الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات العامة > منتدى أخبار القبيلة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

 
 
أدوات الموضوع انواع عرض الموضوع
غير مقروء 20-Feb-2012, 08:56 PM رقم المشاركة : 1
معلومات العضو
الكاايد العتيبي
عضو نشيط
إحصائية العضو






التوقيت


الكاايد العتيبي غير متواجد حالياً

افتراضي ابن حميد والجربا والمواط يشرفون حفل ابن حدوى المقاطي

ابن حميد والجربا والمواط يشرفون بن حدوى المقاطي


بسم الله الرحمن الرحيم

أقام سلطان ابراهيم ناحي بن حدوى المقاطي حفل بمناسبة تمائم حفيده (سلطان بن محمد بن سلطان المقاطي) يوم الخميس ليلة الجمعة الموافق 10/3/1433هـ بقاعة الرياض وشرف الحفل كلاً من الشيخ / محمد بن نايف بن جهجاه بن حميد والشيخ/ فيصل الحروش الجربا والشيخ / مطلق بن فراج المواط العصيمي وجمعاً كبير من الاقارب والاصدقاء وأحياء الحفل كلاً من الشعراء
1- ماجد بن مطرود الشمري
2- حامد حمد الغالي الشمري
3- عفتان بن سعد الســــــــهلي
4- محمد بن عبدالعزيز ابوعبيه
5- سعود بن جلال ابوعبـــــــــيه
والقاء الشاعر هضيبان بن ابراهيم المقاطي قصيدة / بمناسبة فوز الشيخ مطلق المواط العصيمي بالمركز الاول بفئة 50 وضح نا لت اعجاب الحضور اليكم القصيده كامله مع جميع الصور للشيوخ والشعراء والحضور الكرام وختاماً يتقدم سلطان بن ابراهيم وإخوانه بالشكر الجزيل لكل من شرفنا وشاركنا أفراحنا أدم الله عز وأفراح هذا الوطن الغالي

هذه القصيدة التي القية في المناسبة وهي اهداء الى الشيخ مطلق بن فراج المواط العصيمي بمناسبة فوزه بالمركز الاول فئة 50 وضح في مزاين ام رقيبة 1433هـ

البل لها عند المناعير قيمة
وقتا مضى واليوم محدا نساها
نوماس بين الناس واكبر غنيمه
ولا هي بسيطه من بغاها لقاها
تبغى رجالا بالعزايم هميمه
تدوس غبات الخطر من طناها
في ما مضى يوم السنين الوخيمه
كم شيخ قوما عند اهلها غزاها
من شأنها كلا يناطح خصيمه
والطايله كلا بعقله بغاها
لا ثار عج معالجات الشكيمه
من قام حظه فالمعارك خذاها
وحط الوسيمه عقب ذيك الوسيمه
هذا يضويها والآخر فداها
منها مكاسبنا عظام وجسيمه
من كل لون أنجيبها ونحماها
ربعي عتيبه توصل العلم تيمه
صديق عينك ما يجي في نحاها
من دون قاصر فالرجال الحشيمه
كل القبايل عاليا مستواها
واليوم في حكما عسى الله يديمه
حكم الملوك اللي يذري ذراها
حكما رفع عنا الجهل والظليمه
في دولتا عم المواطن رخاها
العهد باقي والاوامر حكيمه
وكل القبايل صادقه في ولاها
عاش المليك اللي يمينه كريمه
عمت على كل العرب من عطاها
عبدالله اللي سيرته مستقيمه
خادم بيوت الله وحامي حماها
مشعل فنار الطيب وايضا زعيمه
له وقفتا كلا بعينه يراها
حط المزاين باسم ذاك الصتيمه
عبدالعزيز اللي بعزمه بناها
الاسم غالي والجوائز عظيمه
ورعايته فيها الجميع أيتباها
جوله هل البل عقب ذاع تعميمه
كل القبايل للمشارك دعاها
اللي معه شولا زيانا مقيمه
واللي ما عنده بالدراهم شراها
ومطلق ولد فراج عنده عزيمه
شيخا طمح للطايلات ورقاها
ينهج مناهيج الجدود القديمه
ألاد عاصم سعد من هو نصاها
شيخ دروبه كلبوها سليمه
حاش المراجل كلها واحتواها
يوما كلا قام ينظر نديمه
له هقوتا تصعب على من هقاها
وش عاد خلا يوم جاب المظيمه
وضح البكار منومسة من قناها
لا شفت وحدتهن على البعد خيمه
اقول بسم الله ما شاء الله علاها
خلت منافسها يذب الخريمه
ويصد منها مايداني لقاها
معها عتيبه ما عليها ثليمه
برقاء وروق مدلهة من نخاها



الشاعر/هضيبان ابراهيم المقاطي















آخر تعديل الكاايد العتيبي يوم 20-Feb-2012 في 09:10 PM.
رد مع اقتباس
 

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »10:03 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي