ناصر الفراعنه ( من قصر برزان شمر الى قصر الدويش)

[مطر العبدلي المطيري]

ناصر الفراعنه ( من قصر برزان شمر الى قصر الدويش)


يا بعد خضبات الايـدي وقانيـة النقـوش
.......... والله اني لك خطير لاطيـر بـدون ريـش

وا عنا روحي ويا حوش قلبي منك حـوش
.......... حوش ذودٍ حاشه الجهر وإلا أبرق نفيش

من هنوفٍ ما ملوا عينها أصحاب العـروش
.......... حتى لو هم بدّلوا عرشها الفاخـر عريـش

جادلٍ لا مِدْح أبوها من السكره تشـوش
.......... لين يضرب عاشق البيض شيشٍ جنب شيش

كنْ بصدري فرخ طيرٍ من الصوت مخـروش
.......... يوم يطرون اسمها لـوّ أنـا مانـي خريـش

أو بصدري كنْ جماهير شعبٍ بإسم (بـوش)
.......... صوّتت وبصوت واحد تـردّد : فليعيـش

غادةٍ في الضلع الاحمر تروش الـروح روش
.......... للخوافق من لهب حبهـا الطاهـر وقيـش

أربعي من وجد حالي عليها اربع وحـوش
.......... الأوادم في ونَس وآنا فـي قفـرٍ وحيـش

يا صباح الخير يا ضحكة الوجه البشـوش
.......... لوّ جرّة ضحكها في الحشا جــرّة حنيـش

فتنةٍ من سوق (رنية) إلى سوق (الحبـوش)
.......... ومن قصر (برزان شمّر) إلى قصر (الدويـش)

حالفٍ لعيونها إني لأمـوش العظـم مـوش
.......... موش ريح الصيف باقي شجر وادٍ هشيـش

من بهاها صاح (عجران) عند (ابن مخشوش)
.......... في فؤاده ضمّـر الخيـل غاديـةٍ طشيـش

كلّ شيْ بالمختصر في هذيك البنت خـوش
.......... خوش زين وخوش عقل ولا في البنت طيش

لو جمعنا الزين زين أرض فارس والحبـوش
.......... زينهم مع زينها ما كلا يـا نـاس عيـش

كنّ فوق عيونها في هدب سـود الرمـوش
.......... من جيوش الغرب جيش تقدّم خلف جيش

يا سبيب عبيّةٍ إسمها الأصلـي (كـروش)
.......... يا جديلٍ فوق الامتان غادي لـه وريـش

مثل ساري ليلةٍ بأبيـض الصبـح مغبـوش
.......... وصف مجدولٍ بيدها مع الغبشـات هيـش

والخدود أصفى من الزبد ما فيها خـدوش
.......... لو توارت ما لها إلا قمـر نصـفٍ دقيـش

كنّ عارم صدرها من احمر الثوب بيطـوش
.......... ليتنـي فوقـه واهدّيـه ملعـون الحريـش

في علوّ الصدر نهديـن غاذيهـا الرشـوش
.......... ليت من صدره عليها وقف وقفة شويـش

يـا نهـودٍ غازلتهـا مُذَهَّبـة الـقـروش
.......... كلّ نهد بوقفته تقل مـن سـادة (قُرَيـش)

وكنّ عاتر ردفها الضخم يوم اقفت يهـوش
.......... فيه من عترة قطا مهـرةٍ ماهـي كديـش

ولّ ردفٍ يوم ناشه حرير الثـوب نـوش
.......... فزّ ثمّ اهتـزّ كنّـه بنـاب الـداب نيـش

يا زعول اردوفها ليه ششت الثوب شـوش
.......... ما خبرنا ثوب عذراً قبل هاليـوم شيـش

ولا اخبر به ردف من ضيّق ثيابـه يكـوش
.......... لا صفق وركٍ بـوركٍ سمعنا لـه وشيـش

قلبي اللي من عراويه يـا نـاس محشـوش
.......... من هوى غادة (غداةُ غدٍ) غيـداً وغيـش

ما ملوا عين الكحيلة من اهل الغوش غوش
.......... غير ابن قرمٍ إلى قام ما هـوب ابـن تيـش

يا طروشٍ وجّهت صوب نجدٍ يـا طـروش
.......... بأيش اجازيكم إلى جيتوا المجمـول بإيـش

عن لساني بلّغوها تـرى القلـب مْعـروش
.......... عرش حنّان الدبا في غصون ارضٍ نشيـش

كان نقبي يا جميلـه طلـع علـى فشـوش
.......... عيشتي في تالي الوقت يا حلوه على ايـش

في هواك أصبحت كني مع الناس مغشـوش
.......... إثر في غيبويـة الحـبّ غيبوبـة حشيـش

لعنبوك استغفري لي إلى جـوك الطـروش
.......... عن قصيدٍ ما ذكرتـه ولا تقوليـن ليـش

لو نبيّن ما ورا الصدر مـن شـيٍّ يجـوش
.......... كان بأكثرنا بيمدي جليـد المـاء يجيـش


( منقوووووووول )

[محمد الذيابـــي]

لاهنت يالعبدلي على الطرح الجميل

التوقيع

التوقيع محمد الذيابـــي

[مطر العبدلي المطيري]

تشرفت بمروك

[العرمـــ(صومالي)ــلي]

يا زعول اردوفها ليه ششت الثوب شـوش
.......... ما خبرنا ثوب عذراً قبل هاليـوم شيـش

ولا اخبر به ردف من ضيّق ثيابـه يكـوش
.......... لا صفق وركٍ بـوركٍ سمعنا لـه وشيـش
((امشش يالفراعنه ياخطير))

اش هذا يالفراعنه؟؟
هاهاهااااااااي
الفراعنه اذا اخربها اخربها نفس او قريب من ذا الكلام هوو اللي ورطه
مع حمد السعيد يووم قال اتووقع :

اعوذ باللله نسيتها اهم شي فيها ((ردف راس مالي وخصر اشتراكي)) والشطر الثاني نسيته ..
وصف وصف حلووو وحمد السعيد كان قصده يعني مفرووض ماتقوولها لان الجنس الناعم قاعد
يتفرج ومفروض ما يسمعون زي كذا ...

لاهنت على النقل الجميـــــــــــــــــل...

[العرمـــ(صومالي)ــلي]

يا زعول اردوفها ليه ششت الثوب شـوش
.......... ما خبرنا ثوب عذراً قبل هاليـوم شيـش

ولا اخبر به ردف من ضيّق ثيابـه يكـوش
.......... لا صفق وركٍ بـوركٍ سمعنا لـه وشيـش
((امشش يالفراعنه ياخطير))

اش هذا يالفراعنه؟؟
هاهاهااااااااي

صح لسانك يالفرااعنه..

الفراعنه اذا اخربها اخربها نفس او قريب من ذا الكلام هوو اللي ورطه
مع حمد السعيد يووم قال اتووقع :

اعوذ باللله نسيتها اهم شي فيها ((ردف راس مالي وخصر اشتراكي)) والشطر الثاني نسيته ..
وصف وصف حلووو وحمد السعيد كان قصده يعني مفرووض ماتقوولها لان الجنس الناعم قاعد
يتفرج ومفروض ما يسمعون زي كذا ...

لاهنت على النقل الجميـــــــــــــــــل...

[ثنيان المطيري]

لاهنت على النقل

[هاجس الشعر]

يـا نهـودٍ غازلتهـا مُذَهَّبـة الـقـروش
.......... كلّ نهد بوقفته تقل مـن سـادة (قُرَيـش)



كنّ عارم صدرها من احمر الثوب بيطـوش
.......... ليتنـي فوقـه واهدّيـه ملعـون الحريـش
مع احترامي لصاحب الموضوع لكن الابيات فيها اسفاف وابتذال للشعر الغزلي
وفيه ابيات عيب تقال
غزل ممسوخ وليس فيه اي عذوبه وعذريه