شعراء قبيلة عتيبه الهيلا في الدفاع عن الرسول صلى الله عليه وسلم

[عبدالمجيد النفيعي]

بيّض الله وجهك ووجه راعي الفكره وبيّض الله وجه كل من ساهم والله يجعلها بـ موازين حسناته

وأنا عندي إضافه قصيده لـ الشاعر


عايض النفيـ ع ــي

يابشيـر الخيـر محشـوم ٍ عـن التزميـره=
ياقـرار العلـم مخلـف وجـهـة الأمـيّـه =
يافرات ٍ، عذب , قرهـود ٍ , قـراح ٍ بيـره=
يابحور المعرفـه .. مدهـل بيـاض النيّـه =
ياكريـم ٍ يكـرم أترابـك عـن التقطـيـره=
قطّـروا كـل الـورود وعـدّهـا منسـيّـه =
إن طريـت ولاح ذكـرك زانـت التعطيـره=
يالملحّـى اللـي سمـاره مزنـة ٍ وسمـيّـه =
يارفيـق اللـي يقيـنـه آيــة ٍ تدثـيـره=
اليقين اللـي غذيتـه فـي حضـن سعديّـه=
يامغيـث ٍ غاثنـا الله فيـه يـوم الحـيـره=
يـوم كنّـا نعـبـد الـعـزّى وبالمـاريّـه =
في رجـاو الآلهـه ضقنـا مـن التصبيـره=
مـن جهلنـا ننحـنـي للـحـرّه المبنـيّـه =
لين جـاب الله يتيـم ٍ سدّنـا عـن غيـره=
أكـرم المهديـن وأشـرف وآخـر المهديـه=
أشرقت شمسـه .. تقدينـا علـى تبصيـره=
وأنكشـف عنّـا غطـاء البدعـه الشركيّـه =
سيّـدي بأمـي وأبـوي الـلا بكـل الديـره=
لك مغاريـف اليميـن ولـك حصـاد ايديّـه =
يارسـول الله ياعبـدالله ياعطـر السـيـره=
ياصـلاة الله عليـك وروحـك المرضـيّـه =
ياصواب ٍ ينطـق السانـك مـع التشميـره=
يالسـان العقـل والمنطـق ضديـد الهـيّـه =
ياعزيـز ٍ عــزّك الله فـيـه وبتكبـيـره=
أعتزيـت وعـز تهليلـك ذلـيـل السـيّـه =
ياطبيـب الغـي طبّـك وافــي ٍ تذكـيـره=
و ( آخر الطّب المياسم مـع نجـاح الكيّـه )=
كـرّم الله وجهـك وكرّمـك عـن تصويـره=
الخسيس اللي رضـع حقـده مـن العبريّـه=
شمت يأطهر من وطى الدنيا علـى تعبيـره=
مايدنّسـك الخبـيـث ولا يمـسّـك غـيّـه =
مالحقنـا فيـك شـك الـلا لحقنـا غـيـره=
وأنت في ( علّي ) يقين , وفوق في ( علّيّه ) =
لك نسوق الـروح فـي درب ٍ بـلا تدويـره=
لجلـك نبيـع العمـار الغاليـه فـ, شويّـه =
أيه أقبّـل قبـر ٍ يضمّـك.. عسـى تكفيـره=
دامنـا والنـا عصـور صدورنـا مفـريّـه =
يامبـهّـر دلّـتـي زوّد لــي التبهـيـره=
خلّـهـا وزنـيّـة ٍ مابعـدهـا وزنـيّــه =
بـادي ٍ لـي علـم والمولـى هـذا تدبيـره=
الليـالـي غابـيـه وأعمـارنـا عـاريّـه =
العجـم صكّـت علينـا قفلهـا تحضـيـره=
والصهايـن وقّعـت عقـد ٍ مـع النـازيّـه =
الهدف واضح جلـي لـو حاولـوا تزويـره=
حمـلـة ٍ ملعـونـة ٍ والحـجّـه الحـريّـه =
ودّهـم يمحـون نسـل ٍ باقـي ٍ لمغـيـره=
والزبيـره وحمـزه ومـن يتيـع المنقـيّـه =
يمكـرون وقسّهـم يبصـم علـى التأشيـره=
والحـبـال معـقّـده ومعـقّـده مثـنـيّـه =
كـل مسلـم موجـب ٍ دستورهـم تنصيـره=
والرسـايـل تابـعـه برقـيّـة ٍ بـرقـيّـه =
هدّوا ( أبراج التجـاره ) شيّـدوا تسويـره=
( الجدار العنصري ) و ( الخارطه ) مقريّـه =
شافـوا أبّغـداد شـي ٍ قــرّروا تغيـيـره=
جـرّدوا ذاك العمـيـل وشـلّـة البعثـيّـه =
فجـرّوا لبنـان قالـوا مـن ورى تفجيـره=
لفّقوهـا لزّقوهـا فـي ظـهـر سـوريّـه =
مانبا تقريـر ( ميلـس ) ماخفـى تقريـره=
الدعـاوي واضحـه ماعـاد بـه سـريّـه =
العـرب دارت عليهـم بـكـرة الجنـزيـره=
ضيّعوا هـدي الرسـول وضاعـت الغاريّـه=
دنّقـوا مثـل الدجـاج اللـي يكـت شعيـره=
لا ملـى بطنـه تجمّـع فـي طويـل الفيّـه =
سربّـوا فينـا عميـل ٍ محكـم ٍ تمـريـره=
جـنّـدوه وزنّــدوه فـوالـة الـربـيّـه =
باطـل الحجّـه بطـول وباطـل ٍ تبـريـره=
مايعرّق فـي طـرف مـن مذهـب السنيّـه=
وينه اللـي عـام الأول واقـف ٍ معصيـره=
يـوم جـا للحـق رايـه ..رايتـه بنيّـه ! =
ما نبـا لـه خيـر يالله تقلعـه مـع خيـره=
مار هـو لا خيـر منـه ولا رضـى بكفيّـه =
علّمـوا راع البعيـر اللـي يسـوق بعيـره=
شايـل ٍ خرجـه ولكـن شايـل ٍ لـه حيّـه =
والله أنّـه فالجمـل بـيّـن لـنـا تاثـيـره=
مابـرك لكـن خطـر ٍ يكـسـر الـزوريّـه =
الأمور أستفحلـت والطـور عـن تطويـره=
زاد وارتـدّت علينـا هجمـتـه عكسـيّـه =
بيـن فتحـات الضلـوع مثبّـت ٍ تسميـره=
خالـط الــذل الـهـوان وزوّدوه شـويّـه =
زادت الكيلـه عساهـا ياعسـاهـا خـيـره=
ياعسـاهـا تنتـفـض هـالأمـه المبلـيّـه =
( قاطعوهـم ) ماتسـد وفكرنـا تطهـيـره=
واجـب ٍ يهـل اللحـى لكـن شوفـوا ذيّـه =
يارجـال الديـن قومـوا جاهـدوا تحريـره=
صفّكـم مـن فرقـة الأقسـام والحزبـيّـه =
أنتم اللـي فيكـم الرجـوى علـى تعميـره=
من ( طويل العمر ) لين ( البنيه التحتيّـه ) =
وإن قعدنـا حالنـا هـذا علـى تصـويـره=
والله أنّي مـا أحشـم الأمـه عـن المرثيّـه=
يارسـول الله ياعبـدالله ياعطـر السـيـره=
ياصـلاة الله عليـك وروحـك المرضـيّـه =
لك نسوق أرواحنـا واللـي ظهـر تزميـره=
مـن تعـرّض لـك تراهـم شلّـة ٍ مكفيّـه =

مـنقول من منتديات المرقاب

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[فواز الدهاس]

نصرة رسول الله واجب علينا=ومن يخذله يبشر بنار الوقيدة
هذا محمـد رحمـة العالمينـا=محدٍ يضره ذي علـوم أكيـدة
هذا امتحان لكل مسلم فطينـا=يبين فعله فالليالـي العديـدة
والله قادر ينصـره بالهوينـا=فالدين والدنيا والأخرى المديدة
ويالحاقدين أهل الحسد والغبينا=بالغيظ موتوا والسنين اللهيدة
ويالدينماركي أسفل السافلينـا=والكفر ملة كل وغد وعقيـدة
حنا بنقطعكم بحلـف ويمينـا=وأحزابكم تبشر بضربة شديدة
ظلمتوا أنفسكم بعـار الجبينـا=وأخطيتوا فحق الرسول الوليدة
أذيتوا أنفسكم سنيـن ودنينـا=ونفوسنا تأبى دروب النقيـدة
فنحوركم غل القلوب الدفينـا=رجعتوا بخف الكفوف الزهيدة
نرأف بحالتكم كسيرة حزينـا=الله يهديكـم أمـورٍ رشيـدة
إسلامنا طيّـب وكلـه حنينـا=ندعوكم لكل الخصال الحميـدة
وقرآننا أفضل كتـاب قرينـا=تسمعوا له فالسنين الجديـدة
ويالشاعر المبدع نصيحة أمينا=جاهد بحرفك قبل يوم الفقيـدة

آخر تعديل فواز الدهاس يوم 20-Jul-2009 في 01:53 PM.

[فواز الدهاس]

- هذا النص بعنوان :- ( نصرة الرسول صلى الله عليه و سلم ) ، لمحب الله و رسوله ، إن شآء الله تعالى

، أخيكم / فواز الدهاس . ( فواز عبدالله الدهاسي القثامي العتيبي )

[عمر الدغيلبي]

بيض الله وجيهكم جميع ياعصابة راسي

والله لا يهينكم على الإضافات

والله يجزاكم بكل خير

والشكر ليس لي وحدي فقط بل لأخي محمد العتيبي

فالموضوع مشترك بيني وبينه

احترامي للجميع

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[محمد العتيبي]

شكرا للجميع على تفاعلهم

عبدالمجيد النفيعي - فواز الدهاس

شكر خاص لكم يالغااالين ..

تحيتي
..

التوقيع

للتواصل عبر twitter تويتر al_bargawy@

[عبدالمجيد النفيعي]

بأرواحنا.. نفداك يا عز مخلوق =يا خير.. رجل وطيت اقدامه الارض
دونه.. نسوق ارواحنا.. كلها.. سوق =نهلك.. ويبقى المصطفى سالم العرض
يبقى جناب.. المصطفى مرتفع فوق =دفاعنا.. عنه نعده من الفرض
ما باقي إلا.. زمرة الخبث والبوق =تقرض بعرضه نعنبو حيهم قرض
دونه نموت وكل مطرود.. ملحوق =حبه ملكنا.. ملك بالطول والعرض
بقلوبنا.. حبه.. مخيم وموثوق =ارسى من جبال السروات والعرض

الشاعر المعروف / مشعل شباب الشيباني

آخر تعديل عبدالمجيد النفيعي يوم 21-Jul-2009 في 04:54 AM.

[محمد العتيبي]

عبدالمجيد النفيعي

اشكر لك تفاعلك الطيب مع الموضوع ..

الله يجزاك خير ويرحم والديك
..

[الشاعر فهد رحيم النفيعي]

هذه ابيات من نظمي في الدفاع عن الرسول صلى الله عليه وسلم ومهما قدمنا يضل قليل اشكر صاحب الفكره وجزا الله الجميع الف خير



منــهـــو تعــرض للنبي

منــهـــو تعــرض للنبي يهدر الدم = حكم من الرحمن للي معه طيش
روحــي فــــداه وكل ما نملكه سلم = يا كيف بعد الذي حصل لذة العيش
أكبر جريمــة وانظر وشهو الجرم = حقد دفين وداخل القلب بيعيش
وش السبــــب قالوا رسولٍ ومسلم = قالوا هذا الإرهاب يحتاج تفتيش
يـــا أمــة الــمـلــيار مـســلم ونعلم = ما همنا فالوقت كثر المرابيش
لازم دعــاة الشر في الوقت تهزم = ويذوقها منهو برأسه نغاميش
وأن كـــان تمــيــتــو فأنا قبلكم تم = نسل سيف الحرب فوق الدراويش
جـدرٍ بني مـن ساس وشلون يهدم = يصمد ولا همه هبوب ورشاريش
لا تــخــذلــون الدين والدين مقدم = ما ينتهي دورك ولا تقول لي ليش
نوحـــد الكـلــمــة وللـخـيـر نعزم = ولا نستمع في قول خبل وأكاديش
يــاكــم نشوف همــوم والهم ملـتم = حتى الصقر يطير حول أبرق الريش
كل على ثـغــرة ولابــد يحــســـم = أهل الشرف وشلون ترضى بتطنيش
نصبر عسى يصفي لنا منبع الجم = ويجي لنا في المجد عز و تعريش
ونحاسب أهل الظلم لا تقول تحلم = ولا همنا فالوقت زله وتهميش
وصلاة ربي عد ما يكتب العـــلم = على النبي الهاشمي سيد قريش

آخر تعديل الشاعر فهد رحيم النفيعي يوم 30-Jul-2009 في 01:28 PM.

[عمر الدغيلبي]

عبدالمجيد النفيعي

لاهنت ياولد العم

وجزاك الله خير

نشكر تفاعلك معنا
.
.
.

فهد رحيم النفيعي

صح لسانك ولا فض فوك

والله يجزاك خير على ماقلت



احترامي

[الشاعر فهد رحيم النفيعي]

المشاركة الأصلية كتبت بواسطة عمر العتيبي

عبدالمجيد النفيعي

لاهنت ياولد العم

وجزاك الله خير

نشكر تفاعلك معنا
.
.
.

فهد رحيم النفيعي

صح لسانك ولا فض فوك

والله يجزاك خير على ماقلت



احترامي

شرفني مرورك


اخي


احترامي