عدة قصائد لـ الشاعر عبدالله بن فهد الرويس

[سعود..]

عدة قصائد لـ الشاعر ، عبدالله بن فهد الرويس ،
بـ معنى ديوان شعري مصغر ..
وأحببت ان انقلهآ لكم ..

قصيــــدة [ شكر الالـه جل في علاه ]

شكراً وعرفان للي منزله را قــــي ..×.. في مالك الملك واهـــل الملك مملوكــــه
مملوكتـ[ن] لمن للي واحـد باقـــي ..×.. للي آبن ادم مجِـــرّي الـــدم بعروقـــــــه
ياساق سوق القدم والرزق ينساقي ..×.. من سوق رب[ن] كريم[ن] فايض سوقه
أقول قول[ن] تهـاوش فيه الاذوقي ..×.. وبلحي منهو يجيد الشعر منطوقـــــــــه
الخال روقي واصل الرجل برقاوي ..×.. وبين الثنينـه يتــــــــــل القلــب معلوقـــه
---------------------------------------
أعتذر عن تنزليها للمرة الثانيـه ، ولكن أحببت ، ان اجمعها اولا من ضمن هذه القصائد / وثانيا ، لـ اذكر مناسبتها
قصيده في الأميـر : متعب بن عبدالله بن عبدالعزيز آل سعود .. اثناء تخرجهم من دروة الافواج في بحره

يرَحـّـــب الحفــــل للي جـــــاه بزيــــــاره ..×.. بالقائــــد اللــــــي بجولاتــــــه يعـــرفونــه
يامتعب المجد رمز المجــــد وشعــــــــاره ..×.. يسمـــع تراحـــيب وايضـــآ شاف بعيونــه
جدك حماهـــــا بلا مدفـــــع وطيـــــــاارة ..×.. ألا بسيــف يعـــزل الـراس ومتــونــــــــــه
كم شيخ قوم[ن] صباح[ن] صبحه غـاره ..×.. ثـم اصبــح مطيــع مـازد امـــر يعصونـــه
شيخ[ن] شجاع عليهم زادت اشبـــــــاره ..×.. بالحلـــم والسلـم به وقفــــات مظمـــونــه
ويوم ابحرت خير وهي فـي ايدين بحـاره ..×.. حسـب التقــــدم وطنهــــا المجـــد يبنونــه
ويازين ميقاف ذاك العود مع جــــــــــاره ..×.. بالماقـــف اللــي جميـــــع الخلـــق يدرونه
رحب بجارة وحط الضيف بجــــــــواره ..×.. حتـــى الخـواطـــــر لـ طفلــــه مايحسونـــه
ناس على جارهـــا حرصــه وصبـــــاره ..×.. والجار لو جــــار بهرجــــــه مايغثــــونـــه
ورحيم يرحم كبيـر الشعب وصغــــــاره ..×.. انظر لـ شيبـــان شعبــــــــه يـــــوم ياتونــه
من جاه يشكي شفا المضرور واضراره ..×.. وبشرع اللــــــه في أمر الخصــــم ينهــونـه
وابو خالـــد عزيـز[ن] دوم مقــــــــداره ..×.. يالله تعـــــز الوطـــــن واللــــي يعـــزونـــــه
أحر واشرس من اللـــي ولعـــــوا نــــاره ..×.. خص[ن] علي اللي طريق الشرع يخطونه
وياشعب بالله نباهـــا موجـــــز عبــــارة ..×.. من غيــــر ذولآ لشــــرع اللـــه يقيمونــــــه
----------------------------------------
وهذه القصيدة قالها الشاعر ، في المسيرة ، أثناء الدورة المنعقدة في بحرة

ياحسين يالقدوة ترفق على الهـون .. ولآ تـرى ياحسيـن هاليـــوم ولا
ارفق بنا ياحسين لآ قمت تمشــون .. بعض العرب مشي الطوابير ملا
ومسيرتك لشوف مركـز تشـوفـون .. منته بماشي حمـص حتـى المـكلا
والـيا توجـهتـــوا شـمـال تحثــــون .. كـــن يتوسـع خاطــري ويتجــلا
كنـي بشاهـد لي مع الجــو مزيـون .. يومـــي يتبـسم قـدمنـــا ويتـــغلا
والحب قد ضر الدجيما وأبن عون .. قــولي صحيـح ولو يقـــولـون زلا
------------------------------------------

قصيــــــــده [ القهــــــــــــــــوة ]
حمـدان هــات الـدلال وزيـن الاوداقـي .. وأحمــس لنا مايحـــب القلـــب من ذوقــه
لـ دلال رسـلان وهي ملفـوفـه الســاقي .. لـ دلال رســـلان يظهــــرهـا بصــندوقـــه
أجذب لها الجمر وجذب الجمر برفاقي .. تاخـذ وتقطـع على الجمـرات مـرفــوقــــه
وبهــارهـا مختـــلف ثلاثــــه ارنـاقــي .. من قبـل مانسـوقـها للنــاس مـســـيوقــــه
يدهش ويبهـش لهـم من طعمــها ذاقــي .. ويازين هالذوق أن جاك الذوق من ذوقه
يازين هالـربع وان جـوك الربع تفاقـي .. مابيــــن بـرقـــا ولا اخـوالنــــا الـــروقـــه
وقتـــه الـزين قبـل الشمــس تشـراقـي .. ولا الضحــى والعصــير يشـق مشقوقـــه
وهـذه تعابـيــــر رويـــس لها ناقــــــي .. قـام يتـغنــــــــى بحلـــــو القاف وطـروقـه


-------------------------------------------

قصيدة في الأميـر : ماجد بن شجعـان أبا العلا
ياللــه ياللــه يامعبـــــود ياوالـــــي .. ياواحـــد[ن] ساجـديــن دام رضـــا لــــه
يامحصي الخلق ياعــلام الاحـوالي .. وياعــالــم مايـدور بخـاطــــري كـلــــــه
نصّيتها معـّـرَب الجديـن والخـالــي .. من صلـب ماجـد ومجـد اليــوم حــي لــه
يامير ماجاء الدهـر واليوم ميــالــي .. عبــرت من عبرتــه واليـــوم فطـــن لــه
نصيتها صلـب منهو يحتمي التـالـي .. من صلب شجعـان نعم اليــــوم ذخــر لـه
شط الفرات الذي هو منـه الاهـوالـي .. يضييــع ماقــدم دربـــــــه دقـــه وجلـــه
أشد وألين وأمر وأحلى من الحالـي .. غضب أو رضى مير ماقد جات به زلـه
قال الرويسي لك الله بدع الامثـالــي .. البــدع بدعـــه وراع الطيــب محتلــــــه
وقال بن طامي لك الله هاجس جالي .. من هاجس وسط قلبـي ويش يحصـل لـه
يمكن اطــــول لآ بلــه طــال مـوالـي .. اصحــى واغيب مع الطــاروق ماملــــه
---------------------------------------
قصيدة أخرى في الإمير : ماجد بن شجعان أبا العلا

قامت تجاوب جابتي بألف جابات .. وقامت تلافـت بالضمـايــر نظرهــا
نقيت انا من جود هالجود عجـلات .. هواجس[ن] بحر الضماير سطرها
اليا بغيــــت ابــدع فأهــل المهمـات .. ألهم ولآ غيـــــــر محدن ذكرهـــــا
امثال ماجد طـال طيــل المنيفـــات .. الا على العليــا فـ روحـــه نـذررها
جيتك ولي حاجــه وللناس حاجات .. كم واحد[ن] ولحـــاجتي ماقـــدرها
ماجد الياا ثقلـت علينـــا الحفيفــات .. وان طالت الدعـوة علينا قصــرهــا
يرسي كما ترسـي الجبال المنيفات .. له وقفتـــن بالضــد كلــن ذكـــرهــا
رجل المواقف بينت فيـه الابيـــات .. مـده صخـــي ووقفتـــه لي ذخــرهـا
--------------------------------------
وهذه القصيدة رثاء في المرحوم له بإذن الله .. الحميدي بن زايد المربيض

مرحوم يابو بدر مرحـوم مرحـوم .. مرحـوم ياللــي مايزعــل خويـــه
ياما خذينا فـ المقانيص من يــــوم .. الـــزاد صيــد وشربنــا شاذليــــه
ساعة سمعت العلم والقلب ماسـوم .. كن العـــروق مسيـــرة سـم حيــه
واللـه لو هي بالمــواقيف لآ قــــوم .. لآ أقــوم لو تبــدي عليـّـه قصيـــه
لكن امــر للولــي فيــه محتــــــوم .. امر القضاء وله القضاء والقضيه

أتمنى ان تنال هذه القصائد على اعجابكم .. واتمنى اني وفقت .. في نقلها ..

[سعود..]

هذه القصيدة في الشيخ : عبدالعزيز بن جامع بمناسبة ضيفته لـ قبيلة عتيبه الهيلا ، في مزاينهم




الشعر حل وكل شي[ن] بحله .. وشي[ن] على حله تزهاه التعابير
راع الصخا ياناس عانوا محله .. في مجلسه تلقى النشاما المناعير
شيخ[ن] وشيخان القبائل تدلـه ..ذولآ مقابيـــــل وذولا مدابـيـــــــر
شيخ[ن] ليامن ركب العود ظلـه .. وشيخ[ن] لصكات الليالي المعاسير
مية قعود مدها ضيفت[ن] له .. غير الحلال ومالحق معـه يامير
الطيب دل والطيبه عادت[ن] له .. لإبن الشيوخ مقهقرين الطوابيـر
عليك من حاتم صفات مطلـه .. وعليك من غانم ومن سالم الزير
ماصـّر راس المال دقه وجله .. يبذل وربه موعد[ن] بالفرج خيـر