هجاد الثبيتي
مرحبا في مر حبا والليل توه في شبابه =منقضى من عمره ألا ربع ساعه في زمنا
معجب البارح تهور بين ذيب وبين نابه= وانصحته ما يفيد النصح في العقل المجنا
معجب العتيبي
البقا ياللي ترحب لو حصل فيها غرابه=في وطنكم ياعميل الخير مدري في وطنا
عن لزومي ما تأخر لو يجي دونه ذيابه=ومن يصد ولايقف في ماقفه ماهوب منا
هجاد الثبيتي
هات علمك بالاجابه ولا تطول بالاجابه==ومن يطول بالاجابه نجلد الكف المحنا
ازهمه واقول معجب وازهمه محدن درابه=وش تورى في فعولي يوم جاك العلم عنا
معجب العتيبي
مالقينالك سؤال ولاقرينالك كتابه=جملةٍ كررتها لو جيتها منا ومنا
ويش اقول ويش اخلي دام واحد من عتابه=دام واحد من عتابه جر صوته ثم غنا
هجاد الثبيتي
انته فاهم للاجابه والا جابه في كتابه=مير مد ريال و اخذ جنيه ياسبل المجنا
البارح مع بني مشيب والسيف تعرف نصابه=والليله تومي بين ثبيت خلك بيننا حنا
معجب العتيبي
مانبيها بيني وبينك ياهجاد بطلابه=كان ماجات برضا ياصاحبي لاتمتحنا
قمت للصفين مثل الذيب في دربٍ سرابه=يوم غيري لاسرا قال العرب وشبه تعنا؟
هجاد الثبيتي
والله انا ماندور للمشاكل والحرابه=وكان تبغاها حرابه هذي ناري فوق بنا
قمت للصفين لكن الاحداء منهو حدابه=لا تقول ان المعاني في يمينك ماتثنا
معجب العتيبي
كلمتك هاذي ترا مازوّدت غير الصلابه=وانت شاعر تعرف المعنى وتعرف كل فنّا
ياهجاد الله يهجد اللي على الدرب وغدابه=وانشد اللي يفهمون العلم عن قصد المعنّا