اسمع علومك واستمع لي.... - الهيـــــــــــــلا *** منتدى قبيلة عتيبة

راعي القوافي · 23-Oct-2012, 08:27 PM

الاخوه والاخوات الاعزاء اعضاء منتدى الهيلا الكرام
اليوم مشاركتي معكم بهذه الذائقه الجميله التي
اتمنى ان تحوز على رضاكم....

تراوالي على شارد خيالي مثل بارق نو=بعيد ٍِ في طرف جنح الدجا من فوق متعلي
يقول اسمع علومك واستمعلي ما تخص بسو=ترى شرواك لا جاه اللبيب يقوم ويهلي
انا طفت العصور وشفت في بعض الاماكن جو=لطيف ٍِ ويش يوصف بارع التصوير ويخلي
وعش اقسى الظروف ولوعت وجهي بلاهب ضو=شربت الصبر فيها والالم مانيب متسلي
عرفت اهل التوضع والتعالي واهل آل وذو=وسمحين الجناب وعنجهي ٍِ جعله يولي
ومن خلا حياته فوضوية بين ليت ولو=ومن علاه علمه بالكرم والدين متجلي
ومن جاه الخبيث وقال طنش تو عمرك تو=ولا تقضي سنيات الشباب تصوم وتصلي
تردد عن فعول اهل المكارم واستريح ونو=نوايا ٍِ ماتوردها الفعول الا على ذلي
تنكر في النهاية قال فارقني وفشك طو=خيتك وجبة ٍِ واشوف غيرك ودي آحلي
واذا تقدر تلوي حبل ذنبك حول عنقي لو=مصيرك تدرجبه في سعير النار منتلي
كما حال الخلوج اللي تلَهيها بجلد ٍِ بو= وتنحرها وتشوي كبدها في حامي الملي
ترى هذا عدوك لا تطيعه خل همك هو= ولذ في رحمة الله في طريق ٍِ وارف الظلي
تأمل في محاصيل الجنان وقو عزمك قو=ترى جامع مهور الغالية يزداد ويغلي
تنعم في بساتين العبادة رو غرسك رو=وقل ياملهيات الزايلة عن ناظري زلي
واذا تقدر تسوي مثل غيرك فعل طيب ٍِ سو=يامال الخير ياراس ٍِ بفعل الطيب متحلي
على الله التوكل كان تبغا ريعها يحلو=فلا عند الخلايق حول لاجزئي ولا كلي