ممكن افهم

[فــ عتيبة ــارس]

يامرحبا بكل فرسان المنتدى
بصراحة في حاجة انا مو فاهمها
وقت ما الشاعر الكبير خالد العتيبي طلع على التصويت كل عتيبه هبت للشاعر وفي اعتقادي مابقي احد ماصوت لة ورغم كل هذا الشاعر طلع لان التصويت حسب ماقالوا ماانصفة كان واطي
بعد ماطلع الشاعر خالد وكان خروجه غير متوقع الناس زعلت كثير
فوقت ماطلع الشاعر السميري على التصويت الناس كانت زعلانة واحتجاج ماصوتوا
وياسبحان الله السميري تأهل والكل يتذكر الموقف هذا
ياعالم احد يفهمني
الشي الوحيد الي فاهمة ان كل شي مدروس من الاول من هو المركز الاول ومن هو المركز الثاني وكل شي
انا من خلال رسالتي هذى اقول لشعار عتيبه تكفون تكفون انتم كبار بدون شاعر المليون
شاعر المليون مارح يزيدكم شاعرية ولا جماهيرية صدقوني تكفون لا تروحون لشاعر المليون النسخة الثالثة اعطوا فرصة لأمثال الكعبي يستعرضون مهاراتهم الشعرية
اتمنى يااخوان توصلوا صوتي لكل الشعار الي هم في غنى عن شاعر المليون وانتقادات صفوغ واسف يا اخوان على الاطالة بس هذا غيض من فيض

آخر تعديل فــ عتيبة ــارس يوم 14-Apr-2008 في 10:18 PM.

[ابن حزيم الجعيد الهيلا]

أخي البرنامج هدفه ربحي أتفقنا
أخي البرنامج هدفه أقصاء النجوم وابراز نجيم هم يصنعونه لاغيرهم

السؤال المهم ----------كيف؟؟؟؟؟؟؟؟؟؟؟؟؟؟؟؟؟؟؟؟؟
ألاجابه لدى نشوه الرويني لوحدها



شاعر الشعراء /خالد العتيبي طوو سجلاته مبكرا لسبب وحيد مع علمهم بانه مكسب للبرنامج واستمراره مزيد من ملئ شنطة نشوى

السؤال المهم -لماذا تنازلو عن هذا الربح؟

الأجابه/ خالد حصل على أفضل قصيده نبطيه في مدح الرسول ملتقى عتيبه لمزاين الأبل
تقول ماعلاقة هذا بذاك؟

العلاقه طرطيه باتجاه مركز الدوران ومعاكسه للقطب الشمالي

حتى يخبرو ويعلنون للجميع من برامج ولجان ومسابقات
ان أي لجنه غير لجنة شاعر المليون ليست كفئ لتقييم الشاعر
وأننا الوحيدين من لديهم الصلاحيه العليا لتقييم الشعراء ووضعهم في موقعهم الصحيح
وأن من قيم خالد في ملتقى عتيبه خرطي
--------------------أنتهى

ابن حزيم الجعيد

آخر تعديل ابن حزيم الجعيد الهيلا يوم 14-Apr-2008 في 11:00 PM.

[نجر بن هاجد]

مشكور وماقاصرت يافارس وانا معك ايضن اطالب الشعراء وابناء عتيبه الغالين بعدم التصويت في تفاهات وخلو فلوسكم ياعيال عمي في شي اصرف فيه من ابناء هذه القبيله منهو محتاج لهذه الاموال والله فيه مرضى محتاجين علاج بس ماعندهم دراهم وساكتين مستحين يطلبون عيال عمهم وفيه ناس عليها ديون هؤلا هم من يستحق المساعده اما الشعراء ماهم في حاجة الدراهم الله يغنيهم ويزيدهم

[بـرق الـذيب]

أخوي فارس عتيبه

أنا أتفق معاك في كل حاجه ماعدا


قولة( خل أمثال الكعبي يستعرض مهاراته في برنامج زي شاعر المليون)


والكعبي والله انه يستحق المركز اللي أخذه وشاعر معروف من قبل شاعر المليون وجزل

[فــ عتيبة ــارس]

ياخوي برق الذيب انا اعتذر اذ اسأت للأخ الكعبي
بس انا ماأعرفه و اول مرة اشوفة باالبرنامج وانا من وجهت نظري ان الكعبي مايستحق المركز الثاني في وجود الفراعنة وخالد العتيبي وخلف المشعان ومهدي وغيرهم
كمان هذول معروفين اكثر من الكعبي وشعرهم اقوى
مرة ثانيه اعتذر وشكلك من جماهير الكعبي
اذا ماعندك مانع ابغى اطلب منك قصيدة للكعبي من اختيارك
انتظرك

[السبيــــعي]

اشكرك على الموضوع لأن فعلا عندي رأي حوله ..
شعار عتيبة ظلموا في هالبرنامج جــــــــــدا

أولا .. صدمتي ان خالد الدعجاني في المرحلة الـ48 يترك لتصويت الجمهور ولم تزكيه اللجنة ؟؟!!

ثانيا.. خروجه المبكر والمفاجئ بعد ان كان اقوى المرشحين للوصول للبيرق ..

ثالثا .. وضع شعار عتيبة كل واحد منهم كل اسبوع .. هل المقصود انهاك القبيلة بالتصويت ؟..!
>> حنا سبعان ماعندنا الا بدر وناصر ومحنا ملحقين

اخيرا .. حركة البرنامج السخيفة لما تركوا الشاعر الجميل شاعر الحب \ الحويماني بجانب هلالة الحمداني ؟؟..
ما كان من الأحسن ان يقلعونها اول شي ويتركون الرجال ينجازون بينهم ؟!!

وتقبل مروووري ومشاركتي
مع حبي واعجابي وتقديري لشعار عتيبة وقبيلة عتيبة العريقة والغالية

آخر تعديل السبيــــعي يوم 14-Apr-2008 في 11:47 PM.

[فــ عتيبة ــارس]

مشكور ياخوي السبيعي وشعار السعودية مابينهم فرق كلهم عندهم جزالة وقوة بالشعر يكفيك بس المدرسة الشعرية
الشاعر الكبير ناصر بن محمد بن فارس الفراعنه
مستحيل احد يسمع اي قصيدة مايوقف عندها هذا هو الشعر الي يهز الواحد اذا سمعه
اماالشاعر الرائع الحويماني فلاتعليق على الحلقه الي وقف فيها جنب الأخت الي صراحه لقب شاعره كبييييييرة بالمرة عليها
صراحه انا جلست اضحك
شر البلية مايضحك
مشكور ياخوي عاالرد ومرحبا بك بين اهلك

[/عبد العزيز الجذع/]

مشكور يافارس عتيبة...

[محمد فيحان العصيمي]

البرنامج ربحي و لا علية رقيب وش ترجون مـــــــــــــــــنه