حب الدراويش ... من ديواني الشعري

[متعب العبداني]

يابنت يـالــي بـالـدلـع تـنـفض الــريش=لـــك بالــحـنايا حبً ابيض من الشاش
وحــبــي تـــرا يابنت حـب الدراويش =حـبً صــدق بالــوقت مـاهــو بغشاش
ام الــعــيــون الــنــاعـسـات المرايش =الـيـا نـويـت ارسي على الحب تنحاش
مــــدام انـــا والقلب ضمياء معاطيش =اروي ضماء قلبي من الطاش للطاش
مــأيــنـفـعـك يابنت كــثــر الـتطانيش =يـــومً مـعـي واربــع أيـــام مــطــناش
مـــرة عـــلــي تلين بالــحـب واعـيش=ومرة تعودلي كــمــا الـذيـب لا هتاش
اصبر وناوشها عــلـى الـحـب تنويش =صبرت مــيـر الصبر عود على ماش
لاوالله الا صـــــار فـيـهـا تـشــاويش=وبعض السوالــف مابها خير و نقاش
حــطـيت لــــي بالدرب تسعين تفتيش=تدور الـــزله عـــلــى كـــل مـطـراش
تـنـقـش ســوالــيـفً قـديـمات تـنـقـيش=ومن دور اسباب الزعل جاته ابــلاش
ماني بناشد عن سبب ضيـقـتـك لــيش=اعـرف سـوالـيفك مثل طاش ما طاش
كثرة مواضيعك ولا ادري عـلى ويش=يابنت انــا راســي غـدا اليوم منداش
غـــديــت انــا ويــاك مــثــل المبابيش=وابلشتني باضــيــق يا مـــال الابلاش
انتي ضريتي بالمحـبة عـلـى الـطـيش=طشتي و صــار الـقلب بالحب دفاش
ان كـــان ودك ننـعش الـحـب تـنعـيش=اتــــرك تـفـاكـيـرً بـها الـشـر يغتاش
وشويش في قلبي على الحب باشويش=وانــبـادل الشواق كـــاشً على كاش
ولا تـــرا نبعد بـكـثــــر المـطـاريش=دام الروابط بـيـننا صــارت اهـشاش
مامـن ورا هـالحـب راحــه ولاعـيـش=لا راحتي تـذكر ولا راحــت افراش
وحـتـيـش لـو افـقـد غـلا القلب حتـيش=الحب كانه من طـرف مــات مـاعاش
والـيـا جهلتي ويــش حـب الــدراويش=حبً صدق بالقلب وابيض من الشاش

[نوآف الشرآري]

وحتيش لو افقد غلا القلـب حتيـشالحب كانه من طرف مـات ماعـاش
واليا جهلتي ويش حـب الدراويـشحبً صدق بالقلب وابيض من الشاش



متعب العبدآني..صح لسآنك وجزل كآن بودي اقتبس القصيده كآمله لجمآلهآ
ولكن أقتبست مآيفوقني.
أحترآمي لك وبأنتظآر مآتقدم.

[متعب العبداني]

صـــــــــح بــدنك يالقرم
ومشكوووور على المروووور

[راشد النفيعي]

قصيده جزله بيض الله وجهك على هذا الابداع

[عثمان الثبيتي]

صح السانك يامبدع قصيده رائعه

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه