سلام الله على برقا يمر وينتهي مع روق,,

[عايض بن زوير]

لا أخفيكم سرا انه بعد اطلاعي على قصديتي

الشاعرين الكبيرين وصل العطياني وزبن القاضي

هاضت القريحه

وجادت

بما

يلي

فاتمنى قبولها

كما هي عليه

,,

يقول اللي ليا منه نوى يتعب على الطاروق=يصير البيت من ثقله مثل تسري به الركبان
سلام الله على برقا يمر وينتهي مع روق=سلام الله على الهيلا,, سلام الشاعر الطربان
بدعت القاف من فيض الشعور ومقصدي مرموق=وشعور القلب يخفيه الحشا ونترجمه بلسان
يمر الوقت والدنيا بها سابق بها مسبوق=ولكن العتيبي ما يجي مسبوق مهما كان..!1
كلام الصدق من منطق خوال الصادق المصدوق=مثل صرف الجنيه اللي يرجح كفة الميزان
ومن تدخل به الشكه يقنع شكته مرزوق=وفلاح المورقي ولا يوقف لا وقف سلطان
جزيل القول والحكمه وعرف زين المنطوق=رزانة عقل ما تقبل قليل الزود والنقصان
ثلاث سيوف راعيها ليا منه هبط للسوق= يبا يرجع على وضح النقا من جولته ربحان
واذا سهم المصارف لا ارتفع طار المؤشر فوق=ترى سهم العتيبي لا حضر يربح به الخسران
بدون قصور في كل القبايل غربها وشروق=حرار الجو كل "ن" في محيطه يكفخ الجنحان
ولكن العتيبي لا بدا عقب اليدين حلوق=يبا يتعب على ركز العلم في قمة الضلعان
واذا هي بالشعر كل العوارف قولها ماثوق=وقول العرف برهان العرب ما يطلب البرهان
اذا كان الشعر كنز خلقه الله وسط صندوق=ترى المفتاح لاقفاله خلقه الله مع العتبان..!!
وختام القول يابرقا سلايل عزوتي ياروق=نبا نرخص على شان العتيبي غالي الأثمان