شعراء قبيلة عتيبه الهيلا في الدفاع عن الرسول صلى الله عليه وسلم

[محمد العتيبي]

الله يجزاااكم خير جميع ماقصرتوا ..

وجعل الله ماقمتم به من عمل طيب في ميزان أعمالكم ..

شكرا للجميع ولازلنا ننتظر مساهمتكم

في هذا الموضوع الطيب
..

التوقيع

للتواصل عبر twitter تويتر al_bargawy@

[فواز الدهاس]

نصرة رسول الله واجب علينا=ومن يخذله يبشر بنار الوقيدة
هذا محمـد رحمـة العالمينـا=محدٍ يضره ذي علـوم أكيـدة
هذا امتحان لكل مسلم فطينـا=يبين فعله فالليالـي العديـدة
والله قادر ينصـره بالهوينـا=فالدين والدنيا والأخرى المديدة
ويالحاقدين أهل الحسد والغبينا=بالغيظ موتوا والسنين اللهيدة
ويالدينماركي أسفل السافلينـا=والكفر ملة كل وغد وعقيـدة
حنا بنقطعكم بحلـف ويمينـا=وأحزابكم تبشر بضربة شديدة
ظلمتوا أنفسكم بعـار الجبينـا=وأخطيتوا فحق الرسول الوليدة
أذيتوا أنفسكم سنيـن ودنينـا=ونفوسنا تأبى دروب النقيـدة
فنحوركم غل القلوب الدفينـا=رجعتوا بخف الكفوف الزهيدة
نرأف بحالتكم كسيرة حزينـا=الله يهديكـم أمـورٍ رشيـدة
إسلامنا طيّـب وكلـه حنينـا=ندعوكم لكل الخصال الحميـدة
وقرآننا أفضل كتـاب قرينـا=تسمعوا له فالسنين الجديـدة
ويالشاعر المبدع نصيحة أمينا=جاهد بحرفك قبل يوم الفقيـدة

[محمد العتيبي]

الله الله

فواز الدهاس ... مبدع

صح لسااانك على هذه القصيده الطيبه ياطيب ..

وبيض الله وجهك وبارك الله بك


تحيتي واعجابي
..

[فواز الدهاس]

- أدعو الله أن أكون عند حسن ظنكم .

[د/ نايف العتيبي]

قال تعالى : {إِلاَّ تَنصُرُوهُ فَقَدْ نَصَرَهُ اللّهُ } (40) سورة التوبة

الأخوة الأعزاء / عمر العتيبي و محمد العتيبي

الشعراء الـــكرام ، بارك الله في أعمالكم وأعماركم وأولادكم وأموالكم ..

( من صَدَق الله صَدَقه الله ومن صَدَّقه الله تعالى لم يحشر مع الكاذبين ورجي له أن

يحشر مع الصادقين ،،، وأبشروا بالخـــير )

أسأل الله الكريم بمنه وكرمه وعظيم فضله

أن يسدد سهامكم على أعداء نبيكم وأن ينفع بكم الدين وينصركم به

وأســـأله سبحـــانه أن يكرمكم برضاه وقبول شفاعة نبيكم

فيكم ولا يحرمكم من شراب معه على حوضه على سرر متقابلين يا

رب العالمين ،ووالديكم وأهليكم وأحبتكم أجمعين ونحن معكم ومن

قرأ وانتصر لرسول الله العظيم صلى الله عليه وسلم

الذي لا يصح الإيمان ولا يقبل الدين إلا بالإيمان به ومحبته فوق النفس والولد

والمال والناس أجمعين .

سددكم الله و وفقكم على جهودكم وبارك فيكم ولا غرابة منــكم

أبناء التوحيد وأخوال الرسول صلى الله عليه وسلم .

اللهم صلي وسلم على نبينا محمد ما تعاقب الليل والنهار وما ذكره

الذاكرون وعلى آله وصحبه أجمعين .

التوقيع

[عبد الله@العتيبي@@]

جزاكم الله خيرآ وجمعكم وجمعنا الله مع المصطفى في جنا ت الخلد آمين

[مسفر ابن سلوم]

بسم الله الرحمن الرحيم .


كل الشكر لكل من سعى على ترويج الفكرة وتطويرها والشكر الجزيل للدكتور نايف العتيبي ..

والله يجزاه خير ويجزا كل من سعى على نشر قصائد الرسول عليه الصلاة والسلام أو الدفاع عنه وعن الإسلام ..

فالشعر من غير هذه الاغراض ناقص وصاحبه ناقص ..


إليكم مشاركتي لعل يكتب أجرها ..

إلها ثلاث ايام في فكري وفي صـدري تجـول=قصيدة ن مدري وشنهـي ميـر ربـي جابهـا
اظني أكتبها هجـا فاللـي يسبـون الرسـول=اللي علـى ديـن التسامـح كشـرت بانيابهـا
اهل البقر واهـل الخنازيـر عبـاد العجـول=اللي تدلـل فالبقـر و تراعـي إستحلابهـا ..
يالعنبوكـم ذامحمـد خيـر مـن جانـا يقـول=أن تسلمـوا فقـد سلمتـم يـا أولـي البابهـا
لكنكم طحتوا في وحل الذل واخـس الوحـول=واخزاكـم الله بالرسـوم اللـي نويتونـا بهـا
العاقبة تبـي تجـي هالحيـن ولا بعـد حـول=هـذا وعيـد وكـل نفـس وماجنـت فكتابهـا
لكـن ردّة فعلنـا لازم نهـز ابهـا الخـبـول=افعالنا هـاك الزمـن تاريخنـا يزهـى بهـا
عمر وعم المصطفى حمزة لهم شـان وفعـول=افعالهم تفحـم صـدور اللـي بحـث يقرابهـا
وخالد ابن الوليـد اللـي علـى مجـده ينـول=ماسـل ّ سيفـه للعـدا إلا و جـز ّ ارقابـهـا
والقدس جتنا دون حرب ودون تطبيل الطبـول=جتنـا بعـد ماسلمـوا مفتاحهـا لاصحابـهـا
ياوين تاريخ العرب ياويـن تاريـخ الزحـول=ياوين وقفات الرجـال اللـي تعـز ّ اشنابهـا
راحت وصرنا يالعرب مابين صاحي ومهبـول=أحـد ٍ يثبـت للعـدا وأحـد ٍ يفـك أبوابـهـا
ثم صار يخطب فالعرب جاهل وفي علمه جهول=ويحث الامـه للجهـاد وهـو يريـد إرهابهـا
مانستمع حنـا لسفيـه ولالخبـل ولا مهبـول=اللي يتذرى في عـدوي ذبحتـه أسعـى بهـا
حنا لهينا بين صرّح أو نفى مصـدر مسـوول=الين صارت كـل دولـه تتشتكـي فأحزابهـا
وقصيدنا مابين هزازي وياسـر جـاب قـول=والكـل يعفجهـا بكيـف ولا طـرت غنّابهـا
ياهل الوجيه النيـره يالغانميـن اهـل العقـول=الشـق أكبـر واحتوائـي للقضيـة عابـهـا
هذي قضايا يعجز الشاعر يلاقـي لـه حلـول=لابـد تعـرض للمـلا ويناقشـون أسبابـهـا
المسأله ماني عجـول ولا خجـول ولازعـول=لكن غيور وفي ضميـري جملـة ٍ وإعرابهـا
صلّى الله وسلم على محمـد ولابعـده رسـول=هذا النبي المصطفـى وكـل اليهـود أدرابهـا

وسلامتكم ،

،.
.
.
.
.



مسفر ابن سلوم

آخر تعديل مسفر ابن سلوم يوم 05-Nov-2009 في 10:58 AM.

[ياسر المعلا]

متواضع قصيدة ياسر المعلا العتيبي
مُساهمة متواضعة , لا أنفةَ بها إلا بذكر الحبيب المُصطفى صلى الله عليه ِ و آله و سلم .
مطلع القصيدة :

الله أحد واحد صمد عز الاسلام ..
لم ينولد ولا خذا له صحابه ..
يالله يا معاقب شعوب بالاقوام ..
عاقب عدو المصطفى في شبابه ..

و ما تبقى بـ صوت كاتبها /




ياسر المعلا .

[عمر الدغيلبي]

الله يبيّض وجيهكم جميع

وصحة ألسنة الشعراء

الذين أضافوا قصائدهم إلى الموضوع

وأثابهم الله و جزاهم الله خيرا

احترامي

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[ابورازن فالمريخ]

صح السان الشعراء
وبيض الله وجيهم