عااااجل : من الديوان الشعري إلى الديوان الملكي

[عبدالله بن نور الأسعدي]

،

،

السلام عليكم ورحمة الله وبركاته

هذه القصيده أعتبرها واجب أدبي ... وهي

حديثة الصياغه ... وأقول بعد عسى اعماركم تطول :

تهيضت وبديت ابمن بذكره تطمئن اقلوب=هو الله وحده وخير البدايه لابدينابه
ومن ديوانه الشعري يدز الاسعدي مكتوب=إلى ديوان عمدان الوطن ونا من اطنابه
مفاده عد خلق الله وعنده عدهم محسوب=له الحمد وله المنه على الخير اللذي جابه
شفا اللي رافع الرايه نشوفه خيرنا المرقوب=ولو حنا غياب اعْنَ الوعي في فترة اغيابه
يبو متعب تعبت وكل شعبك من تعبك اتعوب=يبو متعب تشافيت وشفاك الشعب يشفابه
سلامات وطهور وذا دليل انك رجل محبوب=لدى رب العباد وحظك انك ضمن أحبابه
يقدر لك سبب واحد عشان انه يزيل اذنوب=ولو في حجمها تازن جبال الكون وهضابه
دليل انه يحبك عان من فعلك دول وشعوب=جميع اقلوبها وعقولها بالحب منصابه
عسى من لامنا في حبنا لك ينطري منكوب=عشان انك تغيثه ويْعَرِف واحد من اسبابه
إلى حكامنا اللي حبهم فقلوبنا مشبوب=خذوا منا عهَد بالفعل ماهو نطق وكتابه
ولاني نايب آل اقراض أو نايب ذوي شنخوب=ولا نايب ذوي عبيان والا شامل عتابه
عن الشعب الوفي كله أنوب اوجيتكم مندوب=أجدد بيعة الحكم الأبونا ونتباهابه
لكم منا ولا والكم نقدم روسنا ماجوب=فدا الدين وفدا موطن عزيز وعزنا اترابه
ترانا كلنا عسكر لو اكثرنا لباسه ثوب=ليا من ثارت الهيجا نضد اجيوش حرّابه
ليا جانا عدو يزحف مثل زحف امهات اجنوب=على نيراننا والله ليشكي من تقلابه
ندوس اللي نفث سمه يبى الإفساد بالعرقوب=بعدما نكوي اخناعه بنيرانه ومنسابه
ترى الشعب السعودي عاقل ولايجهل الملعوب=ولامنهم حدن رايح مع الكذاب واحزابه
لأن الحاكم الحالي هو المصلح هو المرغوب=هو اللي للعرب محزم ودرع وسيف وعصابه
لأنه هو واخوانه ورى امعزي بخير ادروب=هي القرآن والسنه ومنها الخير عشنابه
قبل حكم السعود اوبعده انشوف الوضع مقلوب=إلى الأحسن وشاعركم دليله قول شيّابه
قبل كان العسر بالحج والعمره غصب مصحوب=بعد عان اليسر شقيقها والها هو ايشابه
قبل كان الامن معدوم ذا ناهب وذا منهوب=بعد عان الرجل يرقد وبيته فاتح ابوابه
قبل كان الرجل يجلس شهور اوهو خلي اجيوب=بعد عان الرجل في كل بنك امعبي احسابه
قبل كان الفقر ذيب الرجال اولاهو ابمغلوب=بعد عان الفقر فاقد مخاليبه وأنيابه
قبل كان الفلاني والفلاني دايما فحروب=بعد عان المقيم ايعد كل الشعب أقرابه
قبل كان الغني من ماله البيت الشعر منصوب=بعد عان الفقير ابلاش مسكانه ومزهابه
نِعم لو تنتعدد عدها في عدها مضروب=وناتجها يضاعف لين تخرب كل حسّابه
عساها دايمه والشكر للواهب من الموهوب=عساها ماتجيها عين من هي نالت اعجابه
تطمن كل شعبك ياملكنا لبوا المطلوب=قلوب الشعب تدعي لك بسر افوقت الاجابه
ختام القول صلو عد ماينطف لذيذ الذوب=على نبينا المرسل وكل آله وأصحابه

شــع ــر / عبدالله بن نور الأسعدي العتيبي

آخر تعديل عبدالله بن نور الأسعدي يوم 20-Mar-2011 في 03:05 AM.

[مراسل الجعده]

حجز ملكي (1)

صح لسانك يالأسعدي

والحمد لله على سلامة الوالد الغالي ابو متعب
تكلمت بلسان الشعب السعودي وعز الله انك تنوب عن الجميع
نص شامخ من شاعر عرف بالجزلاه
بيض الله وجهك وصح الله لسانك مليون
دمت بالخير

آخر تعديل مراسل الجعده يوم 20-Mar-2011 في 03:28 AM.

[نايف المغيبي]

الاسعدي

ابيض وجه على هذه الدره

[مرزوق حمدان العتيبي]

..

.
شفـا الـلـي رافــع الـرايـه نشـوفـه خيـرنـا المـرقـوب
ولـو حنـا غيـاب اعْــنَ الـوعـي فــي فـتـرة اغيـابـه

مبدع يالاسعدي
ومشاعرك هي مشاعرنا جميعاً ..

خمس نجوم ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فايز بن سرحان الثبيتي]

صح لساااانك يالاسعدي "


مشاعر وطنيه صااادقه نشاركك بها ..

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[فهد العازمي العتيبي]

..


صح لسانك ولاهنت

والله يحفظ ابومتعب ويخليه لشعبه دوم ،،،

التوقيع

للتواصل على تويتر https://twitter.com/falotaibi5115 ،،

[محمد الذيابـــي]

صح لسانك يالاسعدي

التوقيع

التوقيع محمد الذيابـــي

[عبدالله بن سعود المتعب]

صح لساانك يالاسعدي


قصيدة جزله مثل راعيهااا

[المـرشدي]

صح لساااانك يالاسعدي "


مشاعر وطنيه صااادقه نشاركك بها ..

[عبدالله بن نور الأسعدي]

المشاركة الأصلية كتبت بواسطة مراسل الجعده

حجز ملكي (1)

صح لسانك يالأسعدي

والحمد لله على سلامة الوالد الغالي ابو متعب
تكلمت بلسان الشعب السعودي وعز الله انك تنوب عن الجميع
نص شامخ من شاعر عرف بالجزلاه
بيض الله وجهك وصح الله لسانك مليون
دمت بالخير

،

،

حياك الله يالامير ... صح الله بدنك ... وجهك ابيض ... شهادتك أتقلدها

على عنقي مفاخرا بها ... أسعدني مرورك المبهج بهطووله ... تحيتي