محاوره عبدالله بن شايق ومستور العصيمي كامله

[ماجد ال مريتع]

السلام عليكم ورحمه الله وبركاتهه
هذه محاوره التقى فيها علمين من اعلام الشعر
مستور العصيمي وعبدالله بن شايق




مستور
ياسلام الله سلام اسلام
من ضمير الشاعر الهادي
يابن شايق سوقها قدام
والوعد في فرعه الوادي

ابن شايق
مرحبا ترحيبة الاخصام
مرحبا في حفل الاجوادي
ابن شايق شاعرٍ مقدام
في علوم المسك والكادي

مستور
من يقول اليوم مثل العام
اشهد انه ياعرب غادي
جر صوتك وارفع الاعلام
واحتفظ بالملح والزادي

ابن شايق
الرجال تحقق الاحلام
قرب شدادك من شدادي
افطر اللي في زمانه صام
عاده الله عيد الاعيادي

مستور
مابقى دوله بلا حكام
غير سوريه وبغدادي
الله اكبر مرت الايام
يالله احفظ نورنا البادي

ابن شايق
لاتفكر في اليمن والشام
النصيب يصيح وينادي
الله اكبر واترك الظلام
كوره مع لاعب النادي

مستور
الزمن ماطول الاقزام
مير غير موجه الرادي
الرويس مفسر الاحلام
يعرف الممتاز والعادي

ابن شايق
ياوليد البط ياعوام
صايدك تسعين صيادي
يالعصيمي دام حظك قام
الشرف والعز في بلادي

اتمنى الاستمتاع في المحاوره وعدم الخوض في المهاترات والشتم
وجرت بينهم محاوره اخرى بعدها بيوم وسيتم نقلها بادن الله

[الشوردي]

طرق على بحر قصير ابيات متفاوته بين الاثنين لاتوحي بمعنى يمشي عليه الشاعرين

[فلاح القحطاني]

لا هنت يا ماجد وبيض الله وجهك ،،

[راشد النفيعي]

شعار عمالقه لاهنت على النقل

[فهد بن جميل العتيبي]

محاوره عادية بكل ماتعنيه الكلمة

[طلب الشيباني]

محاوره عاديه جدا وكان مستور افضل من ابن شايق بمراحل ..



كان المعنى يدور حول شاعرية الاثنين والاستفاده من بعضهما لم اطلع من المحاوره سوى ببيت واحد لمستور ..



مابقى دوله بلا حكام
غير سوريه وبغدادي

[ماجد ال مريتع]

المشاركة الأصلية كتبت بواسطة الشوردي

طرق على بحر قصير ابيات متفاوته بين الاثنين لاتوحي بمعنى يمشي عليه الشاعرين

لاهنت ي الذيب

[ماجد ال مريتع]

المشاركة الأصلية كتبت بواسطة فلاح القحطاني

لا هنت يا ماجد وبيض الله وجهك ،،

ومن قال مايهون ووجهك ابيض

[ماجد ال مريتع]

المشاركة الأصلية كتبت بواسطة راشد النفيعي

شعار عمالقه لاهنت على النقل

ي هلا ومشكور على المرور

[ماجد ال مريتع]

المشاركة الأصلية كتبت بواسطة فهد بن جميل العتيبي

محاوره عادية بكل ماتعنيه الكلمة

اوافقك الراي