الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > الشعر الشعبي

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 30-Jun-2010, 06:30 PM رقم المشاركة : 1
معلومات العضو
نجم شامي
عضو فعال
إحصائية العضو






التوقيت


نجم شامي غير متواجد حالياً

افتراضي مراثي

مرثية الأمير محمد بن أحمد السديري في الشيخ ورنس بن شعلان



يــســقــيــك يــادارٍ شمالي عــنــازه = غــربي الولج ياعلي شرق الطريبيل
ســقــالك نــوٍ مــمــطــرٍ مـن عيازه = عـــلى رغــاب القـاع فيضٍ من النيل
عـــز الله إنـــه راح فــيــهــا جـنازه =صــمــيــدعٍ تـوصف عليه الرجاجيل
لــه فـــي عـــازاتٍ ولي فــيــه عازه =وقـــت اللـــزوم لياحصل بالدهر ميل
مـــالـــوم قـــلــبــي لو يزيد اهتزازه =جـــرّ الــونـين وشاف ضيم الغرابيل
عــيــنــي كما شـنـنٍ تـفـتـق خـرازه = عــلــيــه دمـعـات الــمـحاجر هماليل
حــرٍ جــزع وادمــا بــقــلــبه حزازه = وتــفــجــرت شـعــبـان قــلبه مباهيل
تــقــصــر يــمــين اللي بالايام هازه = يــرجــع ذلــيــلٍ فــاقـد العـقــل بهليل
اللـــي لــمــح ضــده ثــقــيــلٍ مرازه = أخــو مــحـمـد صـافـي الذهن حلحيل
مــن شــبّــِتــه يــاما قـطع من مفازه = ويــامــا ظــهـر من غرقةٍ كنها الليل
رقــا ســنــام الــمــجد والطيب حازه =وبــيــتـه لعصمان الشوارب مداهيل
قــلــبــه مــن الــبــالـود ماهو قزازه = والــغــيــض قــد فـجّـر قلوبٍ مغاليل
وان داخـــل الــشــردان رعب ونزازه = الــذل مــايــلــقــى عــلـيه المداخيل
ومــن الــذهــب حــطــوا لقبره ركازه = ومـن صافي الياقوت حطوا قناديل
حــتــى يــجــيــه اللــي بــعــيـدٍ منازه = ويــلـقـى بقربه شمّخ القود والحيل
إعــتــضــت بــه ربــعٍ لــقــلبي لهازه = أعــنــي هــل العـليا عصاةٍ مشاكيل
عــلــمــي لــيــا جــاهــم سريعٍ نجازه =وانــا لــهـم دايم على العدل والميل
هــم فــزعــة المــظــلــوم وهم جهازه = وبالفعــل للشعلان تشهد هل الخيل
شــعــلان فــيــهــم بالحــرايــب فـيازه = بـجــدع المــدرع فوق قبٍ مشاويل
ربــعٍ حــمــاهــم مــايــقــرّب حــجازه = وعــدوهــم أســقوه ويــلٍ بثر ويل
إن حــل ضــرب مــخــلّــصٍ بالـبرازه = أرووا حــدود سـيوف حدبٍ مناحيل
أحد يحوش الطــيــب غــصـبٍ خزازه =وناسٍ عن العــليــا ضعافٍ مهازيل
يــبــيــن لك فــرق الــذهــب من بيازه = فــرقٍ بـعيد أبعد من الجدي لسهيل
البــيــض تــرضــع لابن يابس عرازه = وبالألف يطــهــر واحــدٍ به تنافيل
تاخــذ رفــيــعــيــن الــمــبــانـي بزازه = يــالــيــتــهــا تقتاض عنهم تباديل
إن قـــيــل قــلــبــك مــصــخرٍ بانحيازه = قــلـت الوفا له وسط قلبي مناقيل
وانــا أحــمــد الله مــاحــضـرني خزازه = وردون ثــوبــي ضافياتٍ مضاليل
يســقــيــك يــادارٍ شــمــالــي عــنــازه = مــزنٍ مــن المنشا ركونه مخاييل


الشخ ضيف الله بن تركي بن حميد يرثي اخيه عبيد


ياونتـي ونـة كسيـر الجـبـارةْ=إلى وقف ما احتال وليا قعـد ونّ
عليك يـا شبـاب ضـوّ المنـارةْ=عليك ترفـات الصبايـا ينوحـنْ
مـن مات عقـب عبيـد قلـنـا ودَاره=لاَ باكـي عقبـه ولا َ قايـل مـنْ
تبكيـك صفـرٍ البسوهـا غَيَـارهْ=تبكيـك يـوم ان السبايـا يِعَنّـنْ
وتبكيك وضـحٍ ربّعـن بالزبـارهْ=اليا قِزن مـن خايـع مـا يـردنْ
الخيل عقب عبيد مـا من نمـاره=وش عاد لو راحن وش عاد لو جن
يا شيخ ما تامـر عليهـم بغـاره=كود الجروح اللي على القلب يبرنّ
يقطع صِبِـيّ مـا ينـادي بثـاره=إلى أقبلن ذولـي وذُوليـك قفـنْ
ياهل الرمك كـل يعسـف مهـاره=والمنع ما نطريه لاهُـم ولاَ جـن



هذه القصيده للشاعر/ عبد الله بن الطريس العطني الشعبي الحربي رحمه الله والتي يرثي فيها السخ فيحان بن ناهس الذويبي رحمه الله ومناسبتها ان الشاعر قد ذهب دوار لبعض ابله شمال المملكه وحل ضيفاً على أحد الرجال من قبيلة شمر العزيزه وكان هذا الرجل ينادي ابنه اذا احتاج شئ وكان اسم هذا الابن فيحان (وتلاحظ اخي القارئ كثرة من يحملون اسم فيحان من جميع القبائل لأعجابهم بملك الباديه)
وقد ثارت قريحة الشاعر عندما سمعه ينادي ابنه باسم فيحان فقال هذه القصيده



فيحان فيحـان الذويبـي فقدنـاه=اسمه على كل المسمـي حرامـي
اسمٍ على مسمى بفعلـه ومعنـاه=بلهونكم يـا مكبريـن ألا سامـي
فيحان بن ناهس ليا حل طريـاه=مثل القمر ضوحه يزيل الضلامي
لياقيل يا فيحـان فيحـان يزهـاه=حلحيل بالحيله وسيـف حسامـي
يقلط ليا هابـوا شيـوخ مسمـاه=ليا وقفوا من دون قصر اليمامـي
زبن السجين اللي زمانه توطـاه=ليا غلقوا دونه بنـود النظامـي
كم من دريـك فكـه الله بمسعـاه=فكه بعـد ماقيـل مابـه كلامـي
الله فرجلـه يـوم فيحـان نـاداه=تباشرو به يـوم قـام القطامـي
ماخاب ظن اللي عنا له ليا جـاه=هـداج ماقلـوا وروده حيـامـي
عز الرفيق وعزمن جـاه ينخـاه=هداج بهـاج الكبـود الضوامـي
له ماقفٍ ماقيـل غيـره تهقـواه=نطاح عسرات الامور العضامـي
ماهو من اللي شيختـه ماتعـداه=فيحان ابو مطني رفيع المقامـي
يبقي عوضنا في شيوخ ٍحلايـاه=كلٍ يقول اشيـل زامـه وزامـي
بعد الولي فيهـم عزانـا بفرقـاه=هندي ونايف وصلوهـم سلامـي
اولاد ناهس من عرينه ومجنـاه=هم مقدم الهيجا نهـار الزعامـي
هندي لياسل اللويصـق بيمنـاه=من ناطحه له الهزيمـه لزامـي
يجيب ماجابه محمد على اعـداه=لياصار يوم مثل يـوم الردامـي
زيزوم نمراء ترهب اللـي تحـداه=وتامن به الوضحاء ردوم السنامي
ونايف زبون التاليـه لاعدمنـاه=لياطار عـج مثـوّرات العسامـي
يفرح به الـي يابسـات شفايـاه=ليا هج زمل معورجات الوشامـي
من ماكرٍ عسرٍعلـى الغيرمرقـاه=ذخر العقـاب معدليـن الجهامـي















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »02:15 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي