سفر الدغيلبي وصقر سليم ودلة حنيف

[قاسي العتيبي]

طاروق من ضمن حفلة بن دغيثر كان في صيفية العام الماضي 1433

سفر الدغيلبي
هلا يامرحبا وعتيبة الهيلا سوات السيف
وحد(ن) من حدوده مع مطانيخ الشيابيني
وكل(ن) يعرف ابن دغيثر اللي مايبا تعريف
مجمل ربعه العتبان في كل المياديني

صقر سليم
يدوم لك البقاء في حفل قوم(ن) يكرمون الضيف
سمعت بطيبهم واللي سمعته شافته عيني
فعول ابن دغيثر كلها تشهد لها العريف
نعرفه من بني مشيب مقررت الموازيني

سفر الدغيلبي
نبا نآخذ علوم المنتخب ياللاعب الحريف
وإذا ماناسبت مايتفق دينك على ديني
تباها فالشتاء وألا نعجلها معك فالصيف
تحيزم واعتبرني واصلك لو ماتناديني

صقر سليم
علوم المنتخب زينة ولا في صفنا توقيف
تباها واضحة وألا تباها بينك وبيني
نبا نعرف جميع أوضاعكم عقب اجتماع جنيف
على ماقيل ماللحبحبة غير السكاكيني

سفر الدغيلبي
أنا عندي طبيعة ما أقبل التهديد والتخويف
وأبا أفرق شملكم ياصقر كان الله محييني
تجمعنا وقررنا نقفل مكتب التوظيف
ولو إنه مخصص للفقارى والمساكيني

صقر سليم
وأنا عندي طبيعة ما استمع فالزور والتزييف
مادام إنه كذا بنهي سفر قدام ينهيني
كبار علومكم وقلوبكم يبغى لها تنظيف
لكن الخاتمة مافي شهار ألا المجانيني

سفر الدغيلبي
أحسب إنك صقر وأثرك دلة من دلال حنيف
لو أشربها وأنا ضرمان لايمكن تقهويني
وحنا طيبين الغاية أهل الكار وأهل الكيف
ولا ننقز على العربان من روس الضلاعيني


صقر سليم
وألا ياليت وليا إن العقول يفيدها التسليف
تسلف لك ثلاث عقول من عند القحاطيني