صـــــاعـــقـــة الشاعر \ كديميس صالح العصيمي

[عفيف.com]

المشاركة الأصلية كتبت بواسطة نامي

هذهـ القصيده رداً على تحريف مؤلفين قبيلة مطير


للتاريخ والحقائق

مولفين مطير في التاريخ والنسّابه = يجمعون ويطرحون بلاضمير انساني
حرفوا تاريخ نجد وكذبوا كتابه = والغوا اللي في المصادر كلها من داني
ومن ورى كتّابهم في المجتمع حسابه = يفهمون المفتري والزود والنقصاني
يوم كذ ّبت السناح الأولي وكتابه = كرر الكذبه رفيقن له سناح ٍ ثاني
تابع ٍ خطة عزّيز صايبه ماصابه = كتبهم ممليتن بالزور والبهتاني
طب في البنك القديم ولادخل مع بابه = والسروق اللي سواته يطمر الحيطاني
والرصيد اللي لغيره حوله لحسابه = وقال هذا ورث ابوي ومارثة جداني
لو جدوده كل واحد مايفك ثيابه = اليا حصل بين الجموع مزارق العيداني
في زمانن كل طير ٍ يشبعه مخلابه = والبعض يصبح ويمسي ضامين جيعاني
يوم في نجد اجتلاد ذيابة ٍ وذيابه = ومايريدونه على الله ثم على شاماني
ودورنا معروف في نجد العذي وأعرابه = نحتمي العاني وندقم شوكة القوماني
من تبلته البلاوي يلتجي لعتابه = ويتحدون البلاوي دون حق العاني
من زبنا زابنن له غابة ٍ في لابه = من زبنها تنثني من دونه الذرعاني
من زبنا في وطنا مفلس ٍ طلابه = في حمانا يامن الجاني من الدياني
يوم كون المجمعه قبل اشتباك اصحابه = قبل توضع قدرة الفرسان في الميزاني
من شرب فنجال شيخ مطير سبع الغابه = وواجهه بين الصفوف بساحة الميداني
عقب ماتم التحام جموعنا واحزابه = وطلعه من بين قومه يطرده وحداني
ومنهو اللي فر هارب ودخل البوابه = ولاومن لين اغلقوا من دونه البيباني
وصيب في جسمه بجرح وهيبته منصابه = ومات والشيخ الدويش من الصواب يعاني
وين منضومة حنيف محقبه وحرابه = وين راحت عن مطير وشِيخة الدوشاني
انكشف عن قول مصاص العجم جلبابه = يوم صار مواجه العتبان والمطراني
يوم قومه يشترون وقومي الجلابه = اتضح بعد المواجه منهو الخسراني
ومن حمى خبرا الحور حنا كسرنا نابه = وباع بيع المنسمح وانحاش مع سمحاني
يوم قصة صبة الفنجال والشرابه = من شرب فنجال فارس سربة الصعراني
شربه اللي يوم شافه واجهه ماهابه = ولمسه خشم الفتيل بروغة الاذهاني
يوم صارع فارس الصعران جاه وجابه = وقلطه للطير ابو مخلاب والسرحاني
ومستعد ٍ للنقاش مشافهه وكتابه = كان في المطران رجل ٍ فاهمن عقلاني

صح لسانك يابوصالح

[صنديد العصمه]

الله الله

صح لسان الشاعر كديميس قول وفعل

ولاهنت يا نامي على هذه الرائعه

تقبل مروري,,,,

[فاهم بن العتيبي]

احسنت في الوصف انها صاعقه من الشاعر كديميس العصيمي

[الرتوعي]

من شرب فنجال شيخ مطير سبع الغابـه
وواجهه بين الصفوف بساحة الميدانـي
عقب ماتم التحـام جموعنـا واحزابـه
وطلعه من بين قومـه يطـرده وحدانـي
ومنهو اللي فر هـارب ودخـل البوابـه
ولاومن لين اغلقوا من دونـه البيبانـي

لله درك يابوصالح

تشكر يا نامي على تزويدنا بكل ماهو جديد لكديميس العصيمي

[الاصمعي]

هذي والله الصاعقه الخطيره الله يعافي ابوصالح

[علي عتيبي]

اطال الله عمر الشاعر العلم المبدع / كديميس وبيض الله وجهك يا اخ نامي

[@ المطيري @]

الله يهديكم وانتم ما عندكم غير مطير تتهجمون عليها يكفي جهل ؟

[حاتم عبدالله]

والله اني استغرب منك يالمطيري اللي يقراء اللي تكتبه يقول وش هالجواد واللي يروح للمنتداكم يقول مطير ماغزت الا عتيبه لاومدري كيف بقينا عايشين من كثر ماذبحتوا وصلختوا فينا على الاقل حنا نذكر غزواتنا معكم ومع غيركم وفي الاخير جاي حضرتك تتهمنا بالجهل وانت ابوجهل بنفسه

[نامي]

لاهنتوا ياعتـــيـــبــه



وصحــــــة ابـــدانــــكم



وانتظروني بعد كم يوم إذا اسعفني الوقت إن شــــــــاء الله







دمـــتـــم بحفــظ الله

[الرتوعي]

نامي الحين خصم ابو صالح طول الله بعمره من ؟؟؟؟؟؟؟؟؟؟؟؟