بني رشيد تكسر حرب وتقتل شيخهم أبن موقد العوفي بمعركة جبل وادي البصر

[ناصر الهيلا]

غزت قبيلة حرب وكان قائد هذا المعركه خلف بن موقد وهو شيخ بني عوف من مسروح وقصد بغارته على بني رشيد وبالاخص فخذ العوامره وجر جيوشه الكثيره على العوامره وحتى وصل ديار العوامره وهي عند جبل البصر وصل العلم للشيخ ضيف الله بن علي امير العوامره فقام وجمع جيش العوامره ومعه ابنه ثاري فنهلو على حرب عند جبل البصر ودارت بينهم معركه طاحنه زدات بها القتلى والجرحى وزاد الوطيس وقطى الغبار الجو بالكامل حتى شد ضيف الله بنخوته لربعه حتى انتصرو على حرب وقتلو ابن موقد عقيد حرب وابنه ثاري وسميت بمعركة العوامره وبن موقد فقيلت قصيده عن الحادثه حتى يبقى ذكر المعركه فخر لابنائها :

يـوم ابـن موقـد نوانـا بغـاره=يبا الطمـع متخيـر كـل مغـوار
مواقـده جونـا سـوات النمـاره=ذرفيين الايدي من صلييبين الاشوار
جونا كما سبل ضرب لـه قـراره=قبل طلوع الشمس مع فج الانـوار
وقمنا عليهم فـي مبـادي نهـاره=وتعاقبه صم الرمك والدخـن ثـار
وياسرع رجعت جيشهم بنكسـاره=نصر من الله ربنا والـي الاقـدار
اللـي سلـم منهـم تنحـى لـداره=اقفى معيـف ولا يعـود لهـا دار
في غارته ياما خسر مـن خسـاره=اقفى حزين ضايق البـال محتـار
خلف شرب من كاس بقعا مـراره=عقب القهاوي ذاق كاسات الامـرار
يـوم ثـاري بالقـا شـب نـاره=واركا على جيش المعاديين بالنـار
واحـد نشوفـه طايـح بالمعـاره=عليـه هلـت دمعتـك يــم دوار
دمه بين مفـرق اللحايـا حمـاره=والكل شاف دمه من الجوف نثـار
ربعي على كبد المعـادي حـراره=احر من سم السقطـري ليـا سـار

[محمد العتيبي]

مشكور يالغالي ما قصرت ..

التوقيع

للتواصل عبر twitter تويتر al_bargawy@

[فهد سعد]

والله ونعم بني رشيد وشي طبيعي أنهم يهزمون حرابة الدول هههههه
مشكور ناصر الهيلا

آخر تعديل فهد سعد يوم 17-Jun-2009 في 04:19 PM.

[المهاجم]

يعطيك العافيه ناصر الهيلا ونعم بقبيلة بني رشيد قبيلة من ضمن قبايل الجزيره العربيه ولم يلقبون أنفسهم مثل بعض الالقاب المفخخه اللي لاتغني ولاتسمن من جوع وهزموا حروبنا الاجواد وهذا شي عادي وبسيط راح حرب الدول هاك اليومي ماله طاري

[سرحان الشيباني]

والنعم بالرشايده والحروب وجميع قبايل المملكه

[ولد الشرقية]

مشكور على النقل الرائع

[عبدالرحمن الهيلوم]

وملياااااااااااااار نعم بحرب حرابة الدول

ولامهونة بالقبايل

[فيصل فهد الحربي]

اول شي يعطيك الف عافيه يارب
وهذا حال المعارك ياغالب يامغلوب
والله والف نعم في بني رشيد والف نعم بربعي حراااااابه الدول

[أبونواف]

ناصر الهيلا مشكور على النقل الرائع والايضاح ..

[أبوضاري]

ناصر الهيلا وش الغريب في الامر أمر سهل حرب يغزون مع بني رشيد وتحت بيرقهم وكان بني رشيد يقسمون لهم من الكسب اللي يكسبونه