قصيدة الشاعر احمد بن غازي بن عبيد الشيباني في منقية المواط .. كامله

[عبدالله ابن مشيب]

ازهموا الهيلا ترا الموقف اشعاني

و ها السنه كلن بيحسب حسايبها

كل رجلن يشري الزين ويثاني

والحقيقه شمس محدن بحاجبها

يا هل الخمسين والزين رباني

وضح ابن فراج تعرف مناسبها

لا نهضت الصوت يغشاهن اجناني

مثل رعادن يزلزل سحايبها

يوم احلي وصفها بشوف الاعياني

تاخذ اعقول الاوادم وتعجبها

الرقاب اللي تحلاّ بعمداني

مع كبار الروس مرقن غواربها

مع طوال ارقابهنّ اعن الامتاتي

غير دق ارقابها اللي مطيبها

النحور الفج بيبان شيخاني

والظهور السند محدن يعذربها

غير من فوق الحجب نيّها باني

عرض خدن معه يزها مشاربها

اهنف عرنونها والسبل داني

واللحي اسيوف شوخن تخضبها

اهزعن عرقوبها خرّع اذاني

بالوصايف مابها اللي يعايبها

وحدّتهن كنها الضلع وسماني

راهيات اعمارها جلّ واهبها

بكره اليا جات في وسط ميداني

والرعايا من خطرها تجنبّها

كنها اتقول ابن فراج ينخاني

ترهج الميدان لينه يزين ابها

حقها الاول ولاهوب بالثاني

حقها لا جات بكره تفوزبها

يوم جات وقدمها جمع عتباني

هزت البيدا وهبت هبايبها

كنها ربانتن قدم الامزاني

ساقها الغربي بعجن يعجب ابها

ما ملكها غير مطلق كحيلاني

وللتحدي احمر العين جايبها

ما شراها الا بغالية الاثماني

ولا نقا ماهوب ينقا شوايبها

معه ربعن لا احتما الهوش من داني

كم رقابن تنرمي عن مناكبها

ربعي عتيبه طويلين الايماني

مقدم الفرسان ساعة حرايبها

بالشجاعه عزوتي شانها شاني

لابتن ما تنثني دون واجبها

لابتن تعرف على مر الازماني

روس قومن ماتردت مناسبها

هم هل البل لاغشا الجو دخاني

دونها الارواح للموت تجلبها

للخوي عز وذرا ظل وكناني

وللعدا سم الحيايا تشرّبها

يومها بضرب الحدب خيل وعناني

عتيبه اللي بيناتن مضاربها

ونحمد الله اليوم في خير واماني

في ذرا حكامنا اللي نلوذ ابها

وعاش مشعل سيدي طير حوراني

مشعل اللي وقفته نستزيد ابها

حط باسم موحد الدار والباني

جايزاتن بامره اللي مرتبها

والبدو جتله من القاص والداني

كل راعي صنف ذوده مزهبها











وسلامتكم : نتمنى التقييمَ ..

[محمد الذيابـــي]

,,


صح لساااااااااااانه

والمواط يستااااهل,,

التوقيع

التوقيع محمد الذيابـــي

[سعد بن مطلق المقاطي]

صح لساااااااااااااانه ويستاهل راع المغاتير والله يوفقه ويوفق الجميع

التوقيع

ديــــــــــــــــواني

[حيــاّد]

صح لسااااااانه

والممدوح يستاهل

[عبدالله ابن مشيب]

صحت ابداانكم .. واشكركم على المرور المشرف