مقعد الدغيلبي=
مرحبا بالشاعر الي صورته ماهي قديمه=صورة العملاق والعملاق معروفٍ شعاره
ودنا ننشدك يالعوني عن علوم الصتيمه=عطني علوم الصتيمه بعد ماصّدر قراره
العووني=
البقا ياراعي الترحيب والنية سليمة = بشروني عنك يامقعد وقدمت البشارة
الصتمية ضيفك اللي جاء على حسب العزيمة = لاتنّشد وانت حارس عند بيبان العماره
مقعد الدغيلبي=
بارك الله فيك مار شعيل معروف الوسيمه=والوسيمه ماتغير فالبروده والحراره
والحقايق واضحه والذيب عينه للخريمه=مالقو فالجحر غير الفار والي معه فاره
العووني=
راعي القلب الجسور وراعي اليمنى الكريمة = في عتيبة بسببه كن الحسد زاد انتشاره
عدك اللي من زمان العام و وروده محيمه = وش يهمك لو علاه تحط ( مسموح الزيارة )
مقعد الدغيلبي=
راعي الكف القصير وراعي العين الكريمه=والله ليبطي عظم مارد يامطير اعتباره
كيف قلت العلم هذا وامكم ماتت عقيمه=راش مايقدح شجاعه كبد مافيها مراره
العووني=
عن شواربكم غصيبة ,,, في يديه خطام ريمه = وعودتكم معه تضحك ,,, فوقهم قد عم خاره
امنا جابت رجال المجد يوم امك حليمه = من نماها الرجل ماطالت يمينه عن يساره
مقعد الدغيلبي=
الله اللي محرمك منها لعلك بالحريمه=العتيبي من يمينه والمطاري من يساره
امنا ضمت رسول الحق وارجالٍ عظيمه=يامفتشت الجحاره فعلكم فتش الجحاره
العووني=
لاتقوله وانت مالك في عيون الناس قيمة = للعتيبي مايدلك غير ذله وانكساره
صاحبي مقعد ترى التاريخ في هذي خصيمه =ياخسارة يوم معه اتعب هجوسي ياخسارة
مقعد الدغيلبي=
الله انه يرحم مخلف بعد سوى جريمه=من فعوله كم مطيريٍ تنحى عن بياره
صفحتي بيضا وصفحتكم فعايلها وخيمه=لقحوها من حصان وصار ناتجها حماره
العووني=
في زمانٍ فات ماضويت خير ولاغنيمة = خابرٍ لي يوم فوق وجيهكم ياكبر عاره
حلفنا يمشي على الرجال ويطلق حريمه = وفعلنا منه العتيبي ماتهنا في دياره
مقعد الدغيلبي=
في زمانٍ فات اسوقك مثل ماسوق البهيمه=في ضلام الليل غاره مع طلوع الشمس غاره
العلوم بلا دلايل مالها فالوقت قيمه=الدويشي كم دويشيه تغادر من مطاره
العووني=
يشهد دموع اليتيم وتشهد دموع اليتيمة = يوم كون الحرملية مشعلين مطير ناره
انت ابوك مسيلمة والكذب عادة مستديمة = والدويشي مااحد بهذلك هاك الوقت غاره
مقعد الدغيلبي=
يوم كون الحرمليه وانت ماخذلـك قسيمـه=تسعه من الصعران راحو واقبروهم فالزباره
العووني=
يالعتيبي ضايمك فالوقت لايمكن تضيمة = واجد اللي ماتت منكم مااحدٍ نادا بثاره
« آخـــر الـــمـــشـــاركــــات »
14-Sep-2009, 10:23 PM
العرض العادي
