قصيدة ضيف الله بن تركي بن حميد يرثي اخاة

[بدر بن قرفان]

السلام عليكم ورحمة الله وبركاتة

هذة القصيدة لضيف الله بن تركي بن حميد يرثي بها اخاة عبيد بن تركي
بن حميد الذي قتل من قبل قحطان
وحدث ان عبيد قد قتل فارس(ن) من فرسان قحطان واسمة ذيب بن شالح
بن هدلان ويلقب بالفديع
وقد اغار القحاطين على الحمدة وقتلوا عبيد
فقال ضيف الله هذة القصيدة متوعدا قبيلة قحطان ومحرضا الامير محمد بن
هندي بن حميد على الثار

فقال....



يااونتي ونة كسير الجبارة****الى وقف ماحتال وليا قعد ون

عليك ياشباب ضو المنارة****عليك ترفات الصبايا ينوحن

من مات عقب عبيد قلنا ودارة****لاباكي عقبة ولاقايل(ن)من

تبكيك صفر(ن)البوسها غيارة****تبكيك يوم ان السبايا يعنن

وتبكيك وضح(ن) ربعت بالزبارة****اليا قزن من خايع مايردن

الخيل عقب عبيد مابة نمارة****وش عاد لو راحن وش عاد لو جن

ياشيخ ماتامر عليهم بغارة****كود الجروح الي على القلب يبرن

يقطع صبي(ن)ماينادي بثارة****الى اقبلن ذولي وذوليك قفن

ياهل الرمك كل(ن)يسعف مهارة****والمنع مانطرية لاهم ولا حن


فاجابة شالح بن هدلان بقولة:

ضيف الله اشرب ماشربنا مرارة****اصبر وكنك شالح(ن)يوم حزن

راح الفديع الي علينا خسارة****واخذ قضاة عبيد حامي ثقلهن

يمنى رمت بة ماتجيها الجبارة****الي رمت بعبيد في معتلجهن

من نسل ابوي وضاري للشطارة****يصيب رمحة يوم الارماح يخطن

وعبيد خلي طايح(ن)بالمعارة****علية عكفان المخالب يحومن

وعاداتنا بالصيد ناخذ خيارة****ثلاثة الجذعان غصب(ن)بلا من

ياقاطع الحسى ترى العلم شارة****ولابد دورات الليالي يدورن

حريبنا كنة رقيد الخبارة****خطر(ن)علية اليا توقظ من الجن

ماني بقصاد(ن) بليا نمارة****اجدع نطيحي بالسهل وان تلاقن

ومن حل دار الناس حلوا ديارة****ولابد ماتسكن ديارة ويغبن

ومن شق ستر الناس شقوا ستارة****ومن ضحك بالثرمان يضحك بالاسن

وان كان ضيف الله يسعف مهارة****فمهارنا من عصر نوح يطيعن

تدنا لصبيان(ن)سواة النمارة****شهب(ن)لماضين الفعايل يعنن

وسلامتكم....