والله لبطي وقلبي من فراقك يلوع

[محمد النخيش]

بسم الله الرحمن الرحيم


والصلاة والسلام على رسول الله لاشك ان الموت حق وكل نفس ذائقة الموت

رحم الله موتى المسلمين اجمعين

هذه القصيده بما ثارت به القريحه في وفاة الشيخ محمد بن زايد النخيش رحمه الله رحمة

واسعه واسكنه فسيح جناته

طاح ابن زايد وقلنا يالعزيز الدفوع=ادفع صواديف دنيا" كم تحلويتها
سبعة شهورن كئيبه تمتطيها الطموع=وأخبار هالكون لو تنقال ماأوحيتها
أبحث عن أخبار راع الطايله والنفوع=اللي يحل المشاكل في تواقيتها
لاحل طاريه فالمجلس صغيت السموع=لعل أملنا بعافيته عمر بيتها
ندعي جزيل العطا رب المنوع الجزوع=يشفيه وأم العباير فيه كنيتها
واليوم جانا الخبر يقول ماله رجوع=ياللي أمل عودته مثلي تحريتها
اليوم يوم الأحد جانا بعلمن يروع=يقول مات الذي نفسه علا صيتها
شيخن ملك طيباتن من فريد الطبوع=لو أذكر أوصاف شيخ العز ماأحصيتها
شيخن ركن هز بفراقه جميع الجموع=اللي تعزوا بمثله في مباخيتها
شيخن فقيدة جميع الناس قبل الربوع=من طيب فعله دموع الحزن هليتها
خيم علينا من الاحزان حزن صفوع=وبحور الاحزان من فرقاه طبيتها
ياكبر وقعه علينا جوف حدب الضلوع=كن الوسيعات يم الضيق لديتها
ضاقت وساع الصدور وبان ذرف الدموع=ومن هول فرقاه كل الناس مليتها
وشلون ماياقع بفرقاه جل الصدوع=اللي يفتت كيانن صعب تفتيتها
مرحوم ياشيخنا اللي بالمراجل شيوع=يمناك بالطيب كم وكم مديتها
أنا أشهدنك بنيت العز بنين منوع=قولن ذكرته وعند الناس تثبيتها
والله لبطي وقلبي من فراقك يلوع=والله من دمعة طاحت ومشيتها
الله يجعل جزاء فعل اليمين البتوع=جنات عدنن بفعل الخير ناديتها

اللهم اغفرله واجعل منزله الفردوس الاعلى

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@