أوراق شــاعــــر

[كايدالاجرب]

صح لسااااااااااانك ياهلال


ولي عوده انشاءالله


قرأت قصايدك مره واكثر من مره ولم اكتفي من قراءتها


لجمالها وعذوبة كلماتها


ولك ودي واحترامي

[هلال العتيبي]

المشاركة الأصلية كتبت بواسطة كايدالاجرب

صح لسااااااااااانك ياهلال


ولي عوده انشاءالله


قرأت قصايدك مره واكثر من مره ولم اكتفي من قراءتها


لجمالها وعذوبة كلماتها


ولك ودي واحترامي

صح قلبك ياكايد
الله يحييك وانا اخوك
أوّل وتالي
مرورك فخر لاعدمتك

[هلال العتيبي]

الورقة31
إهداء لصديقي يحي الزهراني
على الطرق السائد في الجنوب

لي صاحب(ن)طول عمره منزله فالمشاريف=على شداد المروة والكرم مايحوّل
لابس ثياب الشهامة والشرف والمعاريف=طبيعة ابوه واعمامه وجدّه من اوّل
ان قوطرت به جماله ماتعوّد مناكيف=إلاّ بعد مايجيب المثمنات وينوّل
وانعم بظفر(ن)نماريبه ونفخر كما السيف=للطيب والجود والمعروف بنكٍ مموّل
ذخر لعوانيه واصحابه وللجار والضيف=كنّه نسيم بهماليل السحاب يتجوّل
أسْطع من سهيل كان سهيل يحتاج توصبف=على مباديه يحيى ثابت(ن)ماتزوّل
يفدونه اهل السخافة والرخوم الملاقيف=اهل الزلل والسماجة والكلام المتوّل
وانا مااحب امدح إلاّ محتمين المواقيف=مااحب اصفّ السوالف والكلام المقوّل
يآرب تجعل لابوفيصل عن الشر تصريف=وتكفيه غدر الليالي والزمان المهوّل
واجعل حياته على الطاعة والايام بالكيف=على التقى والنقى والخير عمره يطوّل

[هلال العتيبي]

الورقة 32

ورقا على اغصان المودّة تنوحي=على معازيف الوله تعزف من امس
اثآرت شجوني وصحّت جروحي=وادمت خفوقي واحمست خافقي حمس
ماذكّرتني غير باحْباب روحي=والكوكب اللي فوق عن مستوى اللمس
ياسيّدي تدري وش اكبر طموحي=أفهق ظلام الليل واعانق الشمس
واحقّق احلام الخيال الجموحي=اللي طمسها الوقت في مهدها طمس
واغرق نجوم الليل في بحر بوحي=واغرس نخيل الشوق في واحة الهمس
ليتك سمعت لصرختي كان توحي=لايحتويك الشك والهاجس العمس
وشلون طيفك صار مثلك شحوحي=ان زار مرّة عقبها يقطع الرمس

[هلال العتيبي]

الورقة 33

أناجديدي حرف مكتوب في حرف=والحرف الآخر غادي فالبـوادي
للي خفوقي يمّهم منحرف حرف=قلبٍ خوافيه اكثر مـن البـوادي
يجرفني التيار وآقف على حرف=والسيل يجرف كل شيً بـوادي

[هلال العتيبي]

الورفة 34

(ياحلم وين المشكله لو تحققت)=واصبحت في دنياي واقع خيالي
لو انّك بعين الرضا زين دققـت=تلقاك في جنبي وكنّك ظلالـي
وياقلب لو من جور وقتك تشققت=عسى العوض في مقبلات الليالي

[هلال العتيبي]

الورقة 35

إعزف على اوتار الغلا والاحاسيس=بحرفك المجنون داعب خيــــالـــي
أناعلى قلبي جنود ومتـــــاريــــس=لكن ماتمنع هبـوب الشـمـــالـــــي
أسج في دنيا الحبر والقــراطيس=واسجّل اشواقي لمخلوق غالــي
افصّل ابياتي والافكار بالقيس=واكره هل الهذره وكثر السؤالي
واعشق بنات الخيل والشعروالعيس=واشتاق للقهـــوة وصفْـــر الدلالـــي
يضيق صدري واتعــوّذ من ابليس=واذكــر كـريم الوجــه رب لجلالـــي

[هلال العتيبي]

الورقة 36

القلب يااهــل الملامــة لاتعذلــونــه
دعني على مااشتهي ياعاذلي دعني

ان هب برد الصبا لبيه يـــاعونـــه
وان ذعذع الغربي الغربي يولّعني

توهّجـت جمـرة الهـاجس وغليونه
وغنّيت حتى جميع الناس تسمعني

يـاهيــه مشاعري ماهيب ليمـونـه
ولا فيه شي عن قناعاتي يزعزعني

لاتستفــز الحشا وتهيّض شجــونــه
بالمنطق الإنتهازي صعب تقنعني

من يعشق النفخ عفواً صار بالونه
لسان حالــه يقول انا هنـــا يعني

يستجدي المدح بالْسانــه وبعيونــه
وانا سلومي عن الهفوات تمنعني

اللي بعينه يشوف الناس من دونه
اموت ولا ارتجي هالوجه ينفعني

الروح في صحبة الاجواد مرهونه
مــاعــاد يمديك تقلعني وتزرعني

روّضت حرفي ماعاد اطاوع جنونه
على هوى النفس والخاطريطاوعني

زمان كنت استشيره واتبع ظنونــه
كـــان يتدلّل ونــزواتــه تــروّعني

وهالحين صارالقلم يكتب على هونه
لــو ازهــم الابجديــه جــات تتبعني

اليا مدحـت امـدح اللي يستحقـونـه
اشـاور العقـل قبل القلـب يدفعنـي

ماكلّ زول انخدع في شكله ولونه
ولا كـلّ طيفٍ يشتتني ويجمعنـي

[ابراهيم الزراقي]

صح لسااانك ياهلال

اوراق شاعر مبدع


ارق التحياااااااا لشخصك

[الكنق 2011]

صح السانك ياهلال

مبدع