 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
|
|
أدوات الموضوع | انواع عرض الموضوع |
|
|
|
|
17-Dec-2010, 04:31 AM
|
رقم المشاركة : 1 | |||||
|
الشاعر حمدان بن مشاعل بن عمر القبع العازمي العتيبي
السلام عليكم ورحمة الله وبركاته
حبيت اقدم لكم قصيدة لشاعر الكبير : حمدان بن مشاعل بن عمر القبع العازمي العتيبي رحمه الله حفيد الفارس المشهور عمر القبع التي اسندها الشاعر مرشد بن مناع العازمي العتيبي ‘‘ اليكم تلك الدرر ‘‘ ياكثر همي كل ماجيت اسافر قريب ولا في بعيد الدار من قلة الرخصه ليا قال رخصه مرور بالبدله وبالبسطار على الخطوط وفالبلد واقف لي يقول رخصه مااقبل المعذار وحاولتهم بالطيب والسويه قالوا تسلم والعلوم اقصار سلم 300 ولازم تزيدها والسجن تدخل فيه ياغدار وحاولتهم بالكذب والشطانه والكذب ماياكل ولابه خار قالوا نعرف الكذب والحيلات وهذا نطامٍ ياولد جبار ماشٍ عليك وقد مشى فوق غيرك امرٍ تبلغنابه الامار وليا واجبهم وسلطة حكومه وامر الحكومه خابره قهار وإن جيت اهرب برى هالحقوني وهواتفٍ تضرب علي اخبار واقدر البدله على من لبسها لونها ماغير فوق جدار بدلة حكومتنا واحنا نعزهم وهم هل العليا حماة الدار وكثرت حيلاتي على شان رخصه وصعبة عليه مااخذ المشوار وقمت اتذكر من يحصل لازمي من روق ولا من عزاتٍ غار وليا ماغير مرشد ولافيه غيره راع الجمايل طيب الاذكار طيب ولد طيب واله زود عاده كلٍ يرحبه واله مقدار ينصونه العالم على قد ذكره ذكر الحياء والطيبين اخيار وجهت له دعواي وارسل مثايلي وسلام يامرشد سلامٍ حار حلو الحليب اللي من القود حالي ماهوب من فطر حليب ابكار خلفات في وقت الربيع الطيب ماتاكل الا من طيب الاثمار من غليكم عندي ومن كبر حقك والله نطير ويعلم الاسرار ماني بكاذب في كلامي ونيتي يامزبن المضيوم والمحتار اشكي عليك اللي جرالي وحسني وموضحه مالي لزومٍ غار ولاتنفع الشكوى على غير جيد الحر يطلع والردي ينهار ثم الردي ماهو بقاضي لازم يروح عن درب الرجال ايسار تزله الشرهه ولا احدٍ بجايه ولا فرق بين العار والمعيار تلقاه دايم حضرته مثل غيبته وفاالامر ماردوله الاشوار لايستفيد ولايفيدك بفايده سوات كشافٍ بغير احجار يابو سعد يامزبني وعزاتي يالصقر ياللي تبهج الصقار اضرب بمخلابك على دربك العشاء عادتك ياحرٍ على من الاحرار ترى حبالك راهيه ومجوده من حيد ماتهويي ماهي بقصار حلحيل الحيلات في كل دعوى ودايم يحصل نعم فالاقرار من كبر حظه كل دعوآً يحلها ابو سعد مذكور فالاخبار الله يطول في حياته ويومه وفالأخره يكفيه شر النار يالله ياالمعبود تقبل مني ياقابل الدعوات يالستار ادعي لمفتاح العلوم الناشبه حلال مشكل واصل الاخطار من طاح في غدرآ ظلام وزاره خلاله الغدارء الظلام نهار من قو معرفته وضلعه وفكره مرهي وفيه الزود فالاشبار زودٍ ينومسنا بدين ودنيا ودايم على مرسى الرحا صبار يرسي كما ترسي الجبال النايفه والبني تجويده من العقار ان كان ساسه بالاحجار مجود يبقى عمار وبيٌد العمار وإن كان ساسه فيه غش ورجه مايعتمر بنيه وراح دمار امثل اقوالي على مابخاطري حول الرجال اضرب مثل الوكار يومنها جالها جرير وجرها احدٍ خسر واحدٍ كسب وازتار ومرشد سلاحٍ نقتضيبه ديونا في كل لازم مسحل بمنشار لو الجماعه كلبوهم مثله لزوم يصفي الجو بغير غبار وكلٍ يحصل لازمه في ساعه مااعتاز احد يمشي خفى وجهار مير اللحاء الله خلقها واحد فيها طوالٍ راهيه وقصار واحدٍ خلقه اجلد بليا لحيه سبحان ربي خالق الابشار ثم الحمول الها رجالٍ تشيلها تشيلها لو الحمول اكبار احدٍ على راسه وابوه وجده واحدٍ عليه وطالعٍ بالخار شجاعة من حيد ربي يحطها وكسابها دايم عليه انوار ماهو بظلماء ووجهه مظلم عليه نور ونوره الاذكار ذكره وفعله عم كل الديره مركز شرف والناس اله زوار تراه مرشد والرجال تعرفه تشهد له العالم على ماصار يطلق حبيسنٍ محكمات منونه من حا معه من وال الاقدار لو الحبيس امره غضيب وناشب بعد على كل الدواير دار مايتعبه حله عليه اطلاق مفراص ماص عليه اقوى من الفرار هذي تماثيلي وهذي رسالتي لمكرم الجيران والخطار ياللي تجونه في يده سلموها واللي يسلمها تراه امجار ثم اتركوها والزبون ابخصبها يمشي على كيفه مع الاسعار ماهو بعمين ماغير يعلم ولا رعيبٍ يركب الفرار كلٍ يبي حقه واله معرفته والناس مقصوصين بالاثار يستاهل البيضاء اغلا من يحوشها هذا مثل غنوبه الشعار على صحيح وعارفين الواقع مابه جمايل غير بالمخسار وختامها مني ذكرت اسم الله والله خيارٍ ماعليه اخيار وصلاة ربي عدد نبتٍ طال واعداد مايمطر من الامطار وسلااااااااامتكم نيابتآ عن عمي الشاعر : حمدان بن مشاعل بن عمر القبع ‘‘ بعد ماسمع القصيده الشاعر مرشد بن مناع قضى لازم عمي بسرعه كما قال عمي رحمة الله ‘‘ وبعد مااقضى لازم عمي اسند له عمي الشاعر حمدان القبع قصيده اخرى سوف اطرحها قريبآ ( تحياتي محمد القبع ) |
|||||
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض الشجري