الأعـــور الدجّــال !!

[فواز السعيدي]

مساء الخير ياعلي ....

سلامي يرتكز مثل الغشين وركزة الهمّال = ليامنّه ركز فوق المسايل واسبل الثعلي !!
قرينا من علامات القيامه (يظهر الدجّال ) = وانا اتوقّع ظهوره من جهة ديرة (بني ثعلي) !!

التوقيع

حنـا هذيـل ان صـار فالعلـم زرقــه=نغضب غضب سيل الربوع ودماره حريبنـا يونـس علـى الكـبـد حـرقـه=نهـدر هديـر السيـل لا جـات غــاره مهما حصل مايدخـل الصـف فرقـه=نورث شجاعـه والشجاعـه شطـاره مجـد اهذلـي مايقبـل الوقـت درقــه=درع الحجـاز وفزعـتـه وانتـصـاره مـن طبعنـا مانسـرق المجـد سـرقـه=يشهـد لنـا التـاريـخ باحـسـن عـبـاره

[عبدالمجيد العطاوي]

,,


هههههههه اهب ماتووقع هالتوّقع غير انت يابو عايش الله يسامحك ..


ننتظر شاعر الهيلا ,,

[فواز السعيدي]

ارحب ارحب ارحب



صح بدنك ياعبد المجيد


لاهنت

[علي فلاح العضياني]

مساء النور يا فواز

تراحيب الوفا تختصّ من بين الرجال رجال=رجال الماقف اللي يحتميه القول و الفعلي
ما يطلع من ديار عتيبه اللي للرسول أخوال=عسى محمّد رسول الله يوم الدين يشفع لي

التوقيع

(( رأس الحكمه مخافة الله ))

[نوآف الغنامي]

سلامي يرتكز مثل الغشيـن وركـزة الهمّـال
ليامنّه ركز فوق المسايـل واسبـل الثعلـي !!
قرينا من علامات القيامـه (يظهـر الدجّـال )
وانا اتوقّع ظهوره من جهة ديرة (بني ثعلي) !!


تراحيب الوفا تختصّ من بين الرجال رجال
رجال الماقف اللي يحتميه القول و الفعلي
ما يطلع من ديار عتيبه اللي للرسول أخوال
عسى محمّد رسول الله يوم الدين يشفع لي



يا سلآم سلّم


فتل ونقض على مستوىا


صحت السنتكم يا عمـآلقة ,



متاااااابع بشدهـ

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[فواز السعيدي]

الله الله

//
,,

يازينك لو تحوز لحال والشكّه تحوز لحال = ياجعلي ماسرق المذخور والمخبور ياجعلي !!
يجي من ديرة عتيبه بثوب ومسبحه وعقال = هذا حلمٍ حلمته .. يوم قال الكل يخضع لي !!

[فواز السعيدي]

خيال الصفراء


يامرحبا ياسنايدي ..



لاهنت

[علي فلاح العضياني]

يا ليت لسانك اللي طال مدعوم بيدين طوال=و أنا أرجع للوفا و الطيب و النوماس يرجع لي
ترى اللي تقصده عليك لو سيّر يطيب الفال=من الهيبه تواطا لي و تسجد لي و تركع لي

[فواز السعيدي]

الله الله

//

....

الا ياكثر ماتخطي علينا مار كيف الحال = مراسيل الخوي وصلت خويٍ ماتواضع لي !!
ياكبر المشكله لكن تجي ويجيلها حلّال = قرون الوعل تصدم فالجبل وتعوّر الوعلي !!

[صاهود]

المشاركة الأصلية كتبت بواسطة فواز السعيدي

الله الله

//

....

الا ياكثر ماتخطي علينا مار كيف الحال = مراسيل الخوي وصلت خويٍ ماتواضع لي !!
ياكبر المشكله لكن تجي ويجيلها حلّال = قرون الوعل تصدم فالجبل وتعوّر الوعلي !!

ياحبك للقوافي الصعبه يالسعيدي فعلا حجازي

والصف صفك

ولاهان الفالح