قصة المطيري مع ضيفه..والضابط .. والعسكرية

[عبدالرحمن الهيلوم]

قصة المطيري مع ضيفه..والضابط .. والعسكرية


كان فيه جندي شغال خفير على بوابة في دائرة عسكرية في مكة المكرمة المهم هذا الرجال اسمه حسن المطيري وكان مستلم خفارة وجاه في ذاك اليوم ولد عمه واسمه الحميدي وكان الحميدي رجل كبير في السن وحسن كان في عز شبابه المهم قام حسن كعادة ابناء القبائل الكريمه بواجب الضيافة للحميدي وفي اثناء ذلك حضر الضابط المناوب ولم يجد حسن واقفا في خفارته رغم انه في نفس المكان ولكنه كان جالسا ، فدار

الحديث التالي :

الضابط : اشبك سايب الخفارة وقاعد ؟؟
حسـن : لقد حضر ابن عم لي وانا اقوم بواجب الضيافة نحوه
الضابط : هو ابن عمك مايدري ان هذا مكان شغل ؟؟
حسن : ان هذي من عاداتنا وتقاليدنا في اكرام الضيف والضيف ماله مكان او زمان عند
العرب وبعدين هذاني مارحت بعيد .. موجود

الضابط : هيا سيب القهوة وروح امسك الخفارة بلا كلام فاضي

فقاطع الحميدي الحديث وقال انا منصرف وعندي بعض الاشغال (يبي يقصر الشر ولا
يريد لحسن المضرة )

فذهب الحميدي ونار حسن متأججة لما فعلة الضابط الذي كان بامكانه على الاقل ان
لايجرح حسن ولايهينه امام ضيفه ..



فجات القصيدة بهده الابيات التاليه









يالحميدي كان طاري لك طواري ....... سل سيفك واسرجه صفرا اصيلة

الزمان الشين شفنالـه شـواري....... وان عصانا الوقت مابالوقت حيلة

نصبر لصكات دنيانـا جبـاري ....... حكمـة ماعندنـا فيهـا وسيلـة

كن في قلبي مثل زرق الشباري....... شب في جوفي مثل حامي المليلة

يوم اميز سلطة عيال الحـواري....... كيف نرضاها وحنا مـن قبيلـة

نمتثل لامر المولـد والبخـاري....... لامرهم ننصاع بنفـوس ذليلـة

وربعنا راحو مثل برق الحباري....... واصبح المقلـط لبيـاع البليلـة

وان سكتنا ليت تاكلنا الضواري....... خذ يمين الشرع مافينـا عقيلـة

والختام اعمار خلق الله عـواري....... من يموت بعز خير من الفشيلـة



الرد :



ياحسن ليتك بمـا فـي القلـب داري....... كـان ماشبيـت فـي راس الفتيلـة

راح وقت السيف وحـزام السـواري....... يـوم كلـن ساعـده تشفـي غليلـة

عقب صوت الخيل جا صوت البوراي....... وكل شـي جابـت الشركـه بديلـة

والفرس ماتلحـق الجيـب السفـاري....... وارد اليابـان يـوم فــر ويـلـه

والدبش ماعاد لـه بالسـوق شـاري....... ياخذونهـا منـك باسعـار قليـلـة

والجمل لو صاحبه جوعـان عـاري....... ماتسـاوي قيمتـه ثـوب وفنيـلـة

تحسب انك شيـخ لاقالـوا مطـاري....... راح وقتـك ياولـد وش تعتزيـلـه

يعتزي من راجـع البنـك العقـاري.......تاجـرن كـل العـزاوي تستويـلـه

ذاك شيخ شيوخ لو اصلـه بخـاري....... دام معـه فلـوس مايوجـد مثيـلـه

والزمان اللـي تبـي مالـه مـواري.......راح مـع جـدي وجـدك لا تخيلـه

مالك الا الصبـر يالنجـم الزهـاري.......عقب نورك حال من دونـه مخيلـه

والختـام اللـي يريـد الله جــاري....... مايـمـوت الادمــي والله كفيـلـة


منقول . . .

[دوسي زهراني]

الف شكــر يامبــدع وقصيــدتين جميلتيــن ..






























تحيـــات عـــاشــق الاهلــي وجمهـــوره

نـــايــف الدوســي الزهــــراني

[عبدالرحمن الهيلوم]

مشكوووووووورين يالغالين علي المرور

[القادم بقوة]

يعطيك االعافية
وش هالضابط
اعوذ بالله

[عبدالله بن دبيس العتيبي]

الف شكر ياخوي ابو داحم


والف مليون نعم بحمران النظر

والمثل يقول

ان ماطاعك الوقت طعه

وياعزي على عيال القبائل من صناع البليله



وتقبلوا تحياتي

[عبدالرحمن الهيلوم]

مشكوووووورين علي المرور

[محب الهيلا]

الله يعطيك العافيه على النقل

مشكور وماقصرت

[عبدالرحمن الهيلوم]

مشكورين علي المروريالغالين

[قلب المحيط]

والله صادق الحميدي الي عنده فلوس شيخ لو انه بخاري

[عقاب العنزي]

لاهنت يالقرم على ايراد القصه

وعزالله انه صادق بهالزمن كل شي انقلب فوق تحت


,,