العااازمي=
صفوف مطير موجوده وشعّار النواظـر مـاش=ومن قال ءمعصِي قلنا ولد,, هات الذهب هاته!!
آكيد إن الضيوف حشام مار إنكـان فيهـم لاش=نسوقه لين ينسَ اصله بعد ,,هات الذهب هاته !!
العووني =
ترى اردى شاعرٍ فمطير ,, لو جالـك تبـا تنحـاش=مدامك عازمي مامن جهـد ,, هـات الذهـب هاتـه
طرشت وباح مطراشي ,, يخلف الله علـى الطـراش=حسب مااشوف مافي الحمض احد ,, هات الذهب هاته
العااازمي=
تهوش القوم مار العلم بعض القوم ماتنهـاش=امد الحبل فوقك وانعقد,, هات الذهب هاتـه!!
بعد هاج البحر والموج تحت السفن هاج وطاش=مع الشعار يالعوني عدد ,, هات الذهب هاته!!
العووني =
انا ماكنت احسبك قبل هذي شاعـرٍ غشـاش=تورد لك علوم بلا سند ,, هات الذهب هاتـه
مدامك شوكةٍ فاصحابي الروقة تبـا منقـاش=من اللي فزعك دون البلد ,, هات الذهب هاته
العااازمي=
من اللي لف عينك يالمطيري من عصر بخياش=عسى راعتك تبقى للآبد ,, هات الذهب هاته!!
حميناها بحد السيف والبنـدق وقـو الجـاش=ولانسري ولاننقض عهد,, هات الذهب هاته!!
العووني =
عجايب يامدير الدايرة يضحك بـك الفـراش=هذا وقت المصايب والنكد ,, هات الخبر هاته
اذا جينا لنقض العهد اخذها من رفيقك كااااش=تذكر ماحصل يوم الاحد ,, هات الخبر هاتـه
العااازمي=
تضحّك بعد ماتشتـال حملـك ماتـروح بـلاش=وتستفزع من الغيّب مدد ,,هات الذهب هاتـه !!
من العتبان يالمطـران دميـا والكبـود عطـاش=والا اذكر غير من ذل وشرد,, هات الذهب هاته!!
العووني =
ترى ماانت بمحرفها !!علاك من السحاب رشاش=من البارح لابرق ولارعد ,, هات الخبـر هاتـه
وانا اذكرٍ ميتٍ من بعد موتـه عزكـم ماعـاش=بعد تركي رمي به فاللحد ,, هات الخبـر هاتـه
العااازمي=
حفرت وطحت يالعوني وباقيلك ستـر بقمـاش=بنيت البيت ثم جبنا العمد ,, هات الذهب هاته!!
تحسبنّا سوات مطيـر عيـنٍ وحّـده بفـلاش=عتيبه كلها قوم السعد ,,هات الذهـب هاتـه!!
العووني =
حفرنا في جهـام وخلنـا ياصاحبـي نعتـاش=على درب النحل نلقى الشهد ,, هات الخبر هاته
نعم ماانتم سوات مطير ميـر الفكـر لاينـداش=نعرف البوم وطيور الهدد ,, هات الخبر هاتـه
العااازمي=
عمار مطير من زاره لقا زين النبا وفراش=تخلي من يمربها ركد,,هات الذهب هاته!!
نعم حنا هل الطالات سقناكم كما الادبـاش=تبا تبطي وغلّك مابرد ,,هات الذهب هاته!!
العووني =
عمار مطير ماينـاش ... دار مطيـر تنـاش=هذي عادة ماهي عنكم لاحد ,, هات الخبر هاته
يابن عاصي لونـك للعلـوم الهينـه حـواش=فريسة ليل في شدق الاسد ,, هاته الخبر هاته
العااازمي=
ديار مطير لو الغيث يدهلها تـروح عشـاش=صنادق مع مديلاتٍ جدد,, هات الذهب هاته!!
تعرّضت الدمي الفايـره والقـرم والرشـاش=وكاد الدم في قلبك جمد ,, هات الذهب هاته !!
العووني =
ديار مطير لو مريتهـا ودوك للانعـاش=اليا صدر هذا هذا ورد ,, هات الخبر هاته
تعرضت العيون الذرافه من كثرة الارماش=عساها كلبوها للرمد ,, هات الخبر هاته
بيض الله وجيهكم
وصحت السنتكم
« آخـــر الـــمـــشـــاركــــات »
03-May-2009, 10:19 PM
العرض العادي
