انتهت حلو الليالي ....

[مرزوق حمدان العتيبي]

...
كيف حالكم كلكم ؟
ماهيب جديده ... ولكن اعتقد انها لم تنشر هنا ...

انتهت حلو الليالي والغلا ولاّ ربيعه = طاح قدرك من عيوني مستحيل اترجعينه
الحقيقه ما عملتي صار لي اكبر فجيعه= ليه كل اللي بنيته.. في دقايق تهدمينه
صادق ٍ لك في غرامي واشتري حبتس ما ابيعه =ماتوقعت ان هذا بالسهوله تجحدينه !!
وش خطاي اللي عملته لجل احصل هالقطيعه =هل جزاء من كان حبك بالخداع اتعاملينه؟
كنت احسب انك صدوقه نظرتك يم الطليعه =كنت احسب ان العلاقه بيننا تبقى متينه
كنت احسب انك وفيّه نظرتك نظره بديعه = لين بالوقت اكتشفتك وظهرت منك الغبينه
التطبع في الحقيقه مايقاوم للطبيعه = وانتي طبعك بالتلاعب يغلبك ماتغلبينه
ودك بتقطيع قلبي مير ماانتي مستطيعه = يوم غيري قدم عيني في كلامك تمدحينه
حطي نفسك في مكاني وانظري نظره وسيعه = العقل واجب عليك بهالامور اتحكمينه
جيتي لقلبي سريعه واخرجي وانتي سريعه = الله اعلم من طرالك في هواك اتغربلينه
احمد الله واشكره نفسي ترى نفس ٍ رفيعه = من نقض عهد العلاقه يبتعد ديني ودينه
دام من دونك جعلتي لي متاريس ٍمنيعه = دربك اللي تعشقينه واصلي لاتقطعينه
والله ان الغش مايرضاه عقل ولا شريعه = ودام هذا هو شعورك فالهدف ماتاصلينه
من خدع غيره ترى لازم يسوّاله خديعه = الكلام اللي ذكرته واجب انك تفهمينه
انتهى عهد الموده والغلا ولاّ ربيعه = طاح قدرك من عيوني مستحيل اترجعينه

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالله الجـــذع]

التطبـع فـي الحقيقـه مايقـاوم للطبيعـه
وانتي طبعك بالتلاعـب يغلبـك ماتغلبينـه
ودك بتقطيع قلبي مير ماانتـي مستطيعـه
يوم غيري قدم عيني في كلامـك تمدحينـه


أبو محمد حرام عليك

ليش حارمنا من هالأبداع

جزلــــــــــــــه يالجزل

صح لسآنك يالعملاق ودام راسك وإبدآعك

محبك.,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

الله الله الله...


قصيدة قمة في الابداع....



صح لسانك يامشرفنا...


تحياتي..

[السميــــــري]

عندما يكتب المبدع ..!
يجبرك على قراءت ماكتب وإعادة قراءة كل حرف من أبياته ..

صحيح إن الإبدع مرتبط بك يابو محمد ..


هنا الربط بين الحكمة والواقع ..
التطبـع فـي الحقيقـه مايقـاوم للطبيعـه
وانتي طبعك بالتلاعـب يغلبـك ماتغلبينـه


وهنا العلو بالنفس .. وانت جدير بذلك ..

احمد الله واشكره نفسي ترى نفـس ٍ رفيعـه
من نقض عهد الموده يبتعـد دينـي ودينـه

,,

صح لسانك يابو محمد ..

[الطلحاني]

صح لسانك

قصيده جميله

وجزله


تحياتي

[مرزوق حمدان العتيبي]

..
.
عبد الله الجذع ...
ازدانت القصيده وابتهج راعيها بحضورك ..
.. سلمت ولاعدمتك ....

[معلا إبراهيم الأسعدي]

صح لسآنك جميله

وجزله



بارك الله بك , شكراً لك على الابداع الغير مستغرب منك




تقبل خالص تحياتي


أخوك

التوقيع

[شجاع السواط]

الله الله الله


دام من دونك جعلتي لـي متاريـس ٍمنيعـه
دربك اللـي تعشقينـه واصلـي لاتقطعينـه
والله ان الغش مايرضاه عقـل ولا شريعـه
ودام هذا هو شعورك فالهـدف ماتاصلينـه


ابو محمد (( اعطيتها درس ماتنساه ))

كلام في الصميم ..

وردة فعل شاعر يعرف كيف يطوّع المواقف لصالحه ..

في النهايه كسب الشعر هذه الدره .... فلله درك يابو محمد

صح السانك ملايين...

تقبل تحياتي وتقديري...

[فيصل المسعودي]

لله درك يالغالي

قصيدة تجلت فيها العديد من الأمور

الحكمة ، العزة بالنفس ، العاطفة ، الروعة

لا يستغرب منك يا أبو محمد ذلك

فا أنت بالفعل جدير بقول ماهو أروع

تحياتي

[فهد النفيعي]

صح لسانكــ يابو حمدان..

الكبير كبير...