الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > الشعر الشعبي

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 23-Oct-2007, 11:38 PM رقم المشاركة : 1
معلومات العضو
فالح الكرنافـ
عضو ذهبي

الصورة الرمزية فالح الكرنافـ

إحصائية العضو





التوقيت


فالح الكرنافـ غير متواجد حالياً

افتراضي مجموعة قصايد في مدح قبيلة عتيبة الهيلا

بسم الله الرحمن الرحيم

أخواني واخواتي أعضاء منتديات قبيلة عتيبة مساكم الله بالخير جميعا نظرا لما يطرح في هذا المنتدى من قصايد رائعة في مدح قبيلة عتيبة سواء من شعار القبيلة أو القبايل الأخرى حبيت أن أجمع هذه القصايد تحت موضوع واحد لكي يسهل الرجوع اليها في أي وقت وأتمنى من جميع الاعضاء بدون استثناء المشاركة الفعالة ووضــع أي قصيدة تناسب هذا الموضوع وتقبلوا خالص تقديري
بسم الله الرحمن الرحيم



قصه وقصيده ومناسبتها هي كـــان الـجـنـدي ثــامـر بـــن فــلاح بن شامان الـشـمري فــي دوره عـسـكريه مـسـؤولـهـا الــمـقـدم تـراحـيب بن سويلم الـعـتـيبي . وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى. وعــاد بـعـد ان تـمـت دورة زمـلائـه وتـمـكن مــن الـتـخرج مـعـهم فأرسل والده فـــلاح بـــن شـامـان الـشـمري هــذه الـقـصيده:



=سـلام منـي للمقـدم تراحـيـب
=اعداد ما خط القلـم بيـد كتٌـاب
=وعداد ما غنوا هل الفطر الشيـب
=بأرضٍ خليه ما بها غير الاعشاب
=وأعداد ما ذعذع نسيم الهباهيـب
=وأعداد ما سجيت رجلي للاقـراب
=ما هي غريبه منك يا كاسب الطيب
=حلياك من نجـمٍ تبيـن ولاغـاب
=شريف ما يدخل على ساسك العيب
=من يفعل الحسنا بالاجواد ما خاب
=لقيت بالعتبان خمسـة عذاريـب
=الطيب والنخوه وتقدير الاجنـاب
=دون الخوي يا طون حر اللواهيب
=وان حدت الدنيا يفكون الانشـاب


فـــرد عـلـيـه: تـراحـيب بـــن سـويـلم الـعـتيبي قـائـلاً:


=حي الكتاب اللي من الشمٌري جيب
=اقولهـا بالصـدق مانـي بكـذاب
=يا مرحبا عد النجـوم المراقيـب
=ترحيب مشتاقٍ ليا شاف الاحبـاب
=بكتاب ابن شامان رجل المواجيب
=فيه الجواهر بين صايغ وحسـاب
=بنيت له بأقصى ضميري دواليـب
=هذا الرصيد اللي كنزته وراء الباب
=من شأن ثامر يرخصن المطاليـب
=خوينا الطيب له الحـق غصـاب
=خوينا ننصاب مثلـه ليـا صيـب
=نمرض معه ونطيب مثله ليا طاب
=يا عل ما يفتق على مثله الجيـب
=والله يجيره من صواديف الاسباب



وهذه القصيدة للشاعرالكبيرملفي بن مزيد المورقي



=مـا دام كـل قـام يمـدح قبيلتـه
=ويذكـر مناسبهـا ويذكـر فعولهـا
=لي الفخر في مـدح ربعـي عتيبـه
=اللي تسلسل من هـوازن اصولهـا
=ربعي اهل التاريخ والعـز والفخـر
=ليا مـن دقـت للحرايـب طبولهـا
=لها الاسم الرنان مع ساير العـرب
=لا ضيقت بعض العـرب صوتولهـا
=مثل الجبال الشامخة فـي الجزيـرة
=مترامية عرض الجزيـرة وطولهـا
=من قوة هيبتهم ومن قـوة باسهـم
=كل الديار اللـي يبـون وصلولهـا
=ليا ساقوا العطفة وسارت جموعهـم
=الارض ترجف من حوافر خيولهـا
=تمشي برغبتهـا وتمشـي بكيفهـا
=ما كن به ناس من النـاس حولهـا
=لين إنها وسط الجزيـرة تمركـزت
=وشرف على أطراف الجزيرة نزولها
=هيـل علـى ماقـال الاول مهيلـة
=تطـول رغبتهـا ولاأحـد يطولهـا
=بحكم السيوف اللي تجـاذب قنيبهـا
=وشلف عريضات وسـاع دحولهـا
=ماتاكـل الا كـل شيـخ مـجـرب
=تخلي عن الخيل الاصايـل حمولهـا
=يوم إنهـم هـاك الليالـي تحـدروا
=مثل المزون اللـي تدلـت ثعولهـا
=بروقها بيض السيـوف الرهايـف
=ورعودها العزوة اليا ضاق جولهـا
=وثعولهـا البـارود عنـد انصبابـه
=والدم من فعـل النشامـى سيولهـا
=هذي وأنـا ملفـي فعايـل عتيبـة
=ومن لاذ بحماهم من الخوف يامـن
=تضفي علاه عن البلاوي سدولهـا
=يصيـر فـي عيـط قـوي حجاهـا
=تخلي وتذري من دخل في كفولهـا
=ومن طيبها ينسب لها عدة اسمـاء
=اسماء دواليـب الدهـر ماتزولهـا
=ذكرت منها البعض والبعض الاخـر
=ماأوفي حروف رسالتي لين اقولهـا
=ذباحـة الحايـل ولطامـة الـعـدى
=حتى نعاتيت الطغـاه شهـدو لهـا
=قدم العـدى نـارا قـوي جحيمهـا
=وقدام وجه الضيـف زيـن قبولهـا
=وأيوابهم طـول الليالـي مشرعـه
=ما حلجـوا قـدم المسيـر قفولهـا
=ان جاهم الطرقي لقى العود والشبب
=ودلال رسـلان تعاقـب بدولـهـا
=يكيـف الضرمـان خنـة عبيرهـا
=اهـل كـرم والمكرمـات تعبولهـا
=وكل السلوم الطيبة مـن سلومهـم
=سلومهـم سـارت ونالـت قبولهـا
=كم اصلحوا من مشكلة غير الاخرى
=الصلح من بيـن القبايـل ميولهـا
=ربعي سراج الدين في ظلمة الجهـل
=ما تمشي الا مـا مشابـه رسولهـا
=قلته وانا شاعـر وامجـد قبيلتـي
=اللي مـن الحكمـة ثقـال عقولهـا
=والشاعر اللـي مـا يمجـد قبيلتـه
=ياعنـك ماثمـن مسـاع سعولهـا
=همه اليا غنـى القصيـد لمصالحـه
=ياكل بها العيشة ويعـرف دخولهـا
=في مدح ربعه ما تدرهـم قصايـده
=وفي غيرهم محفي سماري ذلولهـا
=ما يدري ان الدنيا رحاة مستديـرة
=يمكن عليه الدور ما حـال حولهـا
=وختامها مني صـلاة علـى النبـي
=شفيع الامـة يـوم يـزداد هولهـا





=لطيـب لـه هيبـة وللعـز تيـجـان
=وللشعـر روادٌ وللـقـول مضـمـون
=والادمي قبـل الشعـر قلـب ولسـان
=ما يرفعه شعـره معـا مـن يغنـون
=ما قيل إبـة رجـلٌ تمرجـل بقيفـان
=حتى ولو يشهـره ينقـال مـا لـون
=لو القصيـد يغيـر أحـوال الانسـان
=ما كـان بالشعـار صاحـى ومجنـون
=ولـو الرجولـة بالقـوافـى والاوزان
=كـان العـذارا للرجـولـة ينـالـون
=سبحـان ربٌ معتلـى فـوق سبحـان
=قـد قـال بـأن الاغلبيـة يهيـمـون
=ملا رحمـه الـرب لاشـك خسـران
=هذا الصحيح وقولـوا اللـى تقولـون
=يارب تجعل لـى عـن النـار مزبـان
=يامخرجٌ من ظلمـة البحـر ذا النـون
=هذا ونـور الصبـح لـلان مـا بـان
=وأصبحت ويا الليل عاشـق ومفتـون
=الليل فـى عتمـة ظلامـه ليـا حـان
=سجة فكر للى مـن الوقـت مشحـون
=وأشيل جزل القـاف وأجـر الالحـان
=وأقطف ثمر ما لاق من كـل مـوزون
=على مدار الفكـر فـى كـل الالـوان
=أطلقت لى فكرٌ مـن العـام مسجـون
=(حنـا جبلنـا للصعيبـات عتـبـان)
=رجالنـا يسـوا مـن القـوم مليـون
=لاعلى الشموخ إلنا مهابـة وعنـوان
=بالسيف سطرناة مـن خلقـت الكـون
=قبيلـة فـى فعلهـا يفخـر الــزان
=تشهد بها العـدوان وبليـس ملعـون
=عتبان ناصل فـى هـوازن وعدنـان
=وحنا خوال المصطفـى خيـر مأمـون
=نرعى الخطر فى شف حلوات الالبـان
=تأمـن بأسامينـا وحنـا لهـا عـون
=يانجد ياكم طـاح بـك روس شجعـان
=اللـى بصكـات الحرايـب يهـلـون
=ياكثر ما ضـم الثـرا فيـك شيخـان
=وكم راس قرمٌ فى صحاريـك مدفـون
=خلى عشا للسبـع والذيـب سرحـان
=مضيافهـم بأفعالنـا كــل دنــدون
=يا نجـد مـا جينـاك للـدار ضيفـان
=ولا تزعمـنـا بـأتـوات وفـنــون
=جينـاك بسيـوفٌ تعـزوى بفرسـان
=اللى علـى حبـك لـلارواح يهـدون
=قبايـلٌ تسكـنـك مـاهـم بـرديـان
=لكنهـم بالمعركـة مــن ينـاحـون
=تنزحوا من عقـب روغـات الاذهـان
=ن فعـل هنـديٌ للارقـاب مسنـون
=ورفرف علم عتّاب فى كـل الاركـان
=وزاحت قبايل نجد عن نجـد بضعـون
=ما سمـوا الهيـلا تمازيـح وإحسـان
=ألا بفعـلٌ يجعـل الخصـم مطـعـون
=فعايلٌ يشهـد بهـا الانـس والجـان
=وعيبٌ على هرجٌ بـلا فعـل مقـرون
=ويشهد بها نجد المسمـى والاوطـان
=وأهـل البصايـر بالتواريـخ يقـرون
=هذا الصحيح محكحـك بكـل ميـزان
=وهرجٌ بليـا ثبّـت لا طعـم لا لـون
=وتبقى القبايل شامخـه دون نقصـان
=ومدحى لربعى ما ينقص مـن الشـون
=أبفتخر وأنثـر مـن القـول ريحـان
=ومن لامنى يعيـش ويمـوت مغبـون
=مانـى نديـم لكـل غـاوى وجبـان
=اللـى علاقتهـم كمـا سيـر مدهـون
=علاقـةٌ مــا تنتـوثـق بسيـسـان
=تصبح كما جمرٌ علـى راس غليـون
=أهل الرخـا لـو تعتلـى كـل ميـدان
=غسلتهم عن طرقتى غسـل صابـون
=أنـا نديـمـى لـلـوازم كحـيـلان
=راسٌ ما يقبل منـزل الـذل والهـون
=فى لازمة أسوق لـه غـال الاثمـان
=وفى لازمى يصبح لى حصون وحصون
=له بالغلا فى داخـل الصـدر صيـوان
=وانا أدرى إنى داخل القلـب مصيـون
=قريـب وألا بعيـد فالامـر سـيـان
=ما عنـه تصديـدٌ ولا عنـه مرهـون
=ياليـل فـى داجيـك للشعـر مسكـان
=حيث الهدو فى عالمـك دوم مسكـون
=أرعـاك لوحـة تنتظـر رسـم فنـان
=وأرسم على خدك هواجيس وشجـون
=وألبسك مـن فاخـر الشعـر تيجـان
=فيها من الهوجـاس للفكـر مضمـون



الشاعرخالد بن حميد بن رازن الذيابي


للامانهـ الموضوعـ منقولـ

تحياتيـ اخوكمـ فالح الكرنافـ

ونشاللهـ اكملـ الباقيـ















آخر تعديل فالح الكرنافـ يوم 23-Oct-2007 في 11:40 PM.
رد مع اقتباس
غير مقروء 24-Oct-2007, 12:01 AM رقم المشاركة : 2
معلومات العضو
فالح الكرنافـ
عضو ذهبي

الصورة الرمزية فالح الكرنافـ

إحصائية العضو





التوقيت


فالح الكرنافـ غير متواجد حالياً

افتراضي

=واعز القبايل فالجزيـره عتيبـه
=لطامة العايـل وللمـوت هيبـه
=شرابت الـدم الحمـر نلتزيبـه
=وينشد طلال وماحصل في شذيبه
=بقدامنا دسنا الخطر والمصيبـه
=من بطن نجد اليا حصاته اغديبه
=مصيبتن ياكبرها مـن مصيبـه
=والظيط وشليويح كلـن ادريبـه
==وغيرهم ياكثرهـم فـي عتيبـه
=تاريخهم سجل اسطورن عجيبـه
=ساس العرب سهم الجزيره عتيبه





=بسم الله الرحمن مبداء كلامـي
=مبدا القصيد ومطلـع القيفـان
=ولا خاب من يبدا بذكره كلامـه
=رب العبـاد الواحـد الرحمـان
=واردّ من حلو المثايل واغنّـي
=كلام مـوزونً علـى ميـزان
=هبت هبوب الشعر منّـا ومنّـا
=ببيوت مثل الطرقـي العجـلان
=تسابقنْ مابينهم فـي ضميـري
=الكـل ودّه يصبـح العـنـوان
=واخترت من زين المعاني معاني
=وبنيت مبناها علـى سيسـان
=بيوت شعرً في ضميري تزاحم
=تارد مثل مـا يـارد الضميـان
=ارسم معانيها وارتّب حروفهـا
=صنعة عقود اللول والمرجـان
=وانا لياجات المواقـف عتيبـي
=واسعد منهـم ربعـه العتبـان
=العزوه اللي من خيار العـزاوي
=اللي لهم بيـن القبايـل شـان
=قومً يعرفون القبايـل فعولهـا
=زبن الدخيـل وسـم للعـدوان
=كم نزّحو لابه وعاشوا مكانهـا
=يوم أنها سيف وفرس وعنـان
=تربعوا في وسط نجد وخذوهـا
=يـوم إدراج الخيـل فالميـدان
=قحص المهار اللي عليها رجالها
=تقضّـب المـديـون للـديـان
=ومصقلاتً عشت النمر والفهد
=والطير منها ماضـوا جيعـان
=ربعي هل الطالات لطّامة العـدا
=لا زادت الشعله علـى الدخـان
=أهل الفعول اللّي تبيّض وجيهـا
=لا عدّت الأفعـال كـان وكـان
=أفعولها يزري لسانـي يعدّهـا
=والله مايحصيها كـلام لسـان
=ولو تكتب الأقلام مايكفي الحبر
=ويمدي الورق خلّص من الدكان
=برقا وروق أهل السلوم العريبه
=اريخهـم بالمرجلـه ملـيـان
=سمّوهم الهيلا لكثرة جموعهـم
=هيل المطر من رايح الأمـزان
=وذباحة الحائل لكثـرة كرمهـم
=قـومً كـرام تكّـرم الضيفـان
=ولطامة العايل للطمـة عدوهـم
=قولً على فعـلً علـى برهـان
=أمجادهم مثل النجـوم المطلّـه
=ماتختفـي يـاكـود للعمـيـان
=وحصونهم مثل الجبال الرواسي
=امرسّيـه مارسّـت الضلعـان
=وأديارهم في قلب نجد الموقّـر
=وقلب الحجاز الشامـخ الفتـان
=هذي منازلهم وهـذي ديارهـم
=وهذي مسيرة ربعـي العتبـان


الشاعر عيضه معيوض الثبيتي العتيبي



،،،،،،،،،،،،،،،،،،،،،،،،،،،،،،،،،،،،،،،،،،،،،


=تعرف جميع القوم منهم عتيبـة
=حتـى لذيـذ النـوم مايهتنيبـه
=حنا سوات الموت سلطة وهيبـة
=ونغير فوق المكرمـات الاديبـة
=عدونـا نسقيـه مـر الغليـبـه
=صغيرنايذكـر بفعلـه وطيبـه
=اهل السيوف المرهفات العطيبـة
=نحميه لو كبرت عليه المصيبـة
=وخوينا يلقا الصـدور الرحيبـة
=يعرف دروب العز من غير ريبة
=تاج الفخر حنا ولاهـي غريبـة
=ولجل الكرم نفعل فعول عجيبـه
=نجيب شي ٍ غيرنـا مـا يجيبـه
=وياطيب حظ اللي يصيح ونجيبه
=عدونا يوم الطـراد انعثـي بـه
=والمعتدي ماغير روحه ضريبه
=نجدٍ لنا ماخلـف نجـدٍ طليبـه
=فيها زعيـم ٍبالوغـى ننتخيبـه
=واللي غلبناهم رضـوا بالغليبـه
=حنا هل الطولات قوم الصعيبـه
=وعشنا بنجدٍ مادفعنـا الضريبـه
=لكن نزلنا وسطهـا بالغصيبـة
=وسجل لنا التاريخ قصّه رهيبـه
=مرعاه نمشي به ونغرف قليبـه
=تاريخنا يا ناس محـدن يجيبـه
=ونلنا عليها غصب ماهو طليبـه


،،،،،،،،،،،،،،،،،،،،،،،،،،،،،


=دقلاتنا مثـل الخيـال الرزينـي
=.وشرقينا يم الحسـا مردفينـي
=وشمالنا يـم المدينـه يمينـي
=وخابت حظوظ ملوكه الاولينـي
=بشلف رهاف ويقطعن الوتينـي
=وتبرهجي يا مقرعات الحنينـي
=وامسوا مساييره من الخايبيني
=وراحت تسير به كلاب القطيني
=من عقبها سموى القبايل طنيني
=من عجه الضلعان عيت تبينـي
=مع ايسر الهضبه عساها سنيني
=يوم عليه ايشيب المرضعينـي
=ويومنهم جونا الضحى سارحيني



،،،،،،،،،،،،،،،،،،



=يامغيب الشمـس تكفـى لاتعجـل فالمغيبـي
=وياهجوس الليل هاتي وأن بغيتـي روحيبـي
=دعوتي من ليل(ن)أسود بس واشيبه وشيبي
=قال تكفى وأن نخيتك ويش تفعـل ياعتيبـي
=قال وأن دقر نصيبك وأنت تدري وش نصيبي
=قال تقدر تفزع أبهـم قلـت قلـي يانديبـي
=بنتخي بعيـال شيخ(ن)طيبهـم قـدام طيبـي
=وقال بس وقلت أزيـدك لاتعجـل ياصحيبـي
=خذ كلام الشاعر اللي لاوقف ضـد الحريبـي
=والله أنه من نخانـا مـن نخانـا مايخيبـي
=خابر أن أخصامنا الجن لاتـروح ولاتجيبـي
=تدري أن العيب فينا لابغيـت تقـول عيبـي
=والله أنـا فالمعـارك مانحـذف ألا نصيبـي
=لكن أنته في حمانـا ودعـي الله يستجيبـي
=الولد فينا شبيهه مـن بعيـد ومـن قريبـي
=ومن تردى من ورانا قلـت يايمنـاه عيبـي
=وأحمـدالله ياعتيبـه يـوم ليلـي ينتخيبـي
=وسمحولي ياقبايـل لامريـض ولا غريبـي
=بارك الله بأرض تمشي فوقها ساق العتيبـي



،،،،،،،،،،،،،،،،،،،،،،،،،،،،،،،،،



=مني لساجر بيت يكتب ورا بيت
=شعر يشرف في المعالي مقامـه
=لعتيبة الهيلا سريـت وتعنيـت
=لأهل السخا وأهل الوفا والشهامه
=قبيلة(ن)فيها نشيـت وتربيـت
=عز الضعيف اللي هزال عظامـه
=عتيبة عتيبة لها المجد والصيت
=اللي لها في العز هامـه وقامـه
=أنشد جبال طويق وهضاب حليت
=منهم هل الوقفات وأهل الزعامه
=عدوهم لا هـو بحـي ولاميـت
=مدنق براسه مثل راس النعامـه
=الطيبيـن الاكرميـن العناتيـت
=المخلصين أهل السلف والجهامه
=هم فزعتي لامن نخيت وتعزويت
=لاحدني وقتي رميـت العمامـه
=مهما كتبت من القصايد وغنيت
=ماألحق جزاها لو تقوم القيامـه
=لها القصيد يساق بيت ورا بيت
=يعقب صبي مـا يثمـن كلامـه




الشاعرضيدان بن قضعان العجمي

،،،،،،،،،،،،،،،،،،،،،،،،،،،،،،،،،،،،،


=وأهني من زرفلت بـه بكـرةً حـره
=معطن مزاليج والا معطـن الجـودي
=وأقفى عن الهاجري وأقفى عن المره
=لو ما جـا مـن الاجـواد منقـودي
=ربعي عتيبه من العارض ليا الحـره
=سقم المعادي ليا جاء العلم مـردودي
=والعلم الآخر اليا عقبوا على الجـره
=والسبر جاهم من اللي قدم مطـرودي
=جاهم نهـارٍ جبالـه منـه محمـره
=ثم ثار عج الرمـك وازداد بـارودي
=هذي طريحـه تـزر الـدم وتثـره
=وهذي قلاعه والأخرى تصقل العودي
=تجمعوا كـل منهـم فـوق حزبـره
=والشيخ ينخا هل العـادات بفنـودي
=لعيون من حبنا واللي لحـق شـره
=فعلٍ يداوي كبـود ويجـرح كبـودي



،،،،،،،،،،،،،




=من غير نقص بحق باق القبايـل
=يا سعد من ربعـه قبيلـة عتيبـه
=أهل الصخا والجود وأهل الجمايـل
=وأهل المواقف فالظروف العصيبـه
=قوم لهـم روس المعالـي ذلايـل
=بأيمانهم تنسـاق سـوق النجيبـه
=ذباحة الحايـل عمـى كـل عايـل
=من وصفهم فيهم سماحـه وهيبـه
=تاريخهم يروي عطـاش المثايـل
=ماضي وحاضـر فعلهـم ينحكيبـه
=لو نستمد مـن السنيـن الأوايـل
=شي موثق مـا دخـل فيـه ريبـه
=نأخذ من الواقـع خيـار الدلايـل
=المعجم اللي قسمهم مـن غريبـه
=يوم المراجـل بالهمـم والصمايـل
=حضارهم يكفـون مـن فالمغيبـه
=مضالهم صولات فـوق الأصايـل
=يوم المصيبـه تنتهـي بالمصيبـه
=ليا ولعوا للحـرب روس الفتايـل
=هداتهم في من حربهـم غضيبـه
=مركاضهم يـرم العشـاء للمخايـل
=وسهومهـم دم العـدا ترتويـبـه
=وإن عصبوا للروس دون الجلايـل
=يا ويل من عوب الظنون تهويبـه
=سطواتهم تقعد صغـى كـل مايـل
=إما رضي تمضي عليـه الغصيبـه
=كم جمع سلطـانٍ عليهـم تهايـل
=جمـعٍ مـدورة الطمـع تلتجيبـه
=أقبـل وقفـى بالهزيمـه شلايـل
=عقب الطمع منهـم قنـع بالغليبـه
=ويوم إن جيش الترك صايل وجايل
=خاضـو طوابيـره كتيبـه كتيبـه
=وجايلمن فعلهم شاف النظام الهوايل
=وعدّل عن أهدافٍ براسه غصيبـه
=وغيره وغيره منجـزات جزايـل
=كـم ميسـمٍ جابـه عـدوٍ كويبـه
=واللي بعد حاول بشتـى الوسايـل
=كم ساق دقلات الجمـوع المهيبـه
=خمسين من زيزوم بـرزان حايـل
=ما رجحت ميزان منغـص حريبـه
=منهم حدت دهم الجمـوع الفعايـل
=مـا طمنـوا هاماتهـم للضريبـه
=ياما ويامـا بـردوا مـن غلايـل
=وكم طوعوا بالفعل روس صعيبـه
=في نجد تشهد مقفـرات الخمايـل
=وتشهد لهم هوجه ويشهد جذيبـه
=مروين عطشان القنـى والسلايـل
=يـومٍ كـل مـا فعـل ينجزيـبـه
=وان قربت شهب السنين الحفايـل
=تندى يديهم والجوانـب خصيبـه
=يبدون للعانـي حجـا كـل طايـل
=رجالهـم مـا يدخـر مـا بحيبـه
=ودخيلهـم هـمٍ يعانـيـه زايــل
=أدنـى عتيبـي فالكـرب يعتزيبـه
=مزبان من ضاقت عليـه الوسايـل
=بالعـز صـرح امجادهـم يعتليبـه
=لو إن سهره من عنا الوقت طايـل
=اليـا زبنهـم مرقـده يهتنيـبـه
=عن الخوي فزعاتهـم مـا تمايـل
=وحق القصيـر سلومهـم تعتنيبـه
=عتبان فيهـم وافيـات الخصايـل
=ميزاتهم في كـل منهـج عريبـه
=عنهم كتبت مـن الكثيـر القلايـل
=في ما مضى يا أهل القلوب اللبيبه
=قبل يلـم الشمـل يبـس البلايـل
=عبد العزيز اللي عسى الله يثيبـه
=جاها وسكـان الجزيـره سحايـل
=جازف عليها وأصبحت من نصيبه
=وحنا على البيعه وننفـى البدايـل
=مـن طبعنـا وال أمرنـا نقتديبـه
=واليـوم نوفـي حقنـا والمكايـل
=وطيـبٍ بدينابـه نبـي ننتهيبـه
=ماضي وحاضـر حقنـا فالزلايـل
=ما صار في منهاجنـا مـا يعيبـه
=عتبـان رمـزٍ للكـرم والجزايـل
=والعرف والعفه والأرياء الصليبـه
=فالمدن ما أحرف مجتمعهم دخايـل
=مجالـس تلفـى وجلسـات أديبـه
=والضيف للترحيب والقـدر نايـل
=غير المناسـف والـدلال الربيبـه
=وإن سبّلت بالوبل غـر المخايـل
=أبواشهم ترعى القفـور العشيبـه
=ويبنون لللافـي بـروس البتايـل
=ومن تاه نور عقودهـم يهتديبـه
=أنوارهـم فالليـل مثـل القوايـل
=تجلى خراميـس الظـلام المهيبـه
=في وصفهم لو قلت ما نيب عايـل
=عشـاق عـز وللتوافـه حريبـه
=مثل العدود ليـا أغـورن الثمايـل
=تزود مـع مـر السنيـن التعيبـه
=قـولٍ يعرفونـه عيـال الحمايـل
=ومن قال قول الزور ربه حسيبـه
=والناس كـل ٍلـه سلـوم وفعايـل
=وكلٍ عـن الثانـي مكفّيـه طيبـه
=ومن غير نقص بحق باق القبايـل
=يا سعد من ربعـه قبيلـة عتيبـه



الشاعرالكبير / محماس بن شميسان العتيبي


،،،،،،،،،،،،،،،،،،،،،،،،،،،،،،،،،،،،،،،،،،،



ربعي عتابه ليا عج العجاج وثار
تسابقوا للموت ماحد ٍ يهابه

********

لطامة العايل هل العز والكار
نبع النشاما والشجاعه عتابه

********

ربعي عتابه هم واهج النار
نار ٍ توهج والخلايق تهابه

********

شرابة الدم الحمر نحمي الجار
وحريبنا لنار الحرايب زهابه

******

حريبنا يذوق الخساير والمرار
بسيوفنا يلقا منية شرابه

******

يشهد لنا التاريخ وكبار وصغار
واجدادنا بالدم خطوا كتابه

*******

تلقى لنا تاريخ في كل الاقطار
من الشمال لنجد جلنا جنابه



،،،،،،،،،،،،،،،،،،،،،،،،،،،،،،،،،،،،،،،،،،















رد مع اقتباس
غير مقروء 24-Oct-2007, 12:55 PM رقم المشاركة : 3
معلومات العضو
فالح الكرنافـ
عضو ذهبي

الصورة الرمزية فالح الكرنافـ

إحصائية العضو





التوقيت


فالح الكرنافـ غير متواجد حالياً

افتراضي

=يــاســلام الله عــلــى ربــعــي رفـيـعـيـن الـمـقـامـي
=ربـعــي الـلــي صبـيـهـم لا ماتـخـلّـى عــــن خــويــه
=يـاســلامــي يـاعـتـيـبـه عـــــدَ مــاهـــلّ الـغـمـامــي
=و عـــدَ مـاســال الـكـحـل بـعـيـون وضّـــاح الـثـنـيـه
=عــدَ مـاسـارت جـمـوع الـنـاس لـالبـيـت الـحـرامـي
=وعــدّ مـاشـدّوا بـنـي الـبـدوان مــن فــوق المـطـيـه
=ربـعـي الـلـي دون فـعـل الطـيـب يــروون الظـوامـي
=صيـتـهـم بـيــن الـقـبـايـل عــالــي ٍ مـاشـفــت زيّــــه
=كاسبـيـن الطـيـب فــي يـــوم المـواقـيـف العـظـامـي
=واهـنــي مـنـهـو وقـــف فــــي صـفـهــم لا واهـنـيــه
=حافظـيـن العطـفـه ألـيــا نـوّخــت وســـط الـزحـامـي
=دونــهــا لــمــع الـسـيــوف ولا يـهــابــون الـمـنـيــه
=دونـهـا .. خـيـل ٍ تــدك الـقـاع مــن فـعـل الـكـرامـي
=دونهـا النامـوس يجـري فـي عــروق أهــل الحمـيـه
=دونها .. كم راس شيخ ٍ طاح مـن ضـرب الحسامـي
=كــم قتـيـل ٍ قـــد تـــوارى فـــي ثـــرى نـجــد الـعـذيـه
=أشـهــد انــــه مــــن نــواهــم مـاتـهـنّـى بالـمـنـامـي
=مـاهـجـع فـــي وســـط لـيــل ٍ رقّـــدوا فـيــه الـبـريّـه
=خـايـف ٍ مــن يــوم ٍ أقـشــر ينـفـلـت فـيــه اللـجـامـي
=مـــن فـعــل ربـعــي علـيـهـم تشـتـعـل نـــار ٍ لـظـيــه
=يــوم كــل ٍ بالمـراجـل عـــن شـــرف بـيـتـه يـحـامـي
=كـالـجـبــال الـراسـيــه يـمـشــون قــــدام الـســريــه
=مــن مدحـهـم فــي قـصـيـده أشـهــد انـــه مـايـلامـي
=مـكـرمـيـن الـضـيــف دايــــم بـالـسـلـوم الحـاتـمـيـه
=ومـن زبـن فــي وجهـهـم لـقـى بـهـم كــل احتـرامـي
=الكرامه .. و .. الشجاعه ..و.. التواصيف الوفيّه
=عزوتـي .. ياتـاج راسـي سِعـد مـن حـطـك حـزامـي
=يـلـتـجـي بــــك بــعــد ربــــه بالـلـيـالـي الـسـرمـديـه
=لــو أبـمـدح فــي عتـيـبـه مـاخـلـص بـاقــي كـلامــي
=حيـثـهـا عـجــزت تـوصـفـهـا الــحــروف الأبـجـديــه
=مـابـقــى الا جـمـلــة ٍ خطـيـتـهـا وســــط الـظـلامــي
=( العتيـبـي .. طــول عـمـره ماتـخـلّـى عـــن خـويــه



،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،


=ربعـي عتيبـه مـن الطايـف لا نـجـد
=تخبرون عتيبه يوم لنا الحكـم و العهـد
=تخبـرون عتيبـه يومهـا كلـن شهـد
=تخبرون حليمه مرضعت الرسول فالمهـد
=تعرفون ان الخيام مـا تنصـب الا بوتـد
=تعرفون ان من نخانا ما قـد ردينـا احـد
=نايف صقر و جابر ابـن هايـف و بعـد
=ابك حنـا ذيابـه و الـردي فينـا اسـد
=ما تـدري ان العـدو لـو يفوقنـا عـدد
=حنا لا سوينا خير مـا نحتـري الحصـد
=حنا اذا ماجاكم منا خير مايجي منا حسـد
=لو تفتح التاريخ و تقرا يمكن نطلع اشـد
=لا تحسبون ان كلامي وهم ولا لـه وجـد
=يمكن اني طولت؟والله من كثر العز والمجد
=الموت هيبه و العز لعتيبـه الـى الابـد


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،


=حـنـا عتيـبـه كانـهـا حـانـت اقــدار
=مسكيـن يـلـي طــب داخــل لهبـنـى
=حنا الكرم والطيـب دايـم لنـا اشعـار
=والعـز معنـى ويـن محـنـى ذهبـنـى
=حـنـا الفـراسـه والامــاره وشـعـار
=ياقاصـر العـرف استـرح وجتنبنـى
=حنا عيال احرار مـن نسـل الاحـرار
=اصل وفصـل معـروف قـوة نسبنـى
=حنـا لـيـا خـربـت وحــارن الافـكـار
=لوصار ماقد صار ما اخبـر حسبنـى
=حنـا عتيبـه نكـرم الضيـف والجـار
=ولـيـا غزيـنـا فاالمـغـازي كسبـنـى
=حنـا هـل الطـالات والمـجـد والـكـار
=فـوق القبايـل فـوق حنـى انتصبنـى
=حـنـى الـعـرب ياطيبـكـم ياعربـنـى
=حـنـا قبيـلـه ضـاربـه دمـهــا حـــار
=حنـى الزمـان اليـا انقلـب ماقلبـنـى
=حـنـا لـيـا جــا للـعـدو عنـدنـا ثـــار
=يـمـوت حاسـدنـا غـبـن ماقـربـنـى
=حنـا السيـوف الحـدب شبابـة النـار
=يشبـع لـيـال الـجـوع مـنـه جنبـنـى
=حنا ندوس الموت مانحسب اخطـار
=كم كفتن مالـت غصـب مـن سببنـى
=حنـا نـمـارة نـجـد ونـجـدن لـنـا دار
=علـى الحجـر نـجـد بيديـنـه كتبـنـى
=حنا السمايم والصواعق والاعصار
=روس العـدا فالنـار هـاذي حطبـنـى
=حنـا لنـا تـاريـخ فــي كــل الاقـطـار
=من قبل الاهرامات فـي مصـر تبنـى
=حنـا لـنـا افـعـال فــي كــل الاشـبـار
=يامـا غزيـنـا شــرق يـامـا غربـنـى
=حنـا عتيبـه كانـهـا بـاحـت اســرار
=محـدن سلـم منـى ولا مـن عطبـنـى



،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،


=ياجاهلٍ بالنـاس نعطيـك تزويـد
=تزويد فـي علـمٍ يفـك النشابـه
=حنـا عتيبـه مـا علينـا مناقيـد
=سقـم المعـادي لابغاهـا طلابـه
=اعيال رجلٍ ما يبـي منـك تأكيـد
=رجلٍ عتيبـي مـن قبيلـة عتابـه
=حـرٍ حكيـمٍ ورّد العـز تـوريـد
=طيّب ولا سكّر عن الضيـف بابـه
=يشهد لنا كـل الرجـال الصناديـد
=احـرار وعيـال الذيابـه ذيـابـه
=ولا انت تشهد في كـلام المياليـد
=يالجاهل اللي مـا حسبنـا حسابـه
=ماهمنا في مـا يقـول الحواسيـد
=الحـر بيّـن والذبـابـه ذبـابـه
=وان كان تسمع ماحكى زيد واعبيد
=البعد مـا يلغـي صـلاة القرابـه
=حنـا عتيبـه طايليـن السواعيـد
=حنا الذي تفخـر بنـا كـل لابـه
=حنا الشجاعـه والوفـا والتقاليـد
=حنا الكـرم والجـود حنـا زهابـه
=حنا الجبـال الشامخـات الجلاميـد
=حنا نجـومٍ فـوق هـام السحابـه
=وانا ولد من هو يصون المواعيـد
=انـا عتيبـي مـا نفتنـي شبابـه
=انـا كبيـرٍ مـن كبـار الحماميـد
=شاعر وعالم في علـوم الخطابـه
=اعير سمعي للـذي يطـري البيـد
=ذكـر البـدو ولاّ بذكـر الصحابـه
=وادري زماني فيه نـاسٍ حواقيـد
=وافعالهـم تشبـه لفعـل العصابـه
=يوم الورق اصبح كبير الشواهيـد
=يشهد لغيري بالاصـل وانتسابـه
=مامامتوا اللي يعرفـون الاجاويـد
=حتى ولو كشّر لنـا الوقـت نابـه
=انخى بن ربيعان وانخى بن احميـد
=اللـي لهـم بيـن الاوادم مهابـه
=شيوخ قومٍ شوفهـم يجلـب العيـد
=نفخر بهم فـي سلـم ولاّ حرابـه
=وجهٍ به المعروف مابـه تجاعيـد
=للقلـب يجلـي ضيقتـه واكتئابـه
=اشكي لهم حالـي وكلـي تناهيـد
=والحـر لايمكـن يغـيّـر ثيـابـه
=حطوا على وضعي من الضيق تقييد
=حرٍ ولكن مـا وصلـت السحابـه
=ودي اطيـر لشوفكـم دون تحديـد
=واشرح لكم جـرحٍ يزيـد التهابـه
=جرحٍ من ضروف الزمن دايم يزيد
=ونفسٍ يضيق ابها الفضا والرحابه
=وقفاتكـم فخـرٍ وللجـرح تضميـد
=نخيتكم والقلـب ينـزف صوابـه


الشاعر ( جراح مناحي خلف الحمادي العتيبي )

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،


=ياالله يامعبـود ياحـي يـا قيـوم
=ياللي على تبديل الاكـوان قـاوي
=تبرج لقلبن به هواجيـس وهمـوم
=طاويه من هاجوس الايـام طـاوي
=تغيرت الايـام يومـن بعـد يـوم
=مافيه يومن مثـل يـوم متسـاوي
=والسـر مابيـن المعاليـق مكتـوم
=والجرح يلقى له طبيبـن مـداوي
=جتني بنات الفكرمـع لـذة النـوم
=صحيت من نومي وانالـه شفـاوي
=جبت القلم والبوك مغـرم وملـزوم
=شعري غني وانابشعـري غنـاوي
=طرى علي القوم ومواجـه القـوم
=على ضهـور مبعـدات الغـزاوي
=قومن لهم طبـع وتقاليـد وسلـوم
=اكل عليه الدهر عسـر المطـاوي
=معادباقـي غيـر تاريـخ وعلـوم
=وروايتـن يـروي بهاكـل را وي
=يومن القبايل بين هـازم ومهـزوم
=لي عزوتـن منهاتهـاب العـزاوي
=لوسع الميـدان لرمـاح وسهـوم
=ربعي عتيبـه مخلفيـن الهقـاوي
=لقبلـو ركابـت الخيـل حثـلـوم
=اوهموعليهم مثـل نجـم سمـاوي
=وان حطو الميعادفـي يـوم معلـوم
=للخيـل خيالـه وللمـوت هـاوي
=العمر له ساعات والاجـل محتـوم
=والصبر عروى من قوي العـراوي
=دقلاتهم جمعن مثـل دولـة الـروم
=بندق وسيف وضرب رمح قنـاوي
=وهيبة رجالن بينهمالـراي مبـروم
=يكفيـك عنهـا مايقـول الخـلاوي
=لطامـة العايـل وذباحـة الـكـوم
=بالعسر باايـام الزمـان القسـاوي
=اول منازلهـم ورى ضلـع الاكـوم
=وغربي حضن شرقي طوال النزاوي
=والله جعل نجد من الغيـث مرحـوم
=وعليه من مطلع ربيعـه ظهـاوي
=تشـاوروبـراي والامرمحـسـوم
=وكلن على الطرقه معـزم ونـاوي
=شجعان مابينهم دراويـش ورخـوم
=وانحوكماسيـل نسيلـه نـحـاوي
=مع دربهم طيرالسعديـدرج الحـوم
=يباالعشاءقدامـه الليـل ضــاوي
=والله كتب والله قسم كـل مقسـوم
=وصب البلاوي في نحور البـلاوي
=وراحت قبايل نجدشتـان وقسـوم
=وصفى جنابه من جميـع البـلاوي
=وارست قواعدنجدنـا دايـم الـدوم
=في الديره اللي ماتجـي بلمنـاوي
=ماجت بحبت راس واكتاف وخشوم
=الـى بعدماجاءللمشـوك تـعـاوي
=في ظل شيخ عنده الـراي محتـوم
=شيخن يصدر معضـلات الدعـاوي
=تركي لاعرضـن الارواح للسـوم
=حمـاي قطعـان البدووالشـواوي
=ومسلط كمى حراًمـع الجوصـاروم
=يهوي على خشمه هوايـة نـداوي
=وهذال اخو هملا ومقعـد وسلـوم
=واباالعلاوايضابخيـت العـطـاوي
=وابـن محياهيبتـه ترحـي الـزوم
=يشهدعلـى فعلـه كـلام الفـراوي
=ومرزوق ابـن فمصـان وشثـروم
=والهيضـل الهيضـل بعيدالنهـاوي
=وابـن جامـع لـه المجدمرسـوم
=والضيط شالـح مزبنـن للجـلاوي
=ومحمدالعبودهـامـن للـعـلاهـوم
=وابن قشعان من دون العشايرقداوي
=وحـزام لمعـارك الخيـل خـازوم
=شيخن لميـدان المعـارك هـواوي
=ومحسن تاريخه عن المدح مخـدوم
=وبن زريبه لاردالبـرى مايـراوي
=واللي بقي مدحهم مخلـد ومفهـوم
=وارجوالسموحه من جميع النحاوي
=امدح بني عمـي ولانـي بمليـوم
=حبلي علـى هـداج تيماءرهـاوي
=وكل القبايل بينـه بطيـب مقسـوم
=يوم ابتهاج الخيل والذيـب عـاوي
=واليوم حناشعب مكـرم ومحشـوم
=في ضل سيف العدل واهل التساوي
=ال السعودمناصـرةكـل مضـيـوم
=درع الجزيـره لشريعـه نجـاوي
=واختامهااعدادمـاهـل ديـمــوم
=صلوعلى راعـي المقـام النبـاوي


شعر / حمدان عليوي الشفيعي العصيمي

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،


=حنّا عتيبـة محتميـن المخّليـن
=بعنا بسوق الطايـلات وشرانـا
=قومن على صولات الايام قاسين
=ولو عظنا ناب الدهـر ماقوانـا
=يهابنا الطمّـاع لوقلبـه ذهيـن
=ونبطش محلات الطمع لاغزانـا
=لنا سلومن غاليـات المثاميـن
=سلومنا محـدن حملهـا سوانـا
=في سلم للوجه عامن وشهريـن
=ودخيلنا مآمـون داخـل حمانـا
=300لـيـل وازداد ستينـتـن
=حى المنايا عنـه هيبـة لحانـا
=ومن حدّه الموت الحمر والديايين
=تخيّر الحصن الحصين ونصانـا
=وبالحيل نملا فارغات المواعين
=بيض الصحون ومكرمات الصيانا



الشاعرالكبير كديميس بن صالح العصيمي

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،ن


=ياناس حنا من ضنا نجـد عتبـان
=يشهد لنـا التاريـخ لوقلـت حنـا
=حنا فياض وإن قسى الوقت ضلعان
=حنا البحـر مـدام هـالأرض منـا
=حنا الرعـد حنـا زلازل وبركـان
=حنـا دمـار الكـون لوقيـل عنـا
=حنا شعاع الشمس والليل خسـران
=حنـا الليالـي لاأقبلـن ماوطـنـا
=حنا غدير يعشقـه كـل ضميـان
=حنـا غـرام والعـذارى هـونـا
=حنا الكرم والطيب شايب وشبـان
=حنا {{عتيبه}} من لنا المجد غنـا
=حنا سيـووف هابنـا كـل خـوان
=حنا السنين الماضيـه مـن بكنـا
=حنا السماء لاصار بالأرض نقصان
=بعد الولـي هالكـون منـا وإلنـا
=حنا هنا واعرف بلا كـان ماكـان
=حنـا هنـا وهنـاك كنـا وإنــا
=حنا وحنا لوبغـى القـول برهـان
=المجـد والعـزه سـوى إكتبـنـا
=شاعر وجيت من الفخر حيل طربان
=دام الطـروق اللـي تغنـا لحـنـا
=حنا قصيده شامخه تحـت عنـوان
=حنا {{عتيبه}} وإنشد الكـل عنـا















رد مع اقتباس
غير مقروء 24-Oct-2007, 01:41 PM رقم المشاركة : 4
معلومات العضو
فهد النفيعي
مشرف سابق
إحصائية العضو






التوقيت


فهد النفيعي غير متواجد حالياً

إرسال رسالة عبر مراسل AIM إلى فهد النفيعي إرسال رسالة عبر مراسل MSN إلى فهد النفيعي
افتراضي

لاهنت على المجهود يا الكرناف عز الله انك كفيت ووفيت ياولد العم















رد مع اقتباس
غير مقروء 24-Oct-2007, 10:57 PM رقم المشاركة : 5
معلومات العضو
مالك الذيابي

رابطة محبي الهيلا


الصورة الرمزية مالك الذيابي

إحصائية العضو






التوقيت


مالك الذيابي غير متواجد حالياً

إرسال رسالة عبر مراسل MSN إلى مالك الذيابي
افتراضي

الله يعطيك العافية يالكرناف


جهد مميز تشكر عليه يابن العم















رد مع اقتباس
غير مقروء 30-Oct-2007, 01:07 PM رقم المشاركة : 6
معلومات العضو
فالح الكرنافـ
عضو ذهبي

الصورة الرمزية فالح الكرنافـ

إحصائية العضو





التوقيت


فالح الكرنافـ غير متواجد حالياً

افتراضي

اقتباس:
المشاركة الأصلية كتبت بواسطة فهد النفيعي مشاهدة المشاركة
لاهنت على المجهود يا الكرناف عز الله انك كفيت ووفيت ياولد العم
مرحبا يافــ@ــد

ومشكور على المرور

تحياتيـ لكـ















رد مع اقتباس
غير مقروء 30-Oct-2007, 01:12 PM رقم المشاركة : 7
معلومات العضو
فالح الكرنافـ
عضو ذهبي

الصورة الرمزية فالح الكرنافـ

إحصائية العضو





التوقيت


فالح الكرنافـ غير متواجد حالياً

افتراضي

اقتباس:
المشاركة الأصلية كتبت بواسطة ابن نجم الذيابي مشاهدة المشاركة
الله يعطيك العافية يالكرناف


جهد مميز تشكر عليه يابن العم
اللهـ يعافيكـ يابنـ نجمـ

وبيضـ اللهـ وجهكـ على المرور

تحياتيـ لكـ















رد مع اقتباس
غير مقروء 31-Oct-2007, 01:15 PM رقم المشاركة : 8
معلومات العضو
عريدي وأفتخر
عضو فعال

الصورة الرمزية عريدي وأفتخر

إحصائية العضو





التوقيت


عريدي وأفتخر غير متواجد حالياً

افتراضي

مشكوووووووووووووووووووووووووووووورتقبلوا خالص تحياتي
أخوكم الحر النداوي















رد مع اقتباس
غير مقروء 07-Nov-2007, 02:15 PM رقم المشاركة : 9
معلومات العضو
فالح الكرنافـ
عضو ذهبي

الصورة الرمزية فالح الكرنافـ

إحصائية العضو





التوقيت


فالح الكرنافـ غير متواجد حالياً

افتراضي

اقتباس:
المشاركة الأصلية كتبت بواسطة عريدي وأفتخر مشاهدة المشاركة
مشكوووووووووووووووووووووووووووووورتقبلوا خالص تحياتي
أخوكم الحر النداوي
العفو اخويـ الغاليـ

مشكور على المرور

تحياتيـ لكـ















رد مع اقتباس
غير مقروء 10-Nov-2007, 03:01 AM رقم المشاركة : 10
معلومات العضو
عمر بن حميد
عضو
إحصائية العضو





التوقيت


عمر بن حميد غير متواجد حالياً

افتراضي

بارك الله فيك ياخوي الكرناف
ولله الحمد الجهد النافع والقصيد الجميل
وصح لسان الشعراء ولسان من نقلها















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »12:50 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي