الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > المحاورات المنقولة الكتابية والأراء النقدية

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 07-Apr-2012, 12:32 PM رقم المشاركة : 1
معلومات العضو
مجري الهياب
عضو فعال
إحصائية العضو





التوقيت


مجري الهياب غير متواجد حالياً

افتراضي ابن شايق و ملفي المورقي 2012 ؟؟ واسقاطات خطيرة !!

محاوره قويه جداً بين هرمين من اهرام شعر المحاوره


عبدالله بن شايق + ملفي المورقي


هذه المحاوره قبل اسبوعين تقريباً في اليخت بتاريخ 28 / 4 / 1433 هـ عند قبيلة ال فهاد من يام


بحضور فلاح القرقاح و سفر الدغيلبي

وكانت المحاوره فيها اسقاطات خطيرة و نديه قويه



:


ابن شايق



هلا يا مرحبا في حفل يام و كلبونا يام ** ويشرفني بعد لا قلت انا يامي و فهادي
ترى يام محلف قحطان مثل مضيم ما تنضام ** ياملفي حلف يام المجد مع شالح و بن هادي



ملفي المورقي



يدوم الك البقا لو كان حصلنا القبول شمام ** لقينا قبلك اللي يكثر الترحيب و ينادي
انا دارى انكم وجه محلف من ماضي الايام ** تراك مع الطريق الصح لا تايه ولا غادي



ابن شايق



انا اللي شق لك نور الطريق و زحزح الأظلام ** وصرت الرقم الأول منت لا عاشر ولا حادي
وبمكانك تقول انك قديم محطم الأرقام ** فلا انته بالوحيد الا معك تسعين جحادي



ملفي المورقي



ترى هاذي سوات الناس احد يرجع واحد قدام ** لاكن الليله الميدان ميعادك و ميعادي
لو انك قلت هاذي ياوسيع العرف ما تنلام ** تناظرني براس الضلع و انته فاسفل الوادي



ابن شايق



تحلم يا ولد مزيد ترى كل الحياه احلام ** تقول الناس صياد الفهود الصبح ينصادي
ما دام ان الكلام ابلاش والدنيا رخاء و انعام ** لا تستغرب ليا شفت الرديف ايدور اشدادي



ملفي المورقي



انا اوحي لك يابن شايق سوالف من زمان العام ** ماغير اتبثها في شاشة التلفاز و الرادي
تعرف الذيب يلقى فرصته يوم العباد انيام ** من اهل الغرب ولا من هل البصره و بغدادي



ابن شايق



ياكم فارس عنيد و رافعن خشمه و فيه عرام ** يطيح اعناد راسه فالثرى لا جرب اعنادي
دريت ان اضعف الاكراد هو اللي شنق صدام ** ولولا الزود يا صدام ما صدوك الاكرادي



ملفي المورقي



مادام ان الجمل بعد الهدير اصبح عصب و عظام ** ترى ما عاد يحمل غير به خرجين و شدادي
اله مده بحر جده مصاحب شاطي الدمام ** وبن شايق يسير بينهن سرداد مردادي



ابن شايق



انا يالمورقي مالي دخل بين اليمن و الشام ** حصاتي نجد و امشي في ديار الناس الاجوادي
اذا كان القصايد فن و ابداع وذكئ والهام ** انا شاعر مميز وانت اضنك شاعرن عادي



ملفي المورقي



اقول اصبر على دارن حصاها يحفي الاقدام ** عتيبه واقفين بشلفهم في كل مرصادي
انا اقول التميز راح وقته وانتهى ما دام ** لاكن ارتح حفظك الله على دله و برادي



ابن شايق



اقول و نعم يا عتيبه لاكن قحطان سبع انعام ** ترى حنا قطعنا روسكم و اجحد يا جحادي





.
.
.


من صدام المقصود فالمحاوره ؟ ومن الاكراد ؟


(( لا تستغرب ليا شفت الرديف ايدور اشدادي )) هل المقصود في هذا الشطر شاعر محاوره غير متواجد في الحفله نفسها ؟؟!


وبحر جده و شاطي الدمام ؟؟


ياليت الكل يعطينا رايه و تفسيره

ولي عوده بعد ما اسمع مشاركاتكم

وهاذي المحاوره فديو



http://www.youtube.com/watch?feature...&v=QtZXkcUq6Jk















آخر تعديل مجري الهياب يوم 07-Apr-2012 في 12:39 PM.
رد مع اقتباس
غير مقروء 07-Apr-2012, 01:33 PM رقم المشاركة : 2
معلومات العضو
فهيد الايدا المورقي

مشرف منتدى الصحافة

إحصائية العضو






التوقيت


فهيد الايدا المورقي غير متواجد حالياً

افتراضي

هلا يا مرحبا في حفل يام و كلبونا يام ** ويشرفني بعد لا قلت انا يامي و فهادي
ترى يام محلف قحطان مثل مضيم ما تنضام ** ياملفي حلف يام المجد مع شالح و بن هادي


بدا ابن شايق بالترحيب في محل يام وذكر ان القحاطين محالفين يام من وقت شالح بن هدلان

ومحمد بن هادي



يدوم الك البقا لو كان حصلنا القبول شمام ** لقينا قبلك اللي يكثر الترحيب و ينادي
انا دارى انكم وجه محلف من ماضي الايام ** تراك مع الطريق الصح لا تايه ولا غادي


ملفي رد وقال انا لقينا الترحيب الطيب من قبلك من قبيلة يام واللي ذكرته عن حلف يام


وقحطان صحيح



انا اللي شق لك نور الطريق و زحزح الأظلام ** وصرت الرقم الأول منت لا عاشر ولا حادي
وبمكانك تقول انك قديم محطم الأرقام ** فلا انته بالوحيد الا معك تسعين جحادي



هنا يقوا ابن شايق انه هو اللي فتح الطريق لملفي المورقي حتي اصبح شاعر في المقدمه


واذا كان جحد ملفي هذا الشي ماهو هو لحاله اللي جحد غيره كثير



ترى هاذي سوات الناس احد يرجع واحد قدام ** لاكن الليله الميدان ميعادك و ميعادي
لو انك قلت هاذي ياوسيع العرف ما تنلام ** تناظرني براس الضلع و انته فاسفل الوادي


ملفي قال هذه سوات الشعار يحد ينجح ويستمر واحد يطيح مستواه لكن الليله ورني فعلك

وانا مالومك لانك يابن شايق تشوفني في المقدم وانت بقيت على مستواك




تحلم يا ولد مزيد ترى كل الحياه احلام ** تقول الناس صياد الفهود الصبح ينصادي
ما دام ان الكلام ابلاش والدنيا رخاء و انعام ** لا تستغرب ليا شفت الرديف ايدور اشدادي


هنا يقول ابن شايق انك تحلم انك تبقي في الصداره ولابد من يجي يغطي عليك


في هذا العصر الذهبي والزخم الاعلامي




انا اوحي لك يابن شايق سوالف من زمان العام ** ماغير اتبثها في شاشة التلفاز و الرادي
تعرف الذيب يلقى فرصته يوم العباد انيام ** من اهل الغرب ولا من هل البصره و بغدادي


ملفي يقول يابن شايق علومك تاصلني انك تقول انا اللي طلعت ملفي في بدايتها


ولكن الذيب اذا لقي فرصه مايفوتها




ياكم فارس عنيد و رافعن خشمه و فيه عرام ** يطيح اعناد راسه فالثرى لا جرب اعنادي
دريت ان اضعف الاكراد هو اللي شنق صدام ** ولولا الزود يا صدام ما صدوك الاكرادي


ابن شايق يقول انت ياملفي تعاند لكن انا اعند منك والكبر والغطرسه هي اللي طرحت


صدام وانت متكبر ومتغطرس ورايح يرجع مستواك



مادام ان الجمل بعد الهدير اصبح عصب و عظام ** ترى ما عاد يحمل غير به خرجين و شدادي
اله مده بحر جده مصاحب شاطي الدمام ** وبن شايق يسير بينهن سرداد مردادي


ملفي يقول انت يابن شايق طاح مستواك ولاعاد عندك ماتقدمه واصبح شغلت تمتر


الخطوط بين جده والدمام



انا يالمورقي مالي دخل بين اليمن و الشام ** حصاتي نجد و امشي في ديار الناس الاجوادي
اذا كان القصايد فن و ابداع وذكئ والهام ** انا شاعر مميز وانت اضنك شاعرن عادي

ابن شايق يقول انا من اهل نجد ولا اطلع من نجد دايم في دير الاجواد


وان مازلت محافظ على مستواي ومازال عندي الكثير وانت ماعندك شي


اقول اصبر على دارن حصاها يحفي الاقدام ** عتيبه واقفين بشلفهم في كل مرصادي
انا اقول التميز راح وقته وانتهى ما دام ** لاكن ارتح حفظك الله على دله و برادي


ملفي يقول خلك يابن شايق في الجنوب ونجد مانت قادر تطبها قدامك العتبان


وانت يابن شايق انتها وقتك بس تريح في بيتك















التوقيع
حسابي في تويتر


faheed_1234
رد مع اقتباس
غير مقروء 07-Apr-2012, 06:33 PM رقم المشاركة : 3
معلومات العضو
منصف في زمن الظلم
موقوف لمخالفة الأنظمة
إحصائية العضو






التوقيت


منصف في زمن الظلم غير متواجد حالياً

افتراضي

محاوره قويه جدا
واظن والله اعلم
ان ابن شايق تطرق للقرقاح او للهاجري















رد مع اقتباس
غير مقروء 07-Apr-2012, 11:10 PM رقم المشاركة : 4
معلومات العضو
عزارم

رابطة محبي الهيلا


الصورة الرمزية عزارم

إحصائية العضو






التوقيت


عزارم غير متواجد حالياً

افتراضي

فهيد الايداء مانت بسيط هههههههه

كفيت وفيت ولاهان ناقلها


وبالانتظار















رد مع اقتباس
غير مقروء 08-Apr-2012, 02:20 AM رقم المشاركة : 5
معلومات العضو
مصر
عضو فعال
إحصائية العضو





التوقيت


مصر غير متواجد حالياً

افتراضي

فهيد الايدا .. أبدعت















رد مع اقتباس
غير مقروء 08-Apr-2012, 02:31 AM رقم المشاركة : 6
معلومات العضو
فهيد الايدا المورقي

مشرف منتدى الصحافة

إحصائية العضو






التوقيت


فهيد الايدا المورقي غير متواجد حالياً

افتراضي

حنا ننتظر ابو فايح لنسمع وجهة نظره في المعني















رد مع اقتباس
غير مقروء 08-Apr-2012, 02:42 AM رقم المشاركة : 7
معلومات العضو
ابو زيد
عضو
إحصائية العضو





التوقيت


ابو زيد غير متواجد حالياً

افتراضي

فهيد الايداء جبتها صح المعنى هو لي تطرقت له بيض الله وجهك















رد مع اقتباس
غير مقروء 08-Apr-2012, 03:30 AM رقم المشاركة : 8
معلومات العضو
محمد بن سمار الحنان
موقوف لمخالفة الأنظمة
إحصائية العضو






التوقيت


محمد بن سمار الحنان غير متواجد حالياً

افتراضي

مؤيد لفهيد المورقي















رد مع اقتباس
غير مقروء 08-Apr-2012, 03:37 AM رقم المشاركة : 9
معلومات العضو
قاسي العتيبي
عضو ماسي

الصورة الرمزية قاسي العتيبي

إحصائية العضو






التوقيت


قاسي العتيبي غير متواجد حالياً

افتراضي

مجري الهياب مشكور على النقل
فهيد المورقي بن شايق هو الذي فتح الطريق لملفي المورقي هذا غير صحيح
ملفي المورقي في بداياته شجعه مطلق الثبيتي رحمه الله وليس لأبن شايق على ملفي أي فضل
وقد عرفه الجمهور قبل أن يشتهر بن شايق















رد مع اقتباس
غير مقروء 08-Apr-2012, 03:49 AM رقم المشاركة : 10
معلومات العضو
محمد بن سمار الحنان
موقوف لمخالفة الأنظمة
إحصائية العضو






التوقيت


محمد بن سمار الحنان غير متواجد حالياً

افتراضي

اللي اعرفه ان اخو دعجه وملفي وابن شايق مغضوب عليهم علي ايام العمالقه


حتي في بيت لملفي رد علي حبيب في مزاين الهيلا

توصيني الليله وانا العام اوصيك = والحين ياحبيب مبالك وصيه















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »09:21 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي