--------------------------------------------------------------------------------
اعضاء وزوار منتديات عتيبه الهيلا الكرام اسعد الله اوقاتكم بكل خير اصافحكم بهذه الابيات واتمنى ان تنال استحسانكم
عامين مرت وأنت هذي سواياك=تجرح ضـــــــميــراً للــمحـبه يناديــــــــك
يومك جريح القلب جالك وداواك=يوماً جرحك داخل القلب مشقيــــــــــك
واليوم تتركني بجرحي وماقساك=قاسي ولا ادري وش هو اللي مقسيك
ماتدري اني تاركاً ذاك مع ذاك=بايع جميع الناس لاكن شاريــــــــــــــك
أنت الذي حبيت يازين وأهواك=أهواك ياللي ساكناً قلب مغليــــــــــــك
وأنت الذي فالقلب صبحك وممساك=أصبحك في كل يوماً وأمسيــــــــــــــــك
وأنت الذي دايم وانا اجيب طرياك=في كل يوماً لازم اني اطريـــــــــــــــــك
وأنت الذي ممشاك يازين ممشاك=بالذات لامن صرت جنبي واماشيـــــك
وأنت الذي حكيك يسلي وشكواك=تشكي واحاول دايم اني اراضيـــــــــك
مدري وش اوصف عديدة مزاياك=حالي بطبعك والله اللي محليـــــــــك
أكتبك قصة ياغلا الروح وأقراك=واكتبك بحروف القصايد وأغنيــــــــــــك
لوغبت عن عيني ترى ماقدر أنساك=مابغى غيابك جعل ربي يخليــــــــــك
أبغاك جنبي مقبل الوقت وأبغاك=تبقى معي مادامني ميتاً فيــــــــــك
هذا أختصار القول يازين قد جاك=لب الندا مادام كلي مناديــــــــــــــك
« آخـــر الـــمـــشـــاركــــات »
19-Jun-2011, 02:45 AM
قصيدة بعنوان انت الذي حبيت
العرض العادي
