قصيدة شكر وعرفان في الشيخ مسعد بن سمار نيابةً عن اهالي محافظة الدوادمي*

[خلف محماس العصيمي]

قالو خبر منقول عبر الرسايل
قلت اخبروني بلخبر يعسى*خير
قالو هديه ضافيه للقبايل
للي سكن داورد حشمه وتقدير
من راس ابن سمار وافي الخصايل *
أليا خسر ماهوب يدرا *المخاسير
عمد قناته في جميع الوسايل
تنقل خبر داورد من دون تقصير
شيخً من عتيبه فعوله دلايل
عساه يسلم من جميع المقادير
عمود من عمدان نجد القلايل
لاجا نهار فيه عج ومعاصير
وركبو على قب المهار الاصايل
جده وابوه يجابهون ألطوابير
عندي على مدحه ثبوت ودلايل
ماني من يمدح على غير تبرير
الفعل طايل وابيض الوجه طايل
كفه كرم حاتم وفعله كما الزير
كفيت ثم وفيت يابا الجمايل
لعل تحت اخطاك كل المعاثير
وصلاه ربي عد وبل الهمايل
على نبيً وضح الشر والخير


الشاعر : خلف محماس العصيمي*

[فهيد الايدا المورقي]

يستأهل ابن سمار المدح


خلف العصيمي صح لسانك


تحيتي

[راشد النفيعي]

يستاهل المدح ولاهي غريبه عليه من بيت مشيخه واهل واجب

صح لسانك يالعصيمي

[سعد بن مطلق المقاطي]

صح لسااااانك ياخلف ومن حصل شي يستاهله واللي مدحته كفو كفو قول وفعل

التوقيع

ديــــــــــــــــواني

[العــــــــابر]

صح لسانك ياخلف

وابن سمار يستاهل

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[ابو حاتم الموج]

صــح لسانك يامبدع .. على هذه الابيات الطيبة