لـمـيـس !! . . ياناصر العصيمي

[ناصر الجلاه]

..

سلطان الجذع

..

صح بدنكـ يالاسطوره اسم على مسمى الابداااع منكـ والاستفاده منك

تصبح على خير

..

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[قادح شرار]

ماشاء الله تبارك الله .

طاروق لا يعلى عليه .

صحت الألسن يا عتابه وما قصرتوا .

[معجب العتيبي]

سلطان الجـذع

يالعصيمي لاتعلق في لميس الفاتن اللي = كم جريحٍ ماتطيب جروح قلبه من سببها
بين نزوات الغرام وبين نظرات التغلي = وانت لاجايٍ بكسوتها ولاجايب ذهبها

ناصر الجلاه

يالجذع وأليا نشدتك يارفيق الروح قلي=السبايب والمصايب يوم ترخي في هدبها !!
يوم قلبك من هواها تله المسفار تلي=العصيمي مابحث عنها ولادور نسبها !!

سلطان الجـذع

احمد الله وأشكر الله فالقهب ذودك مفلّي= وانت تحت السكرية ويتساقط لك رطبها
لايجي فالصدر ضيق ولايجي فالقلب ذلي = من هو اللي غير ناصر ساق رجله في طلبها

ناصر الجلاه

قبلة الاسلام كعبه واحمد الله قبلتلي =وانت ياراع البقاله عيشتك تأكل علبها !!
ياولد عساف فالميقاف رجلي ماتزلي=كيف رجلينك تسير ماتثني في ركبها !!

سلطان الجـذع

مانعدك غير سيفٍ ساعة الشده يسلي = مير بقعاء تحت جنح الليل تفتل لك شنبها
انت ماقدمت رجلك فالطلب عشرين ملي = والجذع فالدرب واطيٍ راس الافعى مع ذنبها

ناصر الجلاه

كيفك اعدك يابن عمي وانت عندي مثل ظلي=اطبعوها فالجريده والجلاه اللي كتبها !!
يوم دقلات الحرايب كالخيال المستهلي=وقفتي من دون ربعي فاللقا كلٍ حسبها !!

سلطان الجـذع

أعترافك مايهم اللي على العز متعلي = طيع شوري لاتنشبها وتنشب في نشبها
الحقيقه يالعصيمي كنها البدر متجلي = مالقيتك يوم نار الحرب زدنا في حطبها

ناصر الجلاه

شبها نارٍ تلضى يوم دلك مثل دلي=لاتوعدني ترى شبابها يجنى شببها !!
العوافي ستر ضافي في محلك في محلي=نسمع الورقى تلحن فالجذيبه من طربها !!

سلطان الجـذع

سانيتكم غربها لاحظت به فري ومشلي = وغير هذا مايداويها المداوي عن جربها
الله اكبر لو اجي لك ياطويل العمر كلي = كان أبو طايل زعل وعمامته لاجلك عصبها

ناصر الجلاه

ماتحلل فالحرام ولاتحرم فالمحلي=وانته اللي سانيتكم فالنهايه من حلبها !!
اسمعوها من صحيبي مونسٍ فالكبد غلي=الحقيقه قصة اللي شيبت محدٍ خطبها !!

سلطان الجـذع

انت رجالٍ على الفطره تصوم ولاتصلي = غير ركعه من وراها سيّتينٍ تكتسبها
يالجلاه الله يبارك فيك أثر عقلك موّلي = شيّبت مااحدٍ خطبها في طحي ومع عربها

ناصر الجلاه

يامزون الخير نشي يامزون الخير هلي=مانطيع النفس يوم الجذع نفسه ماغلبها !!
لو تعكس الاتجاه ولو تفتلها نفلي=تستدل بيوت أهلها يالجذع محدٍ غصبها !!!

التوقيع

[احمد الملاح]

يا سلام يا شعار الهيلا

ما خليتوا شيْ حتي لميس جبتوا طاريها

وابدعتوا صح السنتكم

[السميــــــري]

طاروق .. ّ!
ناجح .. بنجاح شعراءه الكبار ..
ولو أني متأخر .. ولكن لم يفتني شي ..

صح لسان الشعر ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[سلطان الجـذع]

,,,


بيض الله وجيهكم جميعاً ... شرفتّوا يالغالين
بحضوركم ..


,,,

[سعود العصيمي]

سانيتكم غربها لاحظت به فـري ومشلـي
وغير هذا مايداويها المداوي عن جربهـا
الله اكبر لو اجي لك ياطويل العمـر كلـي
كان أبو طايل زعل وعمامته لاجلك عصبها


ماتحلـل فالحـرام ولاتحـرم فالمحلـي
وانته اللي سانيتكم فالنهايه من حلبها !!
اسمعوها من صحيبي مونسٍ فالكبد غلي
الحقيقه قصة اللي شيبت محدٍ خطبها !!


ههههه



مجرمين


الاثنين


محاورة رائعه


صحت الالسن وصحت القلوب



مودتي وتحياتي

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[سلطان الجـذع]

,,,


سعود العصيمي .. صح بدنكـ وكل الشكر
على حضورك يالغالي..



,,,

[غازي غالب]

سلطان وناصر

فطاحله وشعرااء كبااار

صحت الالسن والقلووب وبيض الله وجيهكم على هالطااااااااروق



مووودتي ,,

التوقيع

انته مزاجك خواً بالراس = وانا مزاجي يبا الهمجه

[سلطان الجـذع]

,,,


يامرحبا يامرحبا ياغازي بن غالب ...صح بدنك
وشكراً على المرور ...



,,,