شعراء قبيلة عتيبة يهنئون الأمير / محمد بن نايف بن عبدالعزيز ..

[وافي الخماش]

محمد .. العتيبي ..


ع ـالقوة يالذيب ..



وارجو ادراج القصائد التي ستضاف من الاخوان .. بنفس موضوعك الاساسي ..

لـكي يطلع عليها الجميع ..


وهاذي ..


قصيدة حبيب العازمي ..


http://www.otaibah.net/m/showthread.php?t=97224

[محمد العتيبي]

بيض الله وجيهكم جميع ماقصرتوا ..

التوقيع

للتواصل عبر twitter تويتر al_bargawy@

[حالد جزاء]

بيض الله وجيهم وليس غريبه على شعراء عتيبه وعتيبه كافه

[محمد العتيبي]

شكرا لمرورك ياحالد ما قصرت ..

[مشاري الحبردي]

بيض الله وجيهكم ياعتابه.............

ولا يحتاج اتكلم عن الموضوع

ولاهنت

[محمد العتيبي]

عمر العتيبي

بيض الله وجهك على المجهووود الجباار


والاضافات الرائعه يارااائع


الله يجزاااك خير يابو الحميدي ماقصرت ..
..

[فيحان بن فياح]

أخـي الغالـي محمـد العتيبـي .. مشرفنـا القديـر

وكمـا تعودنـا منـه الطيـب وهـو أهلـه راعـي الأولـه
والسبـاق لمثـل هـذه المواقـف وتدوينهـا لتبقـى فـي ذاكـرة التاريـخ
يستحـق الشكـر ولـه منـا وافـر التقديـر والأحتـرام

هنـا
وقـد أتينـا برائعـه لتشـارك مـع روائـع الهيـلا وقـد جـاءت مـن بـوح
ومشاعـر شاعـر لتحكـي لنـا عظيـم الوفـاء والحـب لشخصيـة الأميـر محمـد بـن نايـف

هنـا
إضافـة للموضـوع بمناسبـة سلامـة الأميـر محمـد بـن نايـف

نقـدم بيـن أيديكـم قصيـدة لأخـي الشاعـر فيحـان بـن رفاعـي بـن شعـف العتيبـي _ ساجـر


( درع نايـف )

الوقت صكاته تزلزل بالأوتاد=كنه دوي سلاح قرمن يهله
من الهنادي زادها الموت لاعاد=فيه السخط ناره عليهم مطله
قدامه الشجعان صادر ووراد=وصوب المنايا صلب عزمه يتله
محرم عن النوم والشرب والزاد=ألا ليا منه نزع عرق غله
يشوش راسه لاذكر فعل الأجداد=وينصا السرايا مادخل فيه ذله
إن عودت بالطيب وإن راحت عناد=من خاله وجده خذاها جبله
مثله مثل هاجس قصيدي ليا زاد=يبا يقهويني من الشعر دله
فنجالها يقطع ضرم كل نقاد=مافيه بيت" فيه هزعه وخله
دايم تنومسني على روس الأشهاد=أصدق من حساب السنه والأهله
صخرتها للي له المدح ينقاد=تاصل مقامه وإتفيا بضله
محمد ولد نايف على الأوله ساد=حاز الفخر والعز دقه وجله
يلبس دروع الدين وسيوفه حداد=مع منهج" واضح ومذهب ومله
يوم الفعايل ودها سرج وشداد=شريط علمه لا أرتكا ما يفله
حزامنا الساطي ليا طول الماد=سيف" على الأرهاب ربي يسله
سلامتك ياسيدي مثل الأعياد=يادرع نايف كل ملوي تحله
نحورنا من دونكم درع وعتاد=ونفوسنا بالحق ماهي مقله
اللي تلطم بالردى فالردى باد=دايم عظيم الجاه فوقه يذله
منهو عثاء فالأرض في نشر الأفساد=تطحن رحاة الدين حتى تشله
وحنا لكم وافين في صيف وبراد=ندق خشم المرتدي في محله
ونعرقي الميسم على سود الأكباد=وكل طريق الحق منا يدله

آخر تعديل فيحان بن فياح يوم 23-Sep-2009 في 08:53 PM.

[محمد العتيبي]

قصيده للشاعر المبدع / صالح بن مصلح الشيباني ..وتهنئه بسلامة سمو الأمير ..

عاد عيـــدك ياوطن ومعايــدي ذروة سنامه=تهـــنئه تنصـــى المــلك واخــوانه وكل الرعـيــــه
والثنا والشكر لله وحمـــد لله ع الســـلامه=للاميـــــر محمـــد مســــــاعد وزيــــــر الداخليـــه
الزعيم ابن الزعيم اللي تسلسل بالزعامه=حنــكه نايــــــف ونايـــــــف حنـــكه راع العبـــيــه
الملك عبد العزيز اللي عمـود الدين اقــامه=وحد ربـــوع البـــــلاد وكـــل ابو شعبــــه سويــــه
ثم بعده ملكونا اللي في طريقه بأستقامه=حكـــــــموا شــــــرع الالاه وعزهــم رب البــــريـه
لين جاء دور المليك اللي لبس منهم حزامه=حب شعبه وإله عـند الشـــعب حــــــب ومقدريــه
ابو متعب عزه الله فيه عـــدل وبه صــــرامه=خــــــادم البيتين ربــــــي يحـفظه من كل سيــــه
وابو خالــد رده الله حي هــاك الابتســـامه=فاقدين الشعب طــــلة صـــاحب اليمنــى النديـــه
وإلك من تهنئه مخصــوص يارمز الشهــامه=في سلامة شبلك اللي جــــاذبه في كل هيــــه
ســلمه ربــي لانه فارضن جــل احتـــــرامه=عند شعب المملكـه كـــــلٍ (ن)يـــدق اله التــحيـه
لانه اللي من غلاهم دونهم طش العمــامه=ويتعــــقب شـــــلة الارهــــاب بعـــــزومن قويـــــه
ولجل امان المملكه ماعاد يهنى في مـنامه=وكلم الارهابي اللي راحت عظـــامه شظــــــــيه
قاال ابــرجــع ثم رحبــه وحــثه في هــمامه=الهمام انــتم عيـــالي قـــالها مع حســـــن نيـــــه
إيتكلم من وفاء والنـــذل يخفي فـي كــلامه= نيتــه قــدام يكشـــفها الولـــــي عنــده خفيــــــه
قال نقله في رمضـان ولا قبـل ربي صيــامه=قاتـــلن نفســــه وبــانت دبـــــرته فيــــها رديـــــه
انتحر واللي وشاه يموت حسـرات وندامـــه=وعاش ابو فيـــصل امير الامــــن حق(ن) له عليه
لاني انا من رجــال الامـن والامن اهتمــامه=اننا نحمـــي وطنــــــــا ليــــن توفينا المنــــيـــــــه
افرحوا يااهل الجزيــره والعدو تفنى عظامه=وبسلامة سيــــــــدي قــــلت القصيــــده له هديه
وعيدنا عيــدين عيــد الفطر مع عيد السـلامه=للاميـر ابــن الامير مســــــــاعده ـــــــالداخليـــــه

[خلف الروقي]

صحت ألسنتهم والله يعافيهم وليس غريب هذا الامر على شعراء الهيلا



وهذا الوفاء لرجلا يستاهل الوفاء



ولاهنت على النقل اخوي محمد



تحياااااااتي

[يوسف العازمي]

شكرآ لـــ شعاااااااااار عتيبه على الموقف المشرف

و الله يحمي سمو الأمير / محمد بن نايف من كل شر

و الله الله يخذل اعدائنا اعداء الأسلام