فهد الثبيتي
ياطيب المحل اللي جمع مطلق ومستور=ومطلق ومستور العصيمي من عتيبـه
والا يالعصيمي سرها لين مبدا النـور=طرا لي علوم ٍ عقب ماطالـت الغيبـه
سعود العصيمي
ياطيب المحل وياسلامي على الجمهور=هذاه المحل يطّيب القوم من طيبـه!!
وصلك العصيمي غن يانايب الدكتـور=وكـلآ يوفـي يالثبيتـي مطاليبـه!!
فهد الثبيتي
ابا اشهد علاك اللي حضر والرجال حضور=اظنك وصلـك الخـرف ياعودنـا الشيبـه
تدف الك ددسن صايبـه بـوش فالماطـور=بعد ماوصلـه البـوش وشلـون تسريبـه؟
سعود العصيمي
انا ادري عن الآمر وداري عن المامور=وعرف الثبيتي زين واعرف هناديبه!!
تحفر القبر وش لك من الميت المقبور=ولاانت امتحرص لين واتطيح فمصيبه؟؟
فهد الثبيتي
لو انك قطعت السالفه قلت لك مشكور=ولكن طبعـك دايـم الشـك والريبـه
جذبتو كثير الناس بالهرج والديكـور=واثركم " هذا يلزم ويقطع له صحيبه "
سعود العصيمي
تبا النصر مار النصر دايم مع المنصور=وابو طبع اعوج وش تبينا نسويبه!!
وش اللي يوديكم هل الوادي المدهور=مادم ان جمك صافيات ٍ مشاريبـه!!
التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|