قصيدة ابن فطيس اللي جاراها مرير الحبيل

[/عبد العزيز الجذع/]

قصيد الشاعر محمد بن فطيس بعنوان كيك وعسل

	بعض العرب حبـه يـوردك الجنـون..............ولا يوصف لـه غـلاه احكـاك لـه مايقنعه وصف الغلا لـو وش يكـون...............لو كل حـرفٍ بالحريـر يحـاك لـه الموت جاك وهـو تقلبـه الضنـون................ولا لك الا الصبر....وش وداك لـه؟ ان قلت ضايق..قال : هونها تهـون.............مايدري ان ضيقتك لـه وبكـاك لـه تقعد تحبه وانـت ساكـت ومغبـون................يمكن بيوم يقال له مـا اوفـاك لـه وكانك مشكك هو يمون او ما يمـون..............تخيّل ان عفـت الصبـر فرقـاك لـه غلاه من فوق الغـلا ماهـو بـدون...............وحكاه سمعك يجبـرك بارخـاك لـه ودك تحطه فالعيـون مـن العيـون..............وتبسط على رمضى الثرا يمنـاك لـه وتظله من الشمس في ظـل الجفـون..............ولا يمـر اذنـه سـوا لبـاك لــه وتسج من غيـره لونهـم يذكـرون................ومنين ما سجت القـدم ممشـاك لـه فلو ٍ يميله التـرف ميـل الغصـون.................غصن ٍ ليان ومكرمـه بسقـاك لـه جديله الى اقفى ستـر منـه المتـون................كنّـي بريحـه لالتفـت لدعـاك لـه يزها الملابس ..اي لبس ..واي لون...............وفالليل وجهـه لا ظهـر قـداك لـه كيك وعسل لكن ماهو فـي صحـون..............ودعاك من عين الحسود اغطاك لـه الله لا يعطيـه نـاس س ينضلـون..............ويستر عليه مـن النحـل لا ياكلـه الوصف والتعبير في وصفـه يخـون.............غير اطلب الله يستجيب ادعـاك لـه وعذال قلبك فـي محبتـه يخسـون.............سكينهم عـن قطـع حبلـه حاكلـه اللـي مـن لحـوم الاوادم ياكلـون..............وحلوقهـم دافـع البـلا متواكـلـه ناس ٍ عن اعراض العرب ما يعرضون...........ودايم على نفس الشكـل والشاكلـه في سلمهـم اولا بالاكـل الاقربـون............واطيبهم اللي صيدتـه شكـواك لـه يدعيهم الشيطـان للذنـب ويجـون................هـذا يقطـع لــه وذاك يواكـلـه يا جعلهم فدوة ثـر الغـض الفتـون............اللي على الدرب الطويل اخطـاك لـه طيفه الى نـام البشـر زارك بهـون.........وطيفك الى نام البشـر سـرّاك لـه حبه دفان ومقبـرة خضـر الطعـون..............بيـن العظـام العـوج كنـك تاكلـه اللي كذا حبـه لـو تمـوت مغبـون..............ولا لك الا الصبـر .. وش وداك لـه

قصيدة الشاعر الكبير مرير الحبيل

:

	يالله يامنشـي مراويـح الـمـزون................مزنٍ وبرقـه بالسمـا ضحـاك لـه يارب ياللي تجعـل الكايـن يكـون...............يشكرك عبـدٍ ماجحـد عطـاك لـه ياشاعر المليون هيضـت الشجـون...........فابيات شعـرٍ عجزهـا علـى آكلـه شلت العلم واهل الجزيـرة ينظـرون................رمـزٍ وربـك فالـمـلا ولاك لــه لاهنت يامحمـد وشعـرك مايهـون..............والشعر ساسـك ماحـدٍ عـداك لـه تنحت بيوت ضمن نـاس ينحتـون.................وفقـك ربٍ مخلـصٍ تقـواك لــه فيهـا طمانينـه وغاشيهـا سكـون..............والقاف يامحمد ياطيـب لقـاك لـه حبكتلك قافٍ على احسـن مايكـون............وابوك قبلـك لااحتـزم حبـاك لـه ابوك يابن فطيـس للجزلـه زبـون............وهذا الطريق اللي حمد وصـاك لـه طب البحر واسبح مع اللي يسبحون..............نقـه وبيّـن للعـرب نقـواك لــه ثم افتل المعنى مـع اللـي يفتلـون.................واخذ القلم واجلس على مركاك لـه واطلق سراحٍ للبنات مـن السجـون................البـاب خلـك لاجلهـن فكـاك لـه وللشعر نبيكـم يامحمـد تفزعـون...............ترفع عمود الشعر يوم انخـاك لـه والشعر يطعن فالترايـب والمتـون............السيف شله واحتـزم شلفـاك لـه واظرب بشلفا ذياب حتى يرضخـون..............بالله يامحـمـد عـلـى منتاكـلـه وجـه شبـاب ٍ للمعانـي يجهلـونون................اجه لعلـه يستمـع نجـواك لـه واشـرح وعلـم عالـمٍ مايفهمـون..............واجهد ودرس في قطر من جاك لـه نـاسٍ تخرجهـم ونـاسٍ يدرسـون..............واعلن قرار اللي منحت عفـاك لـه وصوت بعال الصوت حتى يسمعـون.............فالمملكة حتـى توحّـى نـداك لـه وان طاولونا في عماهـم يعمهـون............فالشعر قـدّم يالشلـي عـزاك لـه والشعر له في ذا الزمن عشرين لون.............مثـل الملاكـم والغشيـم يراكـلـه وان ماتعافى الشعر من كثر الطعون...........بالله يادكتـور ويــش دواك لــه وان كان مني يالعـوارف تسمعـون............حلـوا مشاكـل عالـمٍ متشاكـلـه وقولوا لراع الشعر شعره ويش يكون.............يامـوذي التاريـخ كـف اوذاك لـه والشاعر اللي له مع العالـم شئـون..............اللي ليا شاف الخطـا صحـاك لـه ماينهض الشعر الردي جر اللحـون...........ولايستل البيت الضعيف حـداك لـه ولايستقيم القاف والقـاف مهيـون.............حتى ايش لو قالوا يازين اغناك لـه يااهل المدايـح حسبكـم لاتمدحـون..............شعر الحداثة ماتحـوز رضـاك لـه كثروا عساهـم فالبلـد مايكثـرون...............الا الذي جزل القصيـد اغـراك لـه واللي هدفهـم بالقصايـد يشحـذون.............هـذاك لاتفتـح قبـل مخبـاك لـه مايستحي من ضمن ناس يستحـون............امـا نـزل والا القمـر رقـاك لـه

تقبلـوا تحياتـي

[أبو ذعار المسعودي]

مشكور ياعبدالعزيز علي القصيده و لاهنت

[عبدالرحمن الهيلوم]

مشكوووووووووووووور يابو سعووود

[/عبد العزيز الجذع/]

ابو ذعار المسعودي..

عبد الرحمن الهيلوم..

نورتو الصفحة بمروركم..

[عبدالرحمن الهيلوم]

مشكوووووووووووووور يابو سعووود

[محب الهيلا]

يعيطيك العافية

[عبدالله الجـــذع]

مشكور يالغالي..

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

مشكوووووريين على المرور...

[الطلحاني]

مشكور يالجذع

وماقصرت

والشعار

الاثنين

كبار بالشعر

ولاتعبت

[/عبد العزيز الجذع/]

مشكور يالقميشي على المرور..