الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > معارك وبطولات

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 03-May-2012, 02:57 AM رقم المشاركة : 1
معلومات العضو
ابن عتيبة 2005
عضو
إحصائية العضو





التوقيت


ابن عتيبة 2005 غير متواجد حالياً

افتراضي توثيق قصة التنابكة السبعة يوم ردو ابل النفعة وقصيدة سيف الحكرة المرشدي

بسم الله الرحم الرحيم


تعتبر هذه القصة من اشهر قصص البطوله والشجاعه لفرسان التنابكة من المراشدة من عتيبة بقيادة الشيخ/ ضـيف الله ابن مـدوخ ابن دخيل الله ابن سعيد ابن عبدالله (الملقب تنيبيك) ابن محمد ابن عبيد المرشدي الروقي من شيوخ قبيلة المراشده وهى قصة ردهم لإبل النفعة جماعة ابن حجنة

يقول الراوي:

كانوا النفعة قاطنين على الحفاير جهة ظلم وكانوا الحجن مسافرين لهم لزوم عند الشريف حاكم الطائف
وكانوا التنابكة رايحين مع برقا بسبب قتل احد ابناء عمومتهم من ذوي عبيد للشيخ مدوخ بن دخيل الله ال تنيبيك وكانوا يتغيبون عند برقا طلباً للثأر ويوم وردوا التنابكة على النفعة وهم على الحفاير قالو لهم النفعة مالكم ما لكن روحوا للطفية وهي للنفعة وانزفوها واقطنوا علاها وهي في فية ظلم وفعلا راحوا التنابكة للطفية وانزفوها وقطنوا علاها.

وكان عددهم سبعة فرسان ستة من التنابكة والسابع عبدهم نصيب كلهم لحمه وحده ما فيهم خلط من غيرهم وهم:

1- الفارس الشيخ / ضيف الله بن مدوخ ال تنيبيك
2- الفارس/ متعب بن مدوخ ال تنيبيك
3- الفارس/ ركيان بن مطلق ال تنيبيك
4- الفارس/ سحمان بن حزام ال تنيبيك
5- الفارس/ بجاد بن عماش ال تنيبيك
6- الفارس/ مترك ال تنيبيك (يقول الراوي نسيت اسم ابوه )
7- الفارس/ نصيب ( عبد ركيان بن مطلق ال تنيبيك )

ويوم من الايام اغار علي ابل النفعة قوم من مطير بعد ان استغلوا غياب ابن حجنه وقومه وكان عند الحلال من ضمن الرعيان بنت وهي اللي راحت للتنابكة وهم على الطفيه و يوم جتهم لينهم يتوضون يبا يصلون الظهر ولاهي متكشفة ورافعة بخنقها على راس عصاها وتنخا البل وخذت ياريجيل قالوا :استتري والبل يبا الله ييسر امرها ثم صلوا الظهر وعجلوا بالصلاة ولحقوا البل على خيلهم ولا لحقوها الا عند هكران واظهرهم الله علاهم وردوا البل ما وخذ منها شي ومعها اثنعشر ذلول من جيش مطير كسب وبعد ما رجعوا غانمين ارسل الشيخ/ضيف الله ابن مدوخ العبد نصيب الى شاعر المراشدة الكبير/ سيف بن ماضي الحكرة المرشدي ولم يكن معهم في هذه الوقعة وكان نازل على الشماس ويوم جاهم علموه وقالوا رد فيها قالهم علموني بسيرتها كلها وبعدها تمثل بهالقصيدة الملحمية:


هاض قلبي ظهر قبل أمس يوم أذن نصيب === قال جاكم صايح ستر راسه في عصـاه
ثم توضينا من الماء على جـال القليـب === ثم صلينا جماعه وعجلنـا الصـلاه
يوم جات ليا أنها بنـت ماقـد جـت بصيـب === كن حب نهودها فالنحر جمـرة غضـاه
قلنا ويش العلم يابنت والتبريج عيـب === قالت إن المال يالاد روق اقفي عـلاه
ويوم جانا صايح البل وحنا نستصيب === قصدنا قل الجماعه وكثر اللي وراه
والله إنك تزهم الرجل باسمه مايجيب === مغلقٍ درب النسم زرمةٍ مثل الحصاه
ثم لحقنا كلنا فوق عجـلات الهذيـب === واحدتهن قد طلع قرحهـا واهيـه فتـاه
زادهن الدر والبـر وغمور الرطيـب === لين صارت واحدتهن تشادي للمهـاه
ثم جاء مفزاعهن سيرةٍ وأمرٍ عجيب === يوم ياطن الدعث كنهنه مع صفاه
سبعة والكل منا علـى مثـل القضيـب === طايرٍ من كف راعيه يطـرد لـه قطـاه
سبعةٍ كم فرقوا من حبيبٍ عن حبيب === منوة اللي لاذ فيهم يبا درب النجاه
جعل ذرعانن لحقنا عليها ما تعيب === الحذا فيهن ما وحدة تشكي حفاة
يوم جيناهم ليا شيخهم أمره غضيب === مير خلانا الرمك بالحذا تاطا علاه
يوم قسمهم صليبين جيناهم صليب === جاء يبا خيبة رجانا وخيّبنا رجاه
ما درى أنا بالملاقا عمى عين الحريب === كل معلوقٍ ننوشه نجذه من عراه
كم صبيٍ طاح رايحةٍ اضلاعه حطيب === ماتثور المارت الا بعد تلمس قفاه
لين نطلان الجنائز غدا مثل الخشيب === مثل نطلان الخشب في براح أرضٍ فلاه
ياذيابة كشب والخال وذياب الجذيب === انحرن هكران عان الولايش في قداه
ثم عد الضلع ياذيب واشهر بالقنيب === لين مافي ظلم من ضبعةٍ توح العواه
أكلن الجيش المذبح وغببن الغبيب === من وراه جراه بالمجحره يدعي جراه
نحمد الله يوم صار الفرج منا قريب === ثم لطمنا عيون العناتيت الطغاه
هجمةٍ وخذت لبرقا من المظما عزيب === طامعٍ فيها حريبٍ رثعنا في شواه
هجمةٍ من عهد بادي وشباب وشبيب === هم جنبها ماتلاها الصبي ساحب عصاه
هي عدايلنا المقيمة ليا بار الصحيب === يوم كل صحيب كذبٍ يبور بمن نصاه
ياهبيل القلب حنا كفاية من يغيب === دون وبرات العشائر نرد حوض الوفاه
حشمة اللي يوم جاء الوقت تعطينا الحليب === يوم شح الرزق مطعومنا حدر الرغاه
والردي يالبيض عيفنه إن جاتسن خطيب === اذهنن راس المهبا وجوزن من نماه
لو قضا الحاجات بالليل من خذته تخيب === حيث فرخ الكندره ماينومس من غذاه
وياوجيه الخير من يقبل الرخمه نسيب === كيف يرضى بارد العزم يفزع في نساه
وخاتمة قولي صلاة على وجه الحبيب === الرسول اللي عليه انزلت فرض الصلاه

رواية: شايب من شياب المراشدة عمره فوق المية سنة من اهل الدين والصدق والعرف والحفظ يقول انه لحق على شياب المراشدة وهو صغير يروون السالفه كما ذكرها هنا وهو ليس من التنابكة الله يعطيه العافية ويحسن له الخاتمة ويرحم اموات المسلمين.


سبحان الله وبحمده سبحان الله العظيم .... واخر دعوانا الحمد لله رب العالمين















آخر تعديل ابن عتيبة 2005 يوم 03-May-2012 في 03:02 AM.
رد مع اقتباس
غير مقروء 02-Jun-2012, 03:31 PM رقم المشاركة : 2
معلومات العضو
متعب الند
عضو ماسي
إحصائية العضو






التوقيت


متعب الند غير متواجد حالياً

إرسال رسالة عبر مراسل MSN إلى متعب الند
افتراضي

ونعم ونعم ونعم ..............................غزالله مايحتاج اثبت من غيرها ..وفعلهم وقصتهم معروفه ... وبض الله وجهك..على النقل















رد مع اقتباس
غير مقروء 31-Jul-2012, 12:13 AM رقم المشاركة : 3
معلومات العضو
مصعب العصيمي
عضو فعال
إحصائية العضو






التوقيت


مصعب العصيمي غير متواجد حالياً

افتراضي

والله إنك تزهم الرجل باسمه مايجيب === مغلقٍ درب النسم زرمةٍ مثل الحصاه





شوف التصوير الصحيح لرهابة الموقف,,


الله يرحمهم جميعا شكرا ياصاحب الموضوع















رد مع اقتباس
غير مقروء 29-Sep-2012, 04:21 AM رقم المشاركة : 4
معلومات العضو
الكرمان
عضو ماسي
إحصائية العضو





التوقيت


الكرمان غير متواجد حالياً

افتراضي

الله لايهينك والف نعم بلتنابكه مايحتاجون تعريف















رد مع اقتباس
غير مقروء 29-Sep-2012, 04:00 PM رقم المشاركة : 5
معلومات العضو
أبو تركي النفيعي
عضو نشيط

الصورة الرمزية أبو تركي النفيعي

إحصائية العضو






التوقيت


أبو تركي النفيعي غير متواجد حالياً

افتراضي

ونعم والله و روق وبرقا اخوان















رد مع اقتباس
غير مقروء 30-Sep-2012, 01:32 PM رقم المشاركة : 6
معلومات العضو
عبدالعزيز الدلبحي
عضو نشيط
إحصائية العضو






التوقيت


عبدالعزيز الدلبحي غير متواجد حالياً

افتراضي

هذا الفعل اللي عليه الكلام

الله لا يهينك على توثيق القصة ونقل القصيده كامله


وانا سمعت من يروي القصه ويقول ان مطير كان معهم بني سالم من حرب واميرهم صلبي بن مضيان يعني ما كانوا المطران لحالهم .. لكن النصر من الله سبحانه



الله لا يهينك على كل حال















رد مع اقتباس
غير مقروء 09-Nov-2012, 09:40 PM رقم المشاركة : 7
معلومات العضو
نجم شامي
عضو فعال
إحصائية العضو






التوقيت


نجم شامي غير متواجد حالياً

افتراضي

اقتباس:
المشاركة الأصلية كتبت بواسطة ابن عتيبة 2005 مشاهدة المشاركة
بسم الله الرحم الرحيم


رواية: شايب من شياب المراشدة عمره فوق المية سنة من اهل الدين والصدق والعرف والحفظ يقول انه لحق على شياب المراشدة وهو صغير يروون السالفه كما ذكرها هنا وهو ليس من التنابكة الله يعطيه العافية ويحسن له الخاتمة ويرحم اموات المسلمين.

نبي اسم الشايب الله لايهينك لآن السالفة مخالفة لما سمعنا كذالك اسماء الذين حضروا المعركة















رد مع اقتباس
غير مقروء 10-Nov-2012, 12:42 AM رقم المشاركة : 8
معلومات العضو
البتّار
عضو ذهبي
إحصائية العضو





التوقيت


البتّار غير متواجد حالياً

افتراضي

لاهنت وقصة معروفة ولاهي غريبة على الاد مرشد ولا على عتيبة
وهذي فزعة العتيبي مع عتيبي حموة واستبسال


الله يبيض وجهك















رد مع اقتباس
غير مقروء 19-Mar-2015, 11:39 AM رقم المشاركة : 9
معلومات العضو
أبن حشيان
شــــاعــر

الصورة الرمزية أبن حشيان

إحصائية العضو






التوقيت


أبن حشيان غير متواجد حالياً

افتراضي

ابن عتيبه


الله يعطيك العافيه على اجتهادك والشايب الذي روالك الفصيدة

مارواها صح المراشده التي لحقو البل والقوم مافيهم من التنابكة غير ركيان وعبده نصيب

وسيق الحكره يروي لك السماهم في القصيدة وهو مع الفزعه وسالفتك فالجتن نفسهغ بنفسها

فيهم مضيان وزايد وزياد وسيف ونصيب وركيان وثنين ماذكرو في القصيدة
















آخر تعديل أبن حشيان يوم 19-Mar-2015 في 11:44 AM.
رد مع اقتباس
غير مقروء 20-Mar-2015, 10:17 PM رقم المشاركة : 10
معلومات العضو
الشــاهد
شـــاعــر
إحصائية العضو





التوقيت


الشــاهد غير متواجد حالياً

افتراضي

مشكور عاى القصة وكفو















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »02:42 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي