لعيونها لبى بلال المطاليب - الهيـــــــــــــلا *** منتدى قبيلة عتيبة

مشـــعل · 18-Jan-2004, 09:54 PM

السلام عليكم ورحمة الله
وبعد العذر عن قلة المشاركات يطيب لي وضع هذه القصيدة بين يديكم

[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
تعاقبت بين الضلوع المحاديب=ووردت ينابيع الفكر من سطرها
خيل الهموم مغثبرات المشاريب=عذاب صلفات النفوس وكدرها
ياكم راحن بالسعادة مهاذيب =بغارات يفتك بالمحاجر قهرها
وكم ماجدٍ دونه تقافن هواريب=بحد العقيدة و العزايم دحرها
مومن بتقسيم الولي عالم الغيب=سبحانه اللي مدها ماقصرها
ولاخالجه في حكمته شكٍ وريب=يمسي قرير ولايهزه خطرها
دام انها لله وغيره تسابيب=وش عاد لوخالف شراعه بحرها
ولو سيّدت فيها كبار اللغابيب=و أعطت لعميان البصاير نحرها
هي هذي الدنيا وللطيّب الطيب=اللي تعاليم الشريعة نصرها
اللي مشى بالدين شرقٍ وتغريب= و أوامر الله بين خلقه نشرها
ولافت في عضوده دعاوي الأكاذيب= العلمنه واللي هوى في حفرها
ناسٍ لها عن منهج الدين تجنيب=بومٍ ورى الكفار تمشي بثرها
لا فكر لا غيره ولا تنبذ العيب=ولا حاكو أسياد السير في سيرها
حمزة وابن عباس ومعاذ وصهيب= وأبو بكر صديق الامه قمرها
و فاروقها اللي عذب الكفر تعذيب=وعثمان ذي النورين نوره جهرها
و أبو تراب اللي بدى بالمراقيب =وهو صغير وحاز غاية فخرها
وسيف الله المسلول منهاجه صعيب= يصعب على اللي ما تذوق ظفرها
وأبو عبيده بالرماح المخاضيب =ملوك العجم بملوك يعرب كسرها
ضرغام ما رده عن الفعل ترهيب=لين ان صفحات المؤرخ بهرها
وغرب لفتح القدس عز الأصاحيب=بقومٍ تهزسهولها مع وعرها
وعقب أذعنت لليث زج المكاتيب=وارسل لأمير المؤمنين يحضرها
وجاها وجتله بالفرح والتراحيب=في صورةٍ توراة موسى ذكرها
هذاك أبو حفص المسمى بتوجيب=إبليس ما يسلك فجوجن عبرها
ونجب إلى باقي الجيوش المناجييب=وبالسير للجولان بامره ومرها
وجتله تداحم عز والموقف مصيب=في ساعة يروى فخر من نظرها
ساعة فخر يبدي بها العز ويغيب=ذل تلوى بالنفوس وحقرها
ساعة فخر يولدبها القاف ويشيب=ويموت يفنى ماوفى مع صورها
ساعة فخر والدين ترهيب ترغيب=وذروة سنامه في نواصي غررها
اقولها واقطّب العلم تقطيب=واورّد الحجه على من نكرها
اليا اعتلوهن كالأسود المغاضيب=من فعلهاالكفار خلت ديرها
ساعة فخر يأهل الجروح المعاطيب =ساعة وترجح بالسنين وشهرها
سنين فيه العرب مقصب قصاصيب=هذى يذكيها وهذا نحرها
ساعة فخر هيهات يا ويش أبا أجيب =يالساعة اللي فالخريطة أثرها
لعيونها لبى بلال المطاليب=وأذن بصوتٍ دمع الأعين نثرها
أذن وذكرهم رفيع المناسيب =ذروة بني هاشم وسيد بشرها
الطاهر اللي هذب الخلق تهذيب =عليه صلوا عد ماامطر مطرها
عليه صلوا عد ماحنت النيب=على الذي تبكي فراقه شجرها
عليه صلوا ياهل الطيب والطيب =للي تعاليم الشريعة نصرها
اللي مشى بالدين شرقٍِ وتغريب= واوامر الله بين خلقه نشرها
وسلامتكم

[/poet]

الباحث الصغير · 19-Jan-2004, 06:14 AM

صح لسانك

ولاهيب مستغربه عليك القصايد الجزله يالبراق

سجل إعجابي بهذه القصيده

خالدالعصيمي · 19-Jan-2004, 11:35 AM

الاخ مشعل البراق

بيض الله وجهك

ابدعت في ماقلت

ننتضر جديدك

لك اجمل تحيه

أخوك / خالد العصيمي

طلال الثعلي · 19-Jan-2004, 07:12 PM

مشعل البراق

صح لسانك مليون

وحيااك الله

وقصيدتك جزله..

تحياتي...

جــراح بن ضيدان · 19-Jan-2004, 07:25 PM

صـــح الله لســـانك يالبــرااق

وقصــيـــده جززززززززززززلــه

وطــالعه من بطـــن شــاعــر

ولاهنت على ذالقصيده الجززله

مع كــل الشكــر والتقديـــر اخيـــك

جراح بن ضيداان العجمـــي