رد الشاعر \ كديميس العصيمي على قصيدة الخس التي القاها في برنامج شاعر العرب

[نامي]

من يبي الإنصاف لايقصد رواسي = منبراً مسلوبة ٍ منه الحقيقه
العداله مالها بأرضه مراسي = والضلاله في المنصه والحديقه
والإداره وضعها غير متواسي =ولجنة التحكيم كلن مع رفيقه
صفوا الشعار من فوق الكراسي =وقتهم يحسب عليهم بالدقيقه
وصوتوا حسب النظام الدبلوماسي = وكل شاعر لاقصد يعطى وثيقه
والذي قدم على كل الجناسي =لاهو اطيبهم ولا امثلهم طريقه
قدموه بموجب الأمر الرئاسي =وحققوا له مركزن صعب اتحقيقه
وقال هذا هو قصيدي واقتباسي= وقام ينكث فالهناديب العتيقه
وصار في بعض العلاقات التماسي =والتماس السلك يبعث له حريقه
وان نظرنا فايل الخس الأساسي =له سوابق تفضح الخس وتعيقه
لا شجيع ولا كريم ولا سياسي =ولا يفرج عن رفيقه يوم ضيقه
ماذكر له موقف ٍ يجلى العماسي =وله مجال ٍ فالطواريق الرقيقه
الهوى والغي منهجه الدراسي =كم طويل ٍ مع هوا نفسه يويقه
وياصف الأجساد من تحت اللباسي = ياصف اجساد الهويه والصديقه
وفالمجابه والقسى ماهوب قاسي =لياتلاطمت الحجج يشرق بريقه
ويوم جاته من بعيدين المماسي =انحنى كنه يوايق في خريقه
علموه بقول مرشد كان ناسي = يوم سقط له خوابير ٍ عميقه
قال له ياابن خلف راسك وراسي =والوعد قدام والغبه غميقه
استعد لرجل راسه مايراسي = وان حداك الخوف جنب عن طريقه
وصار فالخس انكماشه وانتكاسي = وفضل الذله على ردت وسيقه
وشاعر المطران صلح له اركاسي =واحتمى الضلع المسمى مع فريقه
ولبسه بشت ٍ مفصل بالمقاسي =لو يموت الخس ورثه لشقيقه
وش يريد الخس لحاس التباسي = وش عليه من البحر والا غريقه
مايقول القول عن دافع حماسي =مقصده شي ٍ يحطه فالعليقه
لا حصل له مدت ٍ لو هي طفاسي =حطها فالمحفظه مدري بريقه
والمنافق دايما ً خاسر وخاسي = لو تظاهر بالعفاف عن السريقه

[محمد السيحاني]

لاهنت يا نامي

[ابو سعد الدلبحي]

صح لسان الشاعر العلم كديميس



ولاهنت يالغالي على النقل

[ابو زايد العتيبي]

بيض الله وجه الشاعر وبيض الله وجه اللي نقلها

[سلطان نايف العضياني]

صح لسان الشاعر الكبير/كديميس العصيمي
وقصيده أظهرت لنا خوافي لم نكن نعلمها!!!!!!!!!!!!

[سلـطـان]

والله كفيـت ووفيـت يا كديميــس



..

وان نظرنا فايل الخس الأساسـي له سوابق تفضح الخس وتعيقـه
لا شجيع ولا كريـم ولا سياسـي ولا يفرج عن رفيقه يوم ضيقـه
..

بيتين من كديميس تضيــع سمعه الخــس


وتــضــعـــه في الــحــضــيـــض


تحياتي لكـ

أخوكـ:سلـطـان

[محمد العتيبي]

الله الله الله

صح لسان القوه العظمى
الشاعر العلم/ كديميس بن صالح العصيمي العتيبي ..
قصيده كل بيت منها مثل السم الذحاح ..
يهديها شاعرنا لبرنامج رواسي عموما والخس بالأخص ..

نامي
سلمت يداك على النقل الجبّار
وتحيتي لك ..

التوقيع

للتواصل عبر twitter تويتر al_bargawy@

[ضاامي وفااا]

بيض الله وجهك وعساك على القوة

[حمـد المقاطي]

يعطيك العافيه

وما قصرت

وصح لسان الشاعر الكبير

كديميس بيض الله وجهه

التوقيع

بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !! سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!

[نواف العصيمي]

الله الله صح لسان الشاعر كديميس

التوقيع