.....
مساء الخير للجميع
....
..
هرج القفا مايكبّر عقل هراجه=لو صفقو له اكبار القوم واصغرها
لكن ماهمني فلمه ومنتاجه=لو كان في مجلسه دايم يكررها
دواه عندي مع الأيام وعلاجه=ليا هرج هرجة ماني معبرها
مدام هاذي سياساته ومنهاجه=والناس تثبت رجولتها مخابرها
مدحك وسبك ترى مالي بها حاجه=ولاني بحاجه لضحكات تمررها
لاتحسب انك ملكت الشرق وابراجه=اعرف سواياك مير اموت ماذكرها
هو ماعرف كيف مدخاله ومخراجه=يجهل علوم الرجوله مايذامرها
القلب كله سواد اسود من الصاجه=ناس على الطيبه تقصر شوابرها
انااشهد انكه رحله بليس وافواجه=ونفسه على شين طبعه وش مصبرها
لابدنا ياردي الحظ نتواجه=واذكرك كل كلمه كنت تنشرها
أبوك بحر الكرم والجود وامواجه=كف نديه لفعل الطيب غامرها
دايم لربعه بشوش ويضحك حجاجه=وفعايله يشهد أولها مع اخرها
والنار لو انها بالحيل وهاجه=تخّر رماده وكل انسان خابرها
أعوذ بالله من طبعه ومنهاجه=لو صفقو له كبار القوم واصغرها
تقبلو وافـــــــــــر التحيه،،،،،
التوقيع |
التوقيع
محمد الذيابـــي |
آخر تعديل محمد الذيابـــي يوم 15-May-2011 في 05:20 PM.