قصيــده مدح في غلاب بن غالب ابو خشيم

[أبن حشيان]

راكب اللي لا نهمتـــه مع الخط الطويـل ... ما شكا طول المسافــه و لا طلعت كـــرا



صوت ويلاتــه مع القار لا جـا له عويــل ... صوت منهـو بالربابـه على لحنـه ســرا



جيب لانـد كروز و موردن باســم العميل ... ما فتح بابه شريطــي و لا ســام و شـرا



منتصيـــن اللي جدوده ينجون الدخيـل ... ريف ربعه في الشدايد و من نسل اومـرا



شيخنــا غلاب بالمجــد اله باعـــن طويل ... يوم كلـن في المراجــل ذراعــه يقصرا



نمدحه لانه بفعلــــه يســـوي المستحيـــل ... مبتغن فيه المثوبــه ماهو مـدح شعـرا



مابرد عزمه عن السعي في بذل الجميــل ... حكمت الفــاروق نهجــه و هيبـة عنترا



و اشهد ان ذكره مع الناس هو طب العليل ... له يشوش الراس يوم ان فعله يذكــرا



عزو اللـي ما انجبت مثـــل ابو ماجـد مثيل ... و العوض باللــه في ذرهــن الاغبــرا



غطرفـــن له يالغناديـــر و اومــن بالجديــل ... كل منكنــه تهــل الجديــــل الاشقــرا



ذخـر راجــح وارد المــوت لهـــاب الذليـــل ... مورد الهيــاب يـوم النهـــار الأقشـــرا



و يالله انــك تحفظـــه يا عزيـــز و يا جليــل ... و اجعـل ايامـه سعاده على وجه الثرا