم منهـا خفـت لـي=ان الهوى في صوب والناس في صوب
ولاعاد اصدق كل عـذرا سعـت لـي=لو حاولت تبدي لي اسـرار وعجـوب
ولوكان بلحـان الغـرام عزفـت لـي=دريت بـانك يا فتى الجـود مكـروب
يلزمك تصبـر لاتقـول اقبلـت لـي=حتى تقـرر لـك نصيـب وماجـوب
يا عمير وان كان الليال سمحـت لـي=بذلت لـك نفسـي ولا يلحقـك نـوب


القصيده التاليه بعث بها معالي الامير محمد بن احمد السديري للشاعر عمير بن زبن عام 1386 يسال عن والده زبن بن عمير لعلها تثيره لقصائد الغزل


ياعمير خبرني عن العود هو تـاب=وقضب طريق ملفلفيـن العمامـه
واعرض عن الزينات تلعات الارقاب=وعود معيـف وطالـب ٍ للسلامـه
والا يصافح لاجلهن كـل مرقـاب=وعلى هوئ قلبه تشيلـه عظامـه
من اول ٍ سرحان عـادي ونهـاب=ودايم من الغارات تنطـف الكامـه
واليوم مادري وش جراله بالاسباب=ماعاد نسمـع بالعـذارئ غرامـه
والحروه انه قاري ٍ قـروة الـداب=وحتئ خرزها ناظمه فـي حزامـه
لوهو يتم الخمس في كل محـراب=باق ٍ بقلبه من هوئ البيض شامه
الله يخون البيض غضات الا شباب=حطن في هـاك البراطـم علامـه
قله نبـي منـه البراهيـن بكتـاب=وحنا نميـز غايتـه مـن كلامـه
وياعمير قله مانسيتـه ولا غـاب=لو هو في العارض وانا في تهامـه





فجاوبه عمير بن زبن بهذه القصيده





ياشيخ ياحـلال عسـرات الا نشـاب=ياللـي حويـت المرجلـه والشهامـه
ان كان تنشدني عن العود هـو تـاب=ومسـك طريـق ملفلفيـن العمامـه
افيـدك انـه تـاب وللـرب انــاب=واظهر علـى مافـات منـه الندامـه
غض البصر من يوم شاف الشعر شاب=وخلـئ طواريـق الهـوى بانهزامـه
ماعاد له بملا قـف الصيـد مضـراب=لـو يعتـرض قـدام عينـه نعامـه
العود يوم انـه يبـا الصيـد ماهـاب=يلقف لهـن مـع كـل نابـي عدامـه
واليوم تاب وخاطـره بـس ماطـاب=الـى ذكـر بالكـف رفـع اللثـامـه
وده بطرد الصيـد مـع كـل مهـذاب=لاشـك خـال ٍ الفشـق مـن حزامـه
يخاف تالي العمر من عضـة النـاب=ثم ان تصيـر مـع العلامـة علامـه


هذه قصيده وجهها الشاعر عمير بن زبن البراق العتيبي للشاعر عبدالله بن عبدالرحمن السلوم التميمي :


مضالي ثلاث سنيـن ماشفـت زولـه=اولا شفت ديرتهـا ولا جيـت حولهـا
انا اتلا العهد فيها وهـي عنـد بيتهـا=تلفظ بجملة لـي وانـا مثـل اقولهـا
تمسك بعز النفـس والصبـر والوفـا=ولا تسمع النمـه مـن اللـي يقولهـا
واشارت وداع وصرت انا عقب ماختفت=انـادي ودور ويـن جـرة ذلولـهـا
لعلي مع الجره ولـو عقـب ماختفـت=اكون المـوده قـد وفيـت بوصولهـا
تبعت الاثر من شـان اناظـر لغايتـي=فتاة ٍ غذا روحي ترى شـوف زولهـا
لاشك الدهر والبعد قـد حـال دونهـا=وهي روحت ماكل شخـص ٍ يطولهـا
فتاة ٍ سبت عقلـي بسحـرن بعينهـا=عريبـه شريفـة والمعـزة تعولـهـا
فتاة ٍ بها عذروب هو نحـل خصرهـا=وجديلينها بـالارض لـولا ان طولهـا
نهضن وصارن ياصلن نصـف ساقهـا=فتـاة ٍ علـي اظـن صعـب منولهـا
اجـادت بكيـه نجضتهـا بخافـقـي=حشى لو يجي كل البشر مـا يزولهـا
لحيث انهـا داخـل افـوادي تمكنـت=فلا تنذبل لـو حاولـوا فـي ذبولهـا
ولكن يا بن سلوم من عقـب ماجـرى=هواجيس قلبي جت مـن الله سيولهـا
وقفنا على الخضـره وصديـت يمهـا=ولكن رأت عينـي بهـا مـا يهولهـا
حمار ٍ نظرتـه صابـغ فـي كفوفهـا=وانا عنه ماجاني خبر مـن رسولهـا
تنشدتهـا خضبتـي الكـف عقبـنـا=واجابـت حشـى لله وابـدت ذهولهـا
لما قلت ثم اغضت وصدت تقـول لـي=تذكر نهـار الشمـس قـرب نزولهـا
على الغرب يوم اودعك وانت مرتحـل=اعيوني بكت دم ٍ جرى مـع اسهولهـا
وانا القيت بالكفين فوقه مـن الاسـى=ولا طاوعت نفسـي وصايـا عذولهـا
وتحول اخضاب ٍ في كفوفي كما تـرى=وانـا درة ٍ مانـال منهـا ختولـهـا
انا لك وفيـه بـس نفسـي يخيفهـا=كلام الوشـاة اللـي قريبـه انزولهـا
وعقب مالتقينا صار في ظـرف ثانيـه=ربيع القلوب الصادقـه مـن محولهـا
اعاد الزمان النحـس ترديـد مامضـى=افراقن حصل لاشـك نفسـي خذولهـا
بثار ٍ لهـا ممـن سعـى فـي فراقنـا=وفتاتي يابن سلوم تكفـى اخطمولهـا
انـا أظنكـم يافزعـتـي تدركونـهـا=فلاتغفـلـون بـكـل دار ابعثولـهـا
ارجال لهـا تبحـث وتفهـم حقيقتـك=ونجـواي عنـدك يالتميمـي قبولهـا
اعرفك لمن ينخاك تفزع وانـا افهمـك=نهار الشدايـد تعتبـر مـن زحولهـا





وهنا رد بن سلوم التميمي على الشاعر عمير البراق






عدتـك الرزايـا مافجتـك بحلولـهـا=وتعداك هـم يلحـق النفـس جولهـا
الا يارفيـق كـل مـا اهتـم ردلــي=معانيه جدد ما اندثـر مـن سمولهـا
يحبك القوافـي والمعانـي يصوغهـا=صياغه حكيمٍ عـارف كيـف اصولهـا
شكالي ضما نفس ٍ من الحب ما ارتـو=تمضى له سنيـن ومنوتـه ماينولهـا
الى صار لـه صدفـه ورود ٍ تكـدرت=والارياق ما يـروي ضماهـا بلولهـا
بلي في محبة من تحثـه علـى الوفـا=نهار الـوداع وهـي تقـرب زمولهـا
فتاة ٍ سلـب عقلـه حلاهـا وزينهـا=تهـزم الجمـوع ولا تجمـع فلولهـا
نحيلة خصـر فتـان ميـاس عودهـا=طغـت بالجمـال وعربوهـا فحولهـا
متى ماذكر في النوم ساعـة رحيلهـا=تغنـت لـه الفرقـا ودقـت طبولهـا
وهي حالها من جنس حاله وحسرتـه=بكت من سبب دنيـا تفـرق شمولهـا
وبعد ماانتهى همال صافـي دموعهـا=نزف دمها يا اهـل الغـرام افزعولهـا
يقولـون خضـب جايـر الـدم كفهـا=كمـا عامريـة قيـس لا ترتجولـهـا
انا اخشى فوات عمير من صعب ماقفه=مواقف غرامه يذهب النفـس هولهـا
وشكى كيـة بيـن الضمايـر تمكنـت=صطت به ولا قـدر الاطبـا وصولهـا
بقت له على طول المدى تبعث الاسـى=متى ماذكرها صـاب نفسـه ذهولهـا
يابوزبن لو في نجد صارت مصيبتـك=فلا اظن شمسك تنرجى عقـب افولهـا
ولكن هوى الغربي ولو طبعه الصلـف=قليل الخطر لو صاب حالـك نحولهـا
يابوزبن صدفـات الليالـي لياصطـت=تمادت ولا سـاد العـذاب محصولهـا
عليك الرضا والصبر يالطالـب الفـرج=فلايـدرك اثمـار المطالـب زعولهـا
ترى عادة الايام تفريـق مـا اجتمـع=حشى ما انت من كثير التجارب جهولها
انا اللي وصلني منك شكوى مصطـره=حوت من معانيك الجسـام معسولهـا
معاني سواة الدر واحلى مـن الشهـد=حشى مادخـل فيهـا قليـل مهزولهـا
وانا كان تزهمني فنا ما اترك الطلـب=ولو تعترض نفسي مهالـك وحولهـا
ابي منـك عنوانـه وجنسـه وديرتـه=واسوق الوجيه اللي تسـرك حلولهـا
لعل الوجاهـه يافتـى الجـود تدركـه=بتسهيـل خـلاق البـرايـا كفولـهـا
وإلى ما حصل بالطيب والصبر والرجا=فنا اعلنت عجز النفس عمـا يطولهـا
تزبـن شيـوخ يوصلونـك لغايـتـك=مواقيفهـم كـل المـلا يشهدولـهـا
هم اللي ليا ضاقـت وقامـوا تفرجـت=ينالون غاياتهم متى مـا سعـوا لهـا
فلاكلـف الله مسلـم فـوق طاقـتـه=يابوزبـن ربـك فـي كتابـه يقولهـا


هذه القصيدة رثا في الشيخ \ فارس بن محمد بن ضاري بن الطواله رحمة الله


مرحوم ياشيخ عرفنـا النقـا فيـه=شيخ الوفاوالجود في سـر واعـلان
الله يغفـرلـه ويكـثـر حسانـيـه=ويجعل بوسط الخلدلـه عزواسكـان
مرحـوم ياشيـخ بجـوده نلاقيـه=نعم الرفيق بيوم روغـات الاذهـان
صحيح من شمـر عريبـه مجانيـه=الاسلم اهل الطيب ذربيـن الايمـان
وانا عتيبي بس اعزه وابـار ثيـه=انااعشق الطيب ولوكان مـا كـان
قلبي مع اهل الجود دايـم مماشيـه=اهل الوفا عندي بني عـم واخـوان
وحبي لفارس معلنـه مااقدراخفيـه=اعلن بحبي له علـى راس مابـان
شيخ عرفته ومات ماعانـق التيـه=وريف لربعـه كـل ماثـار دخـان
شيخ يعرفه كـل مـن كـان يلفيـه=يلقى من الطيـب قبـول وتحنـان
شيخ من احتاجه يسـره ويرضيـه=ذخر لربعه مـن شبـاب وشيبـان
فارس ولد فخرالـذي كـان ناصيـه=محمد عساله عنـد مـولاه غفـران
والجد ضاري عـز ماكـان ناخيـه=عز القبيله وان غزى الربع عـدوان
فارس ولدهم حازت الجـود اياديـه=ماقلـت بـه زور ولاقلـت بهتـان
لوهوعلى كيف العرب مااحدايجيـه=لوصار كون من عظيمات الاكـوان
بس المنايـا مـن دنتلـه بتطويـه=لازم تجيه لـو دفـع كـل الاثمـان
لو كان يسكن برج حصـن مبانيـه=المـوت مـارده حراسـه وبيبـان
فارس رحل عسى العوض في ذراريه=اخوانه مع عياله على الطيب شبان
الكـل منهـم بالمفاخـر يحالـيـه=يصير مثله شهم في كـل الازمـان
ارفع اعزي ربعي ومـولاي ندعيـه=الله يلهمهـم مـع الصبرسـلـوان
وهاك الوفا بين العرب هـم ملافيـه=وفارس عسا له داخل الخلد مسكان


هذه القصيدة مدح في سموالاميرعبد العزيز بن سعود بن محمد آل سعود


لك يابو راشد يوم أنا اليوم حرّرت=يا سيدي من خافقي جملـة أبيـات
أكذب عليك إن قلت مانـي تأثّـرت=من نظرتي كسّاب سبـعٍ عظيمـات
دين كرم وإخلاص والبـر ناظـرت=برّه بـوه وستـر رمـلٍ عفيفـات
وشجاعةٍ وأدب رفيـعٍ إن حـاورت=هاذي خصال سعود بشهود واثبات
واليوم هذا العيد يوم أنـت قـرّرت=نشوف ونعايـد سليـل البطـولات
شفته وعايدته وفرحـت وتذكـرّت=فرحت في شوفه وعرفه ونظـرات
وذكـرت نشـاط ولكـن تكـدرّت=يومه على كرسي بعد كل ما فـات
لكن ما دامك له ملازم قد أعـذرت=في كل شيٍ يبعـدك عنـه بالـذّات
هذا يسر القلوب جـودٍ ولا أنكـرت=جودك ولك بالجود صوله وجـولات
ومن الحديث أنا لك اليـوم بشّـرت=شخصك لعل أيام عمـرك مسـرّات
أبشّرك بالخيـر لـك فيـه كـرّرت=بشراي وأرجي لك معـزّه فرحـات
ومعنى الحديث اللي ماله يوم زوّرت=بالوالديـن البـر جنيـه حسنـات
من ما بقلبي يا أبيض الوجه عبرّت=بأبيات شعـرٍ واحتـرام وتحيـات


هذه القصيدة في رثاء الشيخ عبدالعزيز بن خالد بن جامع شيخ شمل قبيلة الروسان من عتيبة



يا مكـرم الهيـلا عسـى الله يرحمـك=عبدالعـزيـز الله يثـبّـت مـقـامـك
في جنة الفـردوس رضـوان يزهمـك=باسمـك وبالجنـة سكنـك ومنامـك
يا اليعربـي بالجـود ينـدر مزاحمـك=ديـنٍ وعـز وطيـب غايـة مرامـك
وعن عرض من هو غايبٍ صايم فمـك=وغير الشرف ما فيه شيء استهامـك
وفي جمع شمل العزوه الـرب مفهمـك=من عشت حتى مـت هـذا اهتمامـك
شهمٍ تـروم الجـود والجـود رايمـك=وعن نولك الشيمه ما به شخص ضامك
وفيك الكـرم مـع التواضـع ملازمـك=هـذا هـواك بجـد طيلـة عـوامـك
بدينك وحسن الخلـق مليـا محازمـك=وفيهن مع العالـم فرضـت احترامـك
وبالصدق واخلاصـك قويـه عزايمـك=وان جا حزم كـلاّب تـورد اسهامـك
بالخصم حتى الخصم يصبح مسالمـك=والعـز والنومـاس هـذا اهتمـامـك
وأرجي من اللّـي بالفضايـل معلّمـك=وعرشه على سبع السمـاوات سامـك
عـن واهـج النيـران دايـم يحرّمـك=وتأخـذ مـع الأخيـار بالخلـد زامـك
وما دام جامع مـع اخوانـه ملازمـك=والكـل منهـم بالشـدايـد حـزامـك
الباريـن الـكـل منـهـم منـادمـك=وبالثانيـه هـم واقفـيـنٍ أمـامـك
لعـل ربٍ بالتـقـا كــان ملهـمـك=يلهمهـم التوفيـق تنصـب خيـامـك
تنصب بعال المجـد والكـل محزمـك=كلٍ علـى الجـودى همامـه همامـك
وأعـود وأكـررّ عسـى الله يرحمـك=وبجنّـة الفـردوس يثبّـت مقـامـك

في هذه الملحمة يؤكد الشاعر عمير بأن حفظ حقوق الإنسان هو فيما تطبقه دولتنا المسلمة من حدود أمر الله بها حفظاً لحقوق البلاد والعباد في كل زمان ومكان إذ يقول:


مشت من رحـاب البيـت بيضـا ردونهـا=تجـوب الفيافـي ليـن طافـت اركونهـا
من الابطح المشهور عمـت علـى البشـر=وهـي دعـوة الإسـلام مـا يجهلونـهـا
تشـع الضيـا للنـاس تنـور طريقـهـم=ولا فرَّقـت بيـن البشـر كيـف لونـهـا
تسـاوي جهـر بيـن الغنـي وفقيـرهـا=وتنيـر الطريـق الصـح لا تظلمونـهـا
ومحمـد بأمـر رب المـلا يعلـن الهـدى=يوضـح شريعـة حـق هـم يعرفونـهـا
يوضـح شريعـة ديـن الاسـلام للـمـلا=ولكنـهـم مــن غيّـهـم ينكرونـهـا
دعا الجـن هـم والانـس لعبـادة الـذي=خلق كـل الامـة وهـو وحـده يصونهـا
دعـا الخلـق للتوحيـد للخالـق الــذي=متـى مـا نـوى لاشيـا بكـافٍ ونونهـا
تكـون وتشاهـد صـح مافيـه اظنـهـا=جميـع البشـر بعيونـهـم ينظرونـهـا
محمـد رسـول الله دعـا الخلـق كلهـم=صـدع بالرسالـة والـمـلا يسمعونـهـا
بهـا بـلّـغ الإنـسـان وأدّى لامانـتـه=ونصح كل الامـة صـدق مـا يجحدونهـا
واجـاد الجهـاد لخالقـه فـي مسيرتـه=واتـاه اليقـيـن ودعـوتـه يعلنونـهـا
جميع الصحابة مـا جـذوا عـن طريقتـه=بنـوا دعـوة الحـق وتنامـت غصونهـا
مشت,, طافـت العالـم بشـرقٍ وغربهـا=وشمـال,, وجنـوبٍ دعـوةٍ ينشرونـهـا
خُلقـنـا أمــةٍ تـومـن بالله الـــذي=هـو الـرب مـا غيـره إلـهٍ بكونـهـا
وملائكتـه والكتـب والـرسـل كلـهـم=بهـم مؤمنـيـنٍ والـمـلا يفهمونـهـا
اجل نومن ,, بموسى,, وعيسى,, والانبياء=ولـكـن شريعتـنـا لـمـا ينقدونـهـا
من أحق نـذ عـن لـه؟ لـربٍ يغيثنـا؟=أو نصـدق أقـوال البشـر يكتبونـهـا؟
أوامر بشر,, صنع البشـر,, صدقـو بهـا=واوامـر إلـه الكـون هـم يهجرونـهـا
ولـكـن دولتـنـا مــن اول سنينـهـا=ثلاثـة قــرون وسـنـة الله تصونـهـا
كـلام الله المنـزل بصـدق علـى البشـر=نسـخ كـل كتـبٍ قبلـنـا يدرسونـهـا
لانـه حقيقـة كتبـهـم حـرفـوا بـهـا=على مـا يبـون ابقـوا خصـالٍ يبونهـا
ترى ديننا هو مـا ارتضـى خالـق المـلا=مسالـك شـرف واجـدادنـا يهتوونـهـا
رضوها لهـم دستـور مـا عنـه حولـوا=هدايـة مـن الرحمـن هــم يقبلونـهـا
محمـد,, مـع محمـد,, عليهـا تعاهـدوا=شريعـة كـتـاب الله مــا يتركونـهـا
هـذا وضـح السنـة,, وذا سـل سيفهـا=مـن اللـي نـووا تدميرهـا ينقذونـهـا
وعليها السعود الصيـد سـاروا وكبّـروا=وعليهـا يبـي يبقـون مـا يهملونـهـا
ولا همهـم زيـف العـدا فـي اعلامهـم=ولـو كـان هـم باعلامهـم يرسلونـهـا
حقوق البشـر,, دستورنـا هـو مقرهـا=يحفـظ الحقـوق بصـدق مـا يهدرونهـا
كـلام الله ابلـغ مـن كـلام الصهايـنـة=وحكومـة بلـدنـا سنـتـه ينهجونـهـا
ولا همهـم صهيـون واعوانـه الــذي=يبـون أمـة الإسـلام تعمـى عيونـهـا
قرينـا مقـال أكبـر يهـودي بجيلـهـم=قبـل ستـة اعـوامٍ نـشـر يذكرونـهـا
ينـادي يقـول: المسلمـيـن وكتابـهـم=يجـب ينتهـون الارض مـا يسكنونـهـا
فهـم قنبلـة موقوتـةٍ يـجـب خلعـهـا=قبـل لا يبيـد الغـرب أبيـدوا حصونهـا
اقيمـوا خطـط لاعدامهـم باقتصـادهـم=وبالإعـلام قولـوا واكتبـوا يقرأونـهـا
وبـدت مـا يسمونـه حقـوقٍ لانسـهـم=تكـيـل أكـاذيـبٍ وهــم يدعمونـهـا
تقـول: السعوديـة تمـارس ضغوطـهـا=على إنسانهـا بايعـاز مـن يحكمونهـا!
ولكننـا نقـول: عــن حــق كلـكـم=أجيبـوا علـى اسئلـةٍ لنـا تسمعونـهـا
من اللـي علـى التـوراة وانجيـل ربنـا=أغـاروا عليهـا خبـث ويحرقونـهـا ؟
أجـل مـا ذكـر قرآننـا وسـط كتبـكـم=وحذفتـوه منهـا قبـل مـا تنسخونهـا!
واجل ما وقف عيسى بجمـعٍ لكـم مضـي=يبشـر باحمـد,, ربعـكـم يخبرونـهـا؟
وتنكرتـم لهـذا مـن الغيـظ والحـسـد=وشريعـة بلـدنـا كلـكـم تكرهونـهـا
حقوق البشر,, حكامنا اللـي مشـوا بهـا=بهـا يعتنـون,, اموالـهـم يبذلونـهـا
ولاجل يحتمون العرض,, والمال,, والشرف=يقيمـون حكـم الله بـمـن يبخسونـهـا
كرامـة هـذا الانسـان وحقـوق سيرتـه=أبيـدت وديسـت عنـد مـن يدَّعونـهـا
أجل وين حق الانـس يـا مدعيـن بـه؟=بما صار في (صيدا) و(حيفـا) بسكونهـا!
حقوق البشر عن (مسجد القدس) وينهـا؟=بـه النـار تضـرم كلـكـم تنظرونـهـا
مصليـن بالمسـجـد ركــوعٍ لربـهـم=أبيـدوا وهـم فـي سجـدةٍ يسجدونـهـا
حقوق البشر هـي ويـن يـا مدعينهـا؟=عـن (البوسنـة) وشعوبهـا يعدمونـهـا
حقوق البشـر هـي ويـن ياجاحدينهـا؟=عن الناس (بالشيشـان) هـم يلمحونهـا
حقوق البشر هـي ويـن وانتـم هلاكهـا=الاف البشـر حيـيـن هــم يدفنونـهـا
حقوق البشر هـي ويـن يـا منكرينهـا؟=وآلاف النسـا باعراضهـن يغصبونـهـا
هذا صار في في (لبنان) و(البوسنة) بعـد=و(فلسطيـن) حقـايـق ولا تطمسونـهـا
وهذا صار في (كشميـر) والهنـد تدعمـه=وهـذا صـار (بالقوقـاز) ويشاهدونـهـا
هذا السلب ,, ثم السرق,, واباحة الشـرف=وبيـوتٍ علـى اهلهـا سخـط يهدمونهـا
تُـرى ويـن مـا قلـتـوه بمنظماتـكـم؟=لكـن لعنـة التاريـخ مــا تنتسونـهـا
ان كان ان فيكم جزء واحـد مـن الميـه=مـن اللـي وسايلكـم لـنـا ينقلونـهـا
اعيدوا حقـوق اللـي سلبتـوا حقوقهـم=من اللـي بعنـف وظلـم مـن يسلبونهـا
وامـا الـذي قلـتـم لحكامـنـا الــذي=هم اللـي حقـوق الفـرد لـه يحفظونهـا
ربينا سوى معهـم مـا نرغـب بغيرهـم=مـلـوكٍ لـنـا بيبانـهـم يفتحـونـهـا
فهدنـا,, وعبـدالله,, وسلطـان كلـهـم=مـع جملـة آل سعـود مـا يرخصونهـا
بلدهم هـي اعظـم مملكـة تقهـر العـدا=وهـم فـي جميـع أراواحهـم يفتدونهـا
ولأن الغنـا,, والأمـن,, والخيـر عمَّهـا=سمـت مملكتنـا والـعـدا يحسدونـهـا
ولكـن ملـوك المملكـة بالحـسـد دروا=وبلدهـم يبـي بالكـون هـم يحشمونهـا
وعلشانهـم يـدرون بامثـال مـن مضـا=هـل الخبـرة اللـي حكمتـه ينطقونهـا
فلابـه بلـد قـد فكّهـا طـول سـورهـا=اهلهـا هـم اللـي بالخطـر يحتمونـهـا
ملوكٍ عن الشعـب الوفـي مـا تنصَّلـوا=من اجله مصانـع خيـر هـم ينشئونهـا
يعرفـون مـا يبـون شخـصٍ يدلـهـم=الـي بلدهـم خيـر مــن يكرمونـهـا
يعرفـون هـذا شعـب لبلادهـم بـقـوا=مــن عـيـونٍ واعـيـة يحرسونـهـا
واعطوا شعبهم من طبعهـم زايـد الكـرم=واراضي,, وامال الشعـب مـا ينهبونهـا
لذلـك عطوهـم,, واكرموهـم,, وشيّـدوا=لـهـم بالبـلـد عمـايـرٍ ينزلـونـهـا
وقـروضٍ ميسـرةٍ لهـم فـي حياتـهـم=بامـر مـن حكومتهـم لهـم يقرضونهـا
ومصانع,, ودور عـلاج مجـان لاجلهـم=ومـزارع كبـار لشعبـهـم يمنحونـهـا
وعمايـر لـدور العلـم للشـب شـيّـدوا=وبعثـات لاجـل العلـم هـم يبعثونـهـا
وحضـانـات دورٍ بالمعاقـيـن تعتـنـي=ملايـيـن دولارات هـــم ينفقـونـهـا
هـذا فضـل حكـامٍ لنـا فــي بـلادنـا=بلدنـا وحنـا اعلـم بأهلهـا وشونـهـا
وننـادي بعـال الصـوت يسمـع عدونـا=للأعداء نقول: اخسـوا وهـم يفهمونهـا















التوقيع
اضغط على الصورة لرؤيتها بالحجم الطبيعي









للتواصل عبر twitter تويتر


al_bargawy@
رد مع اقتباس
 

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »06:18 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي