اذا كان خلف هذال شاعر ديرة آل سعود=انا شاعر هل العليا من الخانه الى الخانه - الهيـــــــــــــلا *** منتدى قبيلة عتيبة

ولدعساف · 07-Sep-2010, 08:19 AM

بسم الله الرحمن الرحيم !!

,,

اللهم صل على محمد وعلى آله وصحبه أجمعين !!

,,

السلام عليكم ورحمة الله وبركاته !!

,,

سلام الله عليكم زعفران يزف ريحة عود = مع ورد من الطيب مخلوط بزين ريحانه
تقولون انت شاعر واقول ايه و ماعليكم زود=اجيب البيت مليان و بيوت العز مليانه
اذا كان خلف هذال شاعر ديرة آل سعود=انا شاعر هل العليا من الخانه الى الخانه
لو ان الشعر سيارة فقير راتبه محدود=افككلك صواميله من الرفرف الى البانه
على خشمي تعالي.. تعالي ياهبوب النود =انا ماني بطفشان الخلايق ليه طفشانه
بلادي بلادي زاد عزك بيومك الموعود =غرام كأنه البحر بزمردتها ومرجانه
دخلنا ساحة الخفجي دخلنا والحدث مشهود =وطينا كل شيطان رجيم وكل شيطانه
وفشلنا هل المنقود لا رحموا هل المنقود =لنا كف الرياض تصفق لنا عند سلطانه
لنا حتى الجنرال الامريكي قال:فيري قود =وحنا خّيل العليا لارحم الله أمريكانه
ماحنا نواخذ الأهبل ولا نشره على المقرود =وليا منا زعلنا يبس دمه وسط شريانه
لو إنا ما نخاف الله كان نحددها السماء بحدود =نجندل الفارس الكبير ونطرح حصانه
ما حنا نربش على صوت الكمنجه والطبل و العود =ما نربش الا اذا حمى الوطيس وثار دخانه
حضاره ثابته ماهي حضارة عاد او ثامود=وصرح(ن) ماتهز الريح ليا من جات بنيانه
نعرف انا نبي نموت ويأكل لحمنا الدود =لكن لا ذلوا الشيخان وش تسوى العانه
اهب يا شارب ما يفتل والحبل معقود =ولاهي تاقف الدنيا ولا تقعد على شانه
واهب ياحاكم ماهو مسوى مثل هاك العود= ابو مشعل حمدنا عطر الله قبر جدانه
ترا شيخ ما بلى بشت لا فايد ولا مفيود =هبا ماهو بابو مشعل ولا واحد من أخوانه
أبو مشعل لا زادت صواديف الزمان يزود =لو ان الوقت رجل حط راسه بين كرعانه
واذا هزت هبوب الكوس يالاجواد هاك العود =ابومشعل ماهو شجره تهز الريح اغصانه
أبو مشعل كما البلجيك لا ثور البارود= نسولف به على جال الحطب وتشب عيدانه

,,

محمد بن الذيب !!

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله )