سلطان الجـذع
مرحبا ترحيبةٍ ماقلتها من باب خيرة = سم واشرب يالعطاوي لين تروى من كدرها!!
العرب قالوا طلعت اليوم فأخبار الجزيرة = معك صخرة من سهل جده ونقطة من بحرها!!
معجب العتيبي
البقا رديةٍ منهاجها عرف وبصيره=كل كلمه ماتجي في مستواها تحتقرها
الحيا والطيبين اخبارهم في كل ديره=والنفوس اللي تموت بغيضها ربي قهرها
سلطان الجـذع
ماعلى معجب اليا وصل علومه من ضميره = واجد اللي مثل معجب وزنة البيت تعسرها!!
راعي الخيل اسرعت به يوم زاد إلها البريرة = حسب ماجاني من اللي يتبع الجرة بأثرها!!
معجب العتيبي
ينحسد راع النعيم وينكشف مستور غيره=والليال السود ياسلطان مايخفى قمرها
كان تبّاع الاثر مصدرك وعيونك صغيره=خيرلك من عالي الارض وعواليها حفرها
سلطان الجـذع
دار دولاب الزمان وطالت اليمنى القصيرة = الله اكبر كيف ابو سلطان هذيه قدرها!!
الجبال اللي رست وأرست على شبة الجزيرة = لاتذرى في محاجيها وتحذف من حجرها!!
معجب العتيبي
دار دولاب الليالي والجذع قرّب مصيره=عقب ماذكيت الاولى الثانيه جاها قدرها
بندقي في كفي اليمنى وفحزامي ذخيره=مير لاواشيب عينك يالجذع طوّل سهرها
سلطان الجـذع
بين خلان الوفاء و وجيه الاصحاب السفيرة = شفت وجه العملة اللي وجه بن فهره ظهرها!!
ان تشرهنا على اللي مثلك الشرهه كبيرة =و ان تخصامنا معك كلمتك نشبت في نحرها!!
معجب العتيبي
كان سلطان العتيبي رد سيفه في جفيره=قد نصحته عن علومه ياجماعه يختصرها
الك قلب وعقل ياسلطان وعيونٍ بصيره=لاتلد العين فاللي دار عمانه هجرها
سلطان الجـذع
مايعّود سيفي اللي سيرته فالوقت سيرة = سلته ماتبقي امثالك شوي ولاتذرها!!
وانت من كل الثلاث بدون يالله فالستيرة = ياحليل الصورة اللي ضحكة القاري خبرها!!
معجب العتيبي
الجذع في غير يمه قام يشعب في بعيره=خوف قلبي حالته مما جرا يكبر خطرها
كيف قيمت الجبل وانته كبر حب الشعيره=يالجذع في تالي الايام نفسك وش عثرها