قصيده انصرت العروبه وما يقومون به الدنمركيين من حماقه لرسول الامه صلى الله عليه وسلم

[محمد بن قميشه النفيعي]

لو ان خالد حـي والا عمـر حـي=محدن تجـرأ للرسـول ابشتيمـه
لكنهـم يـدرون ماعندنـا شــي=كبيرنـا همـه مقابـل حريـمـه
هذا زمان المهزلـه واهـل الغـي=غابت رجولتنـا وشاخـت حليمـه
كلن رضى عن شمس الامجاد بالفي=عن ذلنا ماعـاد بالنفـس شيمـه
جروحنا ماعاد ينفـع بهـا الكـي=وحنا نقـول ان العواقـب سليمـه
نضرب ونضرب في قفانا ومن عي=ارذل بشر يجرأ علـى هالجريمـه
ذنوبنـا بأرقابكـم ياهـل الحـي=باكر يحاسب كل شعبـن زعيمـه
الليل طول ماحصل يشـرق الظـي=فجرن تأخر عقب مـااذن عتيمـه
ماتت غصون المجد من قلة الـري=تلعب عواصيف الهبوب ابهشيمـه

[محمد بن قميشه النفيعي]

اتمنى تفعيل المقاطعه

فالغرب يضرب في الصميم بلا استحاء ولا اعتبار

وما نحنو به من ذل لا يتعدى اننا استنزفنا عروبتنا في غير محلهاا

اللهم اخسف بهم وارنا عجائبك فيهم

المقاطعه ولا غير المقاطعه

فآقسم بالله انى من الرسوم السابقه لحد اعداد هذه المشاركه وانا

مقاطع فهل انتصر نا لرسولنا المصطفي عليه السلام بأبسط الطرق او

اننا لم نعر للموضوع اي اهتماام اللهم اني بلغة اللهم فشهد

[محب الهيلا]

مشكور وماقصرت

[البارع]

محمد النفيعي...قصيده رغم قصرها الا انها في الصميم والبيت

الاول عن 100 بيت وبدون مجامله وهذا الحق والمقاطعه اقل شي

يقدم نصرة للحبيب صلى الله عليه وسلم واقل شي نفعله في زمن الذل

الذي نعيشه.....وناس ماتقدر تترك حليب وجبنة بقره عسااااااها

ماتشبع.............اشكر غيرتك يااخي الكريم وتحية اكبار لشخصك

الكريم.....

[الجمل العدواني]

اللهم أجعل كيدهم في نحورهم ...
ولا هنت و صح الله لسانك يا النفيعي و ما يجي منك إلا الطيب

[مرزوق حمدان العتيبي]

..
.
صح لسانك ... يامحمد .. والله يثيبك على غيرتك ..
.. بابي انت وامي يارسول الله ..
.. نسأل الله جلا في علاه ان يبرم لهذه الامة امر رشد ..
واسأله تعالى ان ينتقم لنبيه .. وان يرينا في هؤلاء القرده عجائب قدرته.
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد بن قميشه النفيعي]

محب الهيلا

البارع

الجمل العدواني

مرزوق حمدان العصيمي

مشكورين على هالتفاعل وصدقوني بدوم مقاطعه ماراح تاصل الرساله

تقبلو تحياتى

محمد بن قميشه

[قادح شرار]

أبو قميشة : والله يا خوك ما بيدنا غير المقاطعة وأبشرك أنا مقاطعهم

من الأولة . وياليت باقي العالم يصير عندهم غيرة على دينهم وعلى سيد

الأمة وخاتم الأنبياء والمرسلين نبينا محمد صلى الله عليه وسلم .




تشكر على هالقصيدة الرائعة.


أخوك/قادح شرار.

[أبو نجر النفيعي]

..
محمد بن قميشه ..

صح لسانك مليووون على هالقصيده .. اللي تدل على غيرتك على دينك ..

وبيض الله وجهك ..


أخوك

التوقيع

.....

[هايل الهيلا]

لون خالد حي ولا عمر حي = محدن تجرى لرسول ابشتيمه

صح السانك ويعطيك الله العافيه

على المشاعر النبيله


تجاه صفوة الخلق صلا الله عليه وسلم

وهذا اقل ماننصره به


والله انصره فوق الارض

وناصره تحت الارض

وتقبل تحياتي

آخر تعديل هايل الهيلا يوم 18-Feb-2008 في 10:34 PM.